《寄了一整個春天》討論區

劇組係咪有人賣過底褲，幾清楚個流程

官方ig扮過賣底褲去approach買家
碌落底仲見到啲post

同普通上網賣野都唔係太大分別jei

https://www.instagram.com/p/DC2Gwf1Bxxm/


奇蹟呢？
我諗起緣路山旮旯
岑珈其俾人鬧完樣衰之後套戲票房直線上升

今日係上映首周最後一日，星期四嘅排片已經出咗，幾乎只剩低早場，也說明除非有奇蹟，我哋大概好快就同院線告別。
Before anything else，我想多謝好多為呢套戲仆心仆命嘅人，多謝好多page為咗趕得切令更多人知道我哋，漏夜剪片、出文。數返轉頭，仲要多謝我整個劇組，同你哋合作真係好開心，一齊追太陽，趕日落，太難忘。
多謝製片組，多謝你哋同我講唔洗擔心錢，我要嘅景一定搵到返嚟。
多謝導演組、攝影組，多謝你哋一直carry我。
多謝美術組，多謝你哋同我講想要嘅嘢大聲講。
多謝編劇，多謝你由一開始已經喺我身邊，到今日分文未收依然喺度幫我手。
多謝剪接組、配樂組，多謝你哋喺我每次提出自己都覺得荒唐嘅要求嘅時候，你哋都話試啫，唔得可以undo架嘛。
仲有好多好多人。
好多人問我第一次拍長片，最困難係乜，我次次都答所有嘢都好困難，真係好困難，每一步都好困難，拍攝期間5日冇咗兩個主景，日日落雨，但係我無諗過呢啲都係小事，上映後先係真正最困難，連首映禮都差啲因為八號風球告吹，上映後嘅排片、場次、謝票，亦係我想像以外嘅困難。我哋嘅團隊每日都諗仲有咩嘢可以做，令更多嘅人知道寄了一整個春天，
而呢段時間，我感謝每一位參演者嘅努力配合，由主演到客串嘅朋友仔，都係義不容辭咁參與每一個效果未知嘅宣傳活動，多謝你哋。呢套戲第一稿源於2019年嘅第六屆首部劇情電影計劃，2020年夏天知道呢個電影計劃可以拍出嚟，開始著手改劇本，隨住社會嘅變異，創作嘅心情一直起伏，劇本亦隨之一直改動，做咗幾年，諗咗幾多方向，寫咗幾多版稿，我都記得唔太清楚了，但係每一稿，我哋都努力將我哋想表達嘅嘢，融合入去許澄嘅故事入面。上映之後有一些質疑，覺得應更深入探究主題，內褲交易的道德性等等，但比起這些，我更想電影聚焦喺少女成長，拍一套由人物出發嘅電影，更想摸索當一個人面對未知、面對無法自由地表達自己嘅時候，仲可以點樣開拓自己嘅未來。但質疑以外，我都同時收到好多private messages，同我講佢睇得明，同我講佢好鍾意，我感恩呢幾日有你哋支持，為咗讀懂更多嘅暗示二三四五刷，多謝你哋嘅善意，同時亦都諗，點解你哋唔公開講出嚟呀？
後來我諗，能看明白的人，大概都像許澄一樣，失去了大聲開口的勇氣。好想同你哋講，你哋每一個messages，都溫暖得像太陽一樣。
但，第一周尚未過去，第二周尚未來臨，無論睇波定自己落場打，我最鍾意都係逆轉勝，我哋整個團隊每一個人，依然一如既往地團結、用心，剩低嘅日子一定繼續努力，令更多嘅人知道仲有一套港產片上緊，叫做《寄了一整個春天》！希望新演員嘅努力，可以被更加多人看見！

馬伕正到

好唔好睇見仁見智
同期戲係執輸啲
其實我想盲撐，但真係有啲kick

Rachel正到
白滑

支持
聽日去睇

我以為係咁劇情大暴走

主題曲-㪐㩿幾好聽
希望多啲人入場支持吓

主題曲同插曲都好聽

同你一樣但啲天地場好難搞

《寄了一整個春天》電影原聲大碟🌸
現已上架至各大串流平台🎧
電影中配樂都由馮之行 @fch_sarafung 一手包辦🙌🙌
其中一首配樂《Touch Me》更由Sheena @sheenchann 主唱✨💖
如果想重溫春天的青春旋律
請即去各大串流平台回味～～
今日 💌 默默蜜語
戲院見🫶

https://www.kkbox.com/hk/tc/album/HZWrd6FCAsSpL1kDwr

呢度仲要「何晞賢」搭嗲話驚危險，鋪哂路咁暗示都無野發生

ching套套都有睇

支持港產片

今時今日唔可能再情緒勒索去推票房
呢個新導演根本未夠班

演員一流，編導三流

無破地獄都應該唔會差好遠

利申有睇覺得marf 好睇
順豐仔張毓軒好睇但完全浪費左個角色

唔係張毓軒浪費個角色，係編導建構左佢背景又唔好好利用

睇咗sam先生個訪問 原來cast人嗰陣仲未知有那年盛夏嘅出現

又會咁啱cast中同一班人

Shin 應該真係中cast, 客串幾個就好似係圍讀完有幾個角色啱佢地搵佢地演， 好似睇過個訪問係咁講過