老母就係討好型人格，本來佢老公一個已經對佢諸多控制，而家仲加多個唔識嘅阿嬸
個女人好撚得閒嘅，會帶老母周圍去玩同請佢食飯，老母見係免費嘢就去，但去嘅地方都係以嗰個女人意願為主，而唔係就返我老母唔行得，去返屋企附近
例如帶我媽去賭場啦，但我媽都唔賭錢嘅，係嗰個阿嬸同我老豆鍾意賭
頻密嘅免費活動，令我媽開始對呢個阿嬸言聽計從，個阿嬸又會日日同我媽分析對錯，話畀佢聽，應該咁做、唔應該咁做
例如我媽同我老豆而家分開住，個女人就話唔應該咁，話我媽幾十歲、佢個老公又幾十歲，應該住返埋一齊，老人家互相照顧
我媽個家姐(即係姨媽)，平時一年先見一次，但入咗老人院，我媽咁耐都無去探佢，個阿嬸就話唔應該咁，應該要去老人院度探吓家姐 (縱使老人院喺青衣，我媽住九龍+幾十歲唔太行得
)又請我媽同老豆睇戲，話等佢哋多哋見面相處，遲啲可一齊住返
睇呢套：
大公文匯網報道，由陳凱歌執導新片《志願軍：存亡之戰》將於10月1日國慶日上映，電影為《志願軍》三部曲之中的第二部，將重點呈現抗美援朝戰爭第五次戰役中的鐵原阻擊戰，講述一場持續12晝夜的存亡之戰。
上次，帶我媽食完飯，送我媽返嚟，佢仲要企喺門口隔離嘅𨋢口，話要望住我媽入咗屋，佢先走 (我哋用密碼鎖，我叫我媽等佢走咗先好開門
) 又試過夜晚10點幾，我媽瞓咗無去到同佢哋食飯，佢哋就走上嚟拍門
話約好咗今晚見面㗎嘛 咁老母就頭都唔梳出去同佢哋食麵 跟住又係企喺門口等，驚死老母唔出嚟咁
真係好撚恐怖，跟踪狂咁款，成日喺你屋企門口等(大廈係舊樓，乜閒雜人等都可以上嚟)我已經同個阿嬸講，話佢只係外人，唔好理咁多我哋家事啦，唔使佢過份干涉同熱心呀
佢就用返佢啲“應該/唔應該”句式嚟應我 話我係唔應該嘅，佢就係應該嘅，佢而家咁做係幫緊我哋
