想列幾個我覺得不足嘅位置，以下含有劇透：
1. 戲名唔符合主題
可能因為我聽完林家謙首普渡眾生先去睇，先入為主左套戲應該會透過好多家人唔捨得+破地獄儀式嘅鏡頭帶出要走嘅都係要走嘅道理，會安排喃嘸師同家屬嘅對話/爭拗/矛盾，勸勉我地在生的要先安息，過身嘅人先安息到之類道理。但而家感覺戲名換做《白事》都無衝突。
2. 套戲太黃子華
呢個對大家黎講唔知算唔算缺點，因為入場都係想睇黃子華姐，咁有黃子華嘅元素都好合理。但對我黎講，佢嘅演繹方式對套戲黎講好突兀。
套戲最後子華有一場鬧戲去講我地在生嘅人好多時都在意一啲無謂嘅舊傳統，質問我地係咪人地講乜我地就應該繼續遵從，同時亦都想開懷兩兄妹。佢想營造張力，但我全程都睇到好尷尬，心諗一開頭就講話係文叔遺願咪得，洗乜好似特登搵位講棟篤笑說教入啲喃嘸師傅
完全笑唔出。3. 套戲主題唔明確
一時又想講老一輩老傳統男尊女卑，一時又想講人出生究竟有咩意義，一時又講人應該要好好珍惜當下、享受在生嘅每刻。但每個點都只係輕輕咁帶過，搞到成套戲都好唔連貫。
尤其係子華老婆有左嗰幕，子華只不過係喺許冠文屋企傾棵植物，翻到屋企就同老婆說教
學佢話齋：洗唔洗咁沉重啊。
簡單黎講，套戲有好多改善空間。
kick kick地