伍富橋遭網民狠批：話唔介意係呃你
《一劇之本》歌詞中說：「緣份哪可分背景，相戀求尊敬」、「輿論裡，數千斤壓力，觀眾不知道是剃刀」，甚至「冷笑諷刺與侮辱加害，這齣戲別妄想刪改，心裡赤貧或富有，裁定往昔將來」，每句都正好道出他與太太相戀後，自己如何面對觀眾及網民對他們的批評。伍富橋直言，起初很介意這些負評：「老實講，話唔介意係呃你，都係人嚟，會有感覺。」
伍富橋視太太為心靈良藥：佢會幫我分析
伍富橋太太梁兆楹是一名「學霸」，曾赴英國修讀犯罪學，並取得打擊有組織犯罪和恐怖主義碩士學位，又曾在香港修讀法律碩士課程。伍富橋坦言太太是他的心靈良藥：「由我同太太相識，網上宣布拍拖到結婚，輿論一直都冇停過，有影響到我自己心情，但我太太EQ同IQ都好高，佢會同我分析，叫我用另一個方向去諗，我好佩服佢，因為佢係圈外人，唔suppose佢會見報、要面對呢啲問題，但佢快過我去消化整件事，同佢一齊亦令我個人成長咗。」
伍富橋心痛太太被批評：幾堅強都有條刺
網民對於伍富橋太太的惡意批評非人人可承受，包括對樣貌以至身材等等的指控，他看在眼裡每每都心痛太太。他說：「無啦啦畀啲唔識嘅人去抨撃佢，話佢好蠢，對佢評頭品足，評論佢嘅外表，我覺得呢樣嘢最令我心痛，亦自覺最虧欠佢，我到而家都好自責，佢唔會表現出嚟佢介意啦！但作為一個女性畀人批評外表，一定唔會開心，幾堅強都會有條刺。」
欣賞「駙馬」黎諾懿用實力證明自己
伍富橋笑言補償太太的方法，就是證明自己，亦希望能將事業和家庭分開。他感慨自己是當年尚未走紅的張繼聰，「我睇佢哋以前啲新聞，成日嗌佢謝生，我而家feel到嗰種感覺，所以我好欣賞張繼聰，以前《巨星》佢同森美大哥有做過我哋嘅MC（主持），好欣賞佢哋口才、反應非常之勁，佢係食呢行飯。」而圈中多位駙馬中，伍富橋好欣賞黎諾懿，「佢當時宣布結婚都受到抨擊，佢一直努力工作，到而家自己開節目做監製，係一個值得學習嘅榜樣。」
接受「駙馬」稱呼：軟飯王都係咁聽啦
伍富橋與太太的家庭背景懸殊，對於升呢做「駙馬」，他認為只是多了一個稱呼，不認為是貶意，「佢哋畀咩名我都要接受，軟飯王都係咁聽啦！有乜所謂啫！都係嗰句，稜角都已經磨平咗，佢哋講咩都冇所謂，其實心裡建設咗，因為我唔係第一個咁樣畀人講嘅人，圈中都有三、四個，所以我呢樣嘢反而ok囉！把口生喺人哋度，你都控制唔到人哋講咩。」
被誤會唔使做
伍富橋因為太太而成為網絡紅人，雖然人氣急升，但坦言未有因此多了工作，「人氣令人錯覺我好似唔使做咁，呢個就係我要檢討嘅問題，可能近年冇將重心放喺幕前，其他工作又冇展示畀人哋睇。」其實伍富橋除了幕前工作亦有副業，他與朋友合資在上環開健身室，教學生健身及跳舞，「我教gym、教跳舞，一星期教3至5日，都係恆常有嘢做緊嘅人，奈何我係個公眾人物，大家覺得我冇嘢做，因為我冇嘢喺電視、媒體上見到。」
副業月入4至6萬夠養自己
伍富橋坦言副業月入約4至6萬，足夠養起自己，對於被指是「軟飯王」，他無奈的說：「唔通我個個月拎份糧單畀你睇咩！」問到有否試過「唔掂」要老婆幫忙？他認為，一家人不用分邊個幫邊個，亦強調沒有太太的附屬卡，「我希望將來我畀附屬卡佢，都係用自己卡，咁唔通我買嘢畀你，就叫幫你咩！大家已經係一家人，唔會講呢啲嘢！」
