基督教連登堂2024年11月17日主日崇拜：永遠不滅既火

†

歡迎各位巴打、絲打，黎到今個星期既崇拜！

基督教連登堂2024年11月17日主日崇拜
經文：猶大書1-11
講題：永遠不滅既火
同工：Yellow, Laila

歡迎巴絲打建議講題。



（一）祈禱

天父, 我哋知自己做咗好多錯事, 諗到心入面都好慚愧。有時明明知道啲嘢唔啱, 但係都係忍唔住去做。有陣時又會怪責其他人，唔肯認自己嘅錯。

我哋都知道呢啲行為傷透咗你嘅心,
但係你仲係咁有耐性咁等我哋返轉頭。求你原諒我哋嘅軟弱同埋任性,
幫我哋改過自新。多謝你仲係咁愛我哋，願意接納我哋呢啲罪人。求你幫我哋以後活得更加似你嘅樣。奉主耶穌基督嘅名求，阿們。

奉父、子、聖靈既名，我地開始今個星期既崇拜。



（二）讀經

請起立聆聽神既話語。

猶大書1-11
//1 我是猶大，耶穌基督的奴僕，雅各的兄弟，如今寫信給那些蒙召的人，就是在父神裡蒙愛，為著耶穌基督而蒙守護的人。
2 願憐憫、平安、慈愛多多加給你們！

3 親愛的啊，我一直都極想寫信給你們談我們共享的救恩，現在我更覺得必須寫信勸勉你們：你們要為那從前一次就交付給聖徒的信仰奮力爭戰，
4 因為有些人已經溜了進來，他們是不敬虔的人，早就被判定受那懲罰。這些人把我們神的恩典當作淫蕩的藉口，並且背棄耶穌基督——我們獨一的主宰和主。

5 我希望提醒你們，儘管你們一次就知道這一切：耶穌把人民從埃及地救出來，後來把當中那些不信的人除滅了；
6 還有，那些天使不留守本位，擅離自己的居所，主就用永遠的鎖鏈把他們監守在幽冥下面，直到那大日子的審判；
7 同樣，所多瑪、蛾摩拉和周圍各城的人，跟這些天使一樣放蕩行淫，追隨異態的肉慾，就遭受永火的刑罰，成為後世的鑒戒。
8 雖然是這樣，這些做異夢的人還是照樣玷污身體，藐視主的權威，毀謗眾尊榮者，
9 但是天使長米迦勒，他跟魔鬼爭辯、為摩西的屍體爭論的時候，並不敢控告他毀謗，只說：“由主來責備你吧！”
10 可是這些人呢，凡是他們不明白的事，他們就毀謗；他們像沒有理性的動物，只懂得憑本能行事，他們就因所懂得的事被毀滅。
11 他們有禍了！因為他們走了該隱的路，又為了酬金就投奔巴蘭的錯謬，並且在可拉的背叛裡滅亡了。//

阿們。感謝主。
請坐。



（三）主禱文

馬太福音6:9-13
//9 所以你們要這樣禱告：‘我們在天上的父，願你的名被尊為聖，
10 願你的王國降臨，願你的旨意成就，在地上如同在天上。
11 我們需要的食物，求你今天賜給我們；
12 寬恕我們的虧欠，如同我們也寬恕了虧欠我們的人；
13 不要讓我們陷入試探，而要救我們脫離那惡者。〔因為王國、權能、榮耀，都屬於你，直到永遠！阿們。〕（並不見於最早期的抄本或古譯本）’//

試下做一個新既嘗試，用希伯來文唱主禱文，每次學一個字。



https://www.youtube.com/watch?app=desktop&v=9B1YbgxVYQ0

אבינו avinu 我地既父

שבשמים she-ba-shamayim 就係喺個天既

拆開有意思既部份：

ש，讀 she（唔係shi），relative pronoun 關係代詞: that, which, who，___果個

ב，讀 ba，in the

שמים，讀 shamayim，天（雙數型）

ים ，呢度讀ayim ，（陽性）雙數 既 suffix 詞尾

拆開逐個字母：

ש shin/sin，呢度讀she (類似「射」，呢度係consonant + vowel)

ב bet/vet，呢度讀ba (呢度係consonant + vowel）

ש shin/sin，呢度讀sha (呢度係consonant + vowel）

מ mem，呢度讀ma (呢度係consonant + vowel）

י yod ，呢度讀yi (呢度係consonant + vowel）

ם final mem （成個字最後一個字母），讀m (consonant）

（四）訊息

主，求你憐憫。主，求你憐憫。主，求你憐憫。
呢個係不忠既世代，求你用你既說話吸引屬你既人，救我地脫離滅亡之路。
阿們。

今日講既野，有好多人中意聽：就係唔認識神，又反對福音既人。佢地甚至好樂意按住自己既方法大講特講。
因為呢個訊息唔好聽，冇人中意聽。好似趕客咁。

冇錯，聖經就係講呢樣。聖經係有果句講果句，唔洗就人喜好，唔洗遮遮掩掩。

試下唔好搬教義出黎，有邊個覺得自己唔會滅亡？有冇神既同在肯定到？

（1）有禍喇！

經文指明左對象，「不敬虔的人」，係「早就被判定受那懲罰」既人。
佢地既行動係「把我們神的恩典當作淫蕩的藉口」同埋「背棄耶穌基督」（4節）。

自己有冇咁做過？

除左猶太傳統既例子之外，希伯來聖經入面既例子都有五個：

耶穌把人民從埃及地救出來，後來把當中那些不信的人除滅了（5節，參考 出埃及記32章 等）
所多瑪、蛾摩拉和周圍各城的人（7節，參考 創世記19章）
他們走了該隱的路（11節，參考 創世記4章）
又為了酬金就投奔巴蘭的錯謬（11節，參考 民數記22-24，31章）
並且在可拉的背叛裡滅亡了（11節，參考 民數記16章）

今日主要會睇「永火」，按住酒巴既提議。

不過重點講永火之前，我地睇埋猶大有幾緊張。讀經果段其實仲未完。

猶大書12-16
//12 這些人是你們愛筵的污點，與你們同席時肆無忌憚，只顧餵飽自己：他們是無雨的雲，被風吹走；是深秋不結果子的樹，死了兩次，已經被連根拔除；
13 是海裡的狂浪，濺起自己可恥的泡沫；是流蕩的星，有黑暗的幽冥永遠保留下來給他們。
14 有關這些人，亞當的第七代孫以諾預言說：“看哪，主必帶著他的千萬聖者一起來臨，
15 要審判所有人，又要懲戒每個人因為不敬虔而做的各樣不敬虔的事，並且懲戒不敬虔的罪人所說一切頂撞神的狂妄話。”
16 這些人常發怨言，責怪他人，順著自己的私慾行事，口出狂言，為了利益就阿諛奉承。//

呢D人，唔係出面當神冇到、自以為挑戰到神既人，而係聚會成日見到、一齊愛筵既弟兄姊妹。

蒙召既人既領袖猶大（1節），將呢類人既作為，夾係摩西五經既例子，同埋猶太傳統、文獻既例子中間，間住間住咁講，由第5節講到第16節。

（2）不忠

鬧D咩人要鬧到咁？第5節指出左個問題所在： 「不信」。
咁多人唔信，點解係揀呢堆人黎鬧？
因為個問題係「不忠」。唔信實，唔忠信，講過唔算數。個「信」字（אמן amen, אמונה emunah），聖經從來都唔係講「接受教義」，而係「堅定不移」，呢個係對主忠誠既問題。

啟示錄21:8
//8 至於怯懦、不忠、可憎、殺人、淫亂、行邪術、拜偶像和所有虛假的人，他們承受的那份在燒著硫磺的火湖裡；這是第二次的死。”//

呢度譯得好，άπίστος apistois 翻譯做「不忠」。
和合本譯做「不信的」，再加埋膚淺既理解，就有無數人走去傳講「唔信耶穌要落地獄」，大錯特錯。（留意，第一，我冇話火湖係地獄，第二，我冇話落地獄係出自聖經，呢兩句我都唔同意。）

咦，咁係咪唔開始信耶穌就唔會不忠？當然唔係！呢個係點做人既問題，如果自己講過唔算數仲覺得冇問題，就唔好拉埋神學黎講。

同樣，點解「怯懦」就要承受火湖？驚都唔得？
呢個係對神既態度既問題。當有樣野係自己好驚，多過驚神，其實係反映緊對神無敬畏。
講得白D，即係有樣野反映到自己原來係當神冇到。

路加福音12:4-7
//4 “我的朋友，我告訴你們，你們不要怕那些殺了身體以後不能再做甚麼的人。
5 我會向你們指出要怕的是誰：你們要怕那殺了身體以後還有權把人扔進地獄的；是的，我告訴你們，要怕這一位。
6 五隻麻雀，不是賣兩個銅幣嗎？但在神面前，一隻也沒有遺忘。
7 甚至連你們的每一根頭髮都被數過了。不要害怕，你們比許多麻雀更貴重！//

（待續）

阿門🙏

hallelujah

（3）永火

「永火」呢個詞語，可以係幾段聖經同經外文獻搵到。

以賽亞書33:14
//14 在錫安的罪人都懼怕，戰兢抓住了褻瀆的人；“我們中間誰能與吞噬之火同住？我們中間誰能與永恆的烈焰（מוקדי עולם moqedei 'olam）同住？”//

馬太福音18:8
//8 如果你的一隻手或一隻腳使你犯罪，把它砍下來丟掉！你殘廢或跛腳進入永生，總比有兩隻手或兩隻腳被丟進永火（το πυρ το αιωνιον to pur to aionion）裡好。//

馬太福音25:41
//41 “然後，王會對左邊的說：‘離開我去！你們這些被詛咒的，到那為魔鬼和他的使者預備好的永火（το πυρ το αιωνιον to pur to aionion）裡去吧！//

猶大書7
//7 同樣，所多瑪、蛾摩拉和周圍各城的人，跟這些天使一樣放蕩行淫，追隨異態的肉慾，就遭受永火（πυρος αιωνιου）的刑罰，成為後世的鑒戒。//

死海古卷既群體守則 1QS community rule 入面，係有用過呢個字。




中文大意：

1QS 2:7b-8a
你係被咒詛既！為到你無憐憫，按住你行事黑暗。
你係受憤怒既！係永遠既火（אש עולמים esh 'olamim）既黑暗入面。

願佢唔憐憫！當你求告果時。
願佢唔赦免！（唔）贖你既罪。


而旁經/偽經「十二族長遺訓」入面西布倫既部分都有提過。「偽經」呢個字，pseudepigrapha 係「偽託」作者名咁解，借左人個名黎用，唔關個內容真偽事。



中文大意：

Testament of Zebulun 10:3
至於惡人，願上主使永遠既火（אש עולמים esh 'olamim）黎到，吞滅佢地，直到世世代代。


好喇，睇晒呢D又點樣幫到我地理解呢？
有兩方面。第一，平行句直接將兩樣野放埋一齊，咁我地就知「永火」即係咩。第二，呢D討論既上下文就提示左「永火」係幾時會提到。

另外，猶太傳統點樣講「永生」，其實都係一樣好必要知既野，因為神既聖言係交託左比猶太人（羅馬書3:2），耶穌自己都係猶太人（路加福音2:21），耶穌講道既聽眾都絕大部分係猶太人（馬太福音15:24）。

（待續）

多謝黎巴你嘅講解

希望呢條片有助黎巴你講解
https://www.youtube.com/watch?v=Byfm_EbNExQ&t=135s&ab_channel=%E7%A5%9E%E5%AD%B8%E9%96%8B%E7%AE%B1UnboxTheology

仲未講完，原本諗住今朝繼續但係有同事call

呢條上次睇左喇，多謝分享，印象中佢地冇講1QS 同Testament of Zebulun