有一隻螞蟻佢一出世就係一個好富裕嘅環境之中
佢嘅蟻巢係數一數二唔憂食嘅好蟻巢
一切都要歸功於一個污糟邋邋遢遢嘅公屋戶
食完嘅外賣周圍抌
周圍都係細菌，周圍都係糖
真係一個「天堂」
可惜好景不長
呢位公屋戶認識咗佢嘅另一半
佢捉住佢大掃除 搞到班螞蟻冇啖好食
慢慢死剩個位數
呢個時候隻螞蟻望住個公屋戶
佢話
大家有冇諗過佢哋啲嘢食入落去佢哋個口入邊咁點解我哋唔跟埋入去呢？
好多人都覺得佢呢個諗法戇鳩白痴
但係佢堅持
佢要證明俾大家睇成功係需要勇氣
佢爬上左嗰個男人嘅口入邊
突然間一陣口水將佢衝入去
佢死撚咗
