點解會叫二五仔？

到底呢個形容詞係點樣得嚟？

有冇人諗過？

點解唔可以係二六仔？

唔可以喺二八仔？

一定要喺二五？

這名稱的來源一說是他們協助警方破案後，其功勞或獎金是與警方以「二一添作五」的方式平分。

咁點解唔撚叫做215仔？

二五仔 你柒左啦 7

215 加埋係8 又點柒呢

我小學畢業都唔識答你 好羞恥

源於洪門排第七條友反骨，向清庭報寸，搞到洪門兄弟犧牲
2+5=7 ，佢哋好鬼多暗號
亦產生咗「報寸」呢個詞，係寫「寸」而唔係「串」，詳情唔記得

馬寧兒

黎自忤逆仔 (五二仔)
你試吓好快咁讀10次，就會明

等廢老講你知，當年啲人開始講「25仔」，意思係「兩頭蛇」。打啤牌揸住 2345，可以變 A2345或者 23456。初頭意思係指嗰啲食兩家茶禮（暗中同對家串通）嘅古惑仔，後來變咗而家嘅我們中出了一個叛徒

咪9噏啦，作到清朝咁遠以前根本冇人講「串」呢個字記憶中係70年代尾先開始有港產電影講「你好串喎」「呢條友好串喎」，之後引伸到啲好串嘅人走去報警篤灰，就變咗「報串」。

廣東話反正只係攞個音，「寸」同「串」都有人用。

精神分裂？

第一種說法：（源自東周春秋時期的晉國，由明朝馮夢龍《東週列國志》中提出）

東周春秋時期，晉國人稱呼梁五和東關嬖五為二五耦（兩個名叫五的狼狽為姦），二人為驪姬謀生太子申生，因此二五就成為了奸佞、背叛者的簡稱。

《東週列國誌中》二十回：獻公有嬖幸大夫二人：曰梁五東關五，並與獻公察聽外事，挾一寵一弄權，晉人謂之“二五”

梁五，《左傳》稱為外嬖梁五，晉獻公時大夫；

東關五，晉獻公時大夫，晉國人稱東關嬖五。

義忤仔

就係你呢啲GoogleL引埋啲網上垃圾以訛傳訛一乾三濕

https://jonathanovsky.wordpress.com/2017/07/15/%E3%80%8C%E5%AF%B8%E3%80%8D%E5%92%8C%E3%80%8C%E4%B8%B2%E3%80%8D/

陳凱文研究室

「寸」和「串」
7月 15, 2017 陳凱文


圖：施琅

作家馮睎乾在《那些年，我們爆過的粗》一文中，提到他在小時候，「串」也算粗口，只有「飛仔」才說「好串」，一等良民該說「沙塵」。有讀者引用作家沈西城的《寸．老細．豬揼兜》，指「寸」字源於一間名曰「造寸」的裁縫鋪。鄙人所聽到的版本，則略有不同，又或者應該說，「寸」在粵語俗語中有兩層意思，一是「囂張」，一是「出賣」，兩個意思的出處，似乎亦不一樣。

小時候聽叔父輩的講，「寸」作「出賣」的源頭，來自洪門三合會的暗語，而非含有性隱喻的「粗口」，普通人家自然視作黑話。在洪門一般編制中，分為十排，用以區別地位高下，唯獨第四和第七排，不能由男人擔任，四排多為兄弟之妻，俗稱「金花四姊妺」，七排則多由未婚女子充任，稱「銀花七妺」。為何有此安排呢？因為第四和第七排，曾經出過叛徒。

箇中歷史，網上現在也很易找到了，蕭若元也曾在網絡節目中說過，在此不贅。相傳，洪門排第七最有名的叛徒，便是施琅。施琅本為鄭芝龍猛將，後來隨鄭芝龍降清，但是不久又轉投鄭成功部下，在鄭成功所創立的洪門中排行第七。及後，施琅又因為跟鄭成功手下曾德結怨，並殺了曾德後出逃，再次投靠清朝。自此，「七」便成了叛徒的代名詞。

作為江湖暗語，「七」後來演化為「二五」，取其「二加五為七」之意，叛徒因此又稱「二五仔」。再到了後來，「二五」便演化為「寸」，暗喻為「2.5厘米為一寸」，出賣他人便稱作「報寸」。以上暗語跟其他黑話，如「收皮」和「Kai」一樣，今日已流傳至坊間，甚至視作潮語了。


圖：馮睎乾所提及的《直語補證》原文

至於「串」，《粵典》將「報寸」寫成「報串」，愚見認為有可能是同音通假。至於「串」作「囂張」解，馮睎乾曾撰《「你好串」是中共「匪語」嗎？》一文，提到清代梁同書所撰《直語補證》的記載：『相謔也。《爾雅》：「閑，狎，串，貫，習也」。注：串，厭串』。愚見認為，馮睎乾的說法有一定的根據。

原文刊於 華僑報

馮睎乾係有啲料，但係你睇吓上文就知，根本啲嘢個個都係你抄吓佢，佢又抄吓第二個，大家都冇冇統一嘅說法，跟住有啲人走去引經據典，夾硬搵啲史料嚟穿鑿附會就變咗一乾三濕

「寸/串」字從來都唔係粗口，馮睎乾有咁嘅講法係因為佢嗰時仲係細路，大人梗係唔俾佢講啲粗俗說話講到源自清朝咁遠，你點解釋以前香港從來冇人講個「寸/串」字，當年突然之間變咗人人都掛喺口邊嘅潮語？

人哋有考據有引用喎，唔通信你條𨳍頭咩
佢話「2.5厘米為一寸」，清朝點cm 呀？噉樣梗係講緊去到現代，黑社會先用「二五」嚟創造「寸」呢個黑話。噉好人好姐一般大眾當然唔會識黑話啦。後來先再流入大眾文化之中，噉樣未流入之前當然冇人講啦。

你睇唔睇到其實你同佢地嘅所謂「考據」，根本係大家都唔知，上網search一大輪再「作」番個理由出嚟你睇吓你自己講嘅嘢，全部都係「想當然矣」，聽落合理就當咗係事實

我話「二五」嘅來源係啤牌2345兩頭蛇，呢個係我當年呢個term出現時唔記得係睇戲定睇報紙雜誌學番嚟嘅解釋，我諗點都可靠過你而家幾十年後上網，睇班佢地自己都唔識嘅人作文

BTW幾十年前黑社會好普遍，自稱三合會員唔犯法，落街啲舖頭定期有人嚟收片，去球場踢波又會問你有冇跟大佬，行過公園俾人圍廢老又唔見咗幾草嘢黑社會總有一班喺左近，但係之前從來冇聽過黑社會話我寸話人二五仔囉

以前已經有串有25仔啦