睇完破地獄好失望

每年佢啲戲都好多人吹奏，係得毒舌大狀好少少
香港好容易俾人帶風向
一係就踩到盡，一係就捧到盡
平時set到啲準則好高，但係潮流一到個個都好撚做屌個個
今年呢套嘢個節奏好鬼奇怪，睇到拗晒頭
無啦啦唱嗰隻歌唱到好似唔識停咁
但係後面感人嘅位都做得幾好

我感覺上根本冇節奏可言，因為成套嘢係冇劇情。

究竟黃子華個變化係邊？佢領略咗啲乜嘢？成套戲佢淨係轉咗行囉。佢嘅存在係咪只係用來改變阿許冠文？

許冠文係有變化，但完全冇描述到個變化嘅過程，彷彿佢中咗風之後面到現實就變左了。

啲人話好有深度，但係其實套戲只係好簡單描述咗一啲現實社會好普遍嘅問題，例如唔得閒照顧老人家，例如唔捨得個仔死，例如有人完全唔愛自己老婆，咁所以呢？冇啦，講完了。搞到成部戲除咗許冠文個轉變之外，好似部社會眾生相紀錄片咁。許冠文中風之後，臨結尾，先有少少啲咁dur劇情。

感動位係好好的，除此之外冇其他優點。

可能呢套戲係其他人眼中係佳作，但唔係我杯茶。