生活就好似GTA 嘅主角咁，每日起身load game，接任務，睇cutscene 講點解要做呢個任務，無論係揸架模型飛機炸冧人哋棟樓，定係潛入軍事基地偷jetpack，總之佢係講到呢件啲嘢非做不可，同埋靠主角一個就搞得掂架啦。Anyway, 主角幾rediculous 嘅嘢都會做而且都做得幾好，完成任務後就可以 respect +
我覺得自己生活就好似GTA 嘅主角咁，生活有好多唔同嘅任務，細又有，大又有。細嘅可能諗下星期六日有乜做，睇下書定出去行下咁。大嘅就可能長遠啲，細個嗰陣比較大嘅任務就係考DSE，小一已經接咗任務，到近年終於mission complete. 但入U後又有一大堆新任務... 無計，就好似game入面嘅logic咁，總係有好多理由點解呢啲嘢非做不可，而主角情願唔情願都好，都係硬食架喇。有啲唔同嘅係現實好似難啲，同埋啲任務類型都幾唔同，要不斷咁重新學。呢個並唔係重點，我並不埋怨任務嘅存在，唔係個個任務都係夾硬塞畀我，大部分都係我自己想做嘅。
問題發生喺做完任務嗰陣: "Respect +" Ok got it. What's next? What am I supposed to do next? 喺game入面, 你可能會即刻去做下一個有關嘅mission, e.g. 啱啱嗰個係heist setup, 跟住嗰個係real heist. 你都可能會做啲唔關事嘅任務，解下飛行學校咁，去延續個故事。 但我哋始終都係有爆機嘅一日，每次爆機嗰陣我都有陣心酸，我無得再見到Ken Rosenberg, Lance, Big Smoke... 即使後期出咗好友系統都唔係嗰會事，我要嘅係同佢哋一齊做任務，唔係同佢哋出嚟過退休生活。可能有啲人鐘意free mode 多啲，但我始終都覺得做任務係最好玩的。
喺人生都有相似嘅問題，做完任務後，所以呢？我覺得人生嘅任務比game嘅任務更缺乏連續性，任務一完，上個任務嘅嘢係帶唔到落下一個任務到。就好似喺game 做完任啲車，啲夥伴會消失，as if nothing happened, you are suddenly back to free mode again, you are a free man now. 然後又會進入新任務新開始，繼續呢個循環... 我好enjoy mission 嘅過程，但做完任務就唔知做乜。總括嚟講就係人生好多嘢都好斷續，好似好多事冇乜意義咁，任務一完就會冇晒。但咁講又唔係好啱，啲嘢又唔係完全無意義嘅，因為我的確enjoy 過程。
有人話可能放遠視覺，你就會發現其實啲嘢係有關聯嘅，可能係掛，我重未到嗰個歲數體驗到呢個感受。而家嘅我覺得有點孤單，好似GTA 嘅主角咁，做緊任務嘅時候有好多人，夥伴、敵人同物件「陪」我，一齊奮鬥，但任務一完，我又變得「自由」了。
