【I/A】勝利女神：妮肌 (82) It's only the fairy tale

我有個諗法係從細個睇《魔戒》嗰度黎
魔戒作者其中想表達既係「最渺小既人都有佢用處」

魔戒入面隻咕嚕，就係一隻徹頭徹尾既乞人憎仆掛角色
紅舞鞋雖癲，但佢都係基於「同萊徹共存」呢個動機去做佢既仆街野，仲要佢樣靚
咕嚕就真係完完全全既仆街：佢做既所有野都純粹因為自私，又要蠢，但蠢又要學人狡猾，又黑心，樣仲係勁衰

但魔戒既故事完全就係因為有隻咁既死仆街，先滅到索倫
成隻咕嚕無做過一件好事，連最尾出黎搶走the one ring都只係因為仆街自私同墮落。
就就因為佢呢一搶，先消滅到the one ring。

咕嚕前面有好多位可以俾人殺，但由結果睇，如果咕嚕一早死左，索倫就會因為佛羅多墮落而復活。
======================

返到妮姬，
紅舞鞋係搞到女神部隊攻上軌道基地既作戰全盤失敗，
連帶童話一二代所有人既悲慘遭遇都係咁樣而造成。

但如果無佢搞事，件事係唔係一定更好：
(if)軌道基地作戰成功，童話二代成功為女神部隊開路
=>(if)兩代童話型一齊搭乖軌道電梯
==>(必然)女王都係會用大型鐳射攻擊電梯
===>(分歧)部分隊員掉落地球，部分隊員同女王戰鬥

====>(分歧A)殘存隊員戰勝女王。Good End。
====>(分歧B)殘存隊員戰敗。

A good end 唔駛講啦，一日最衰都係紅舞鞋搞事
講分歧B既可能性同後果。

無紅舞鞋，軌道作戰順利進行，會唔會輸俾女王？

玩家世界(紅舞鞋搞事既世界)既灰姑娘，由於曾經異端化，以及殺左大量軍隊累積實戰經驗，係大幅強化過既

而且呢個唔係俾女神部隊打贏既阿納基奧斯，係神志清醒既灰姑娘
玩家世界既阿灰可以單挑女王而小敗，平行世界(無紅舞鞋搞事)既灰姑娘無呢個實力。
亦即係話「灰姑娘小敗，加埋女神部隊既人上埋去仲唔一定贏？」係唔成立。

所以平行世界既殘存部隊係有可能輸的，視乎有咩人上到去。

如果真係打輸去到分歧B，睇下平行世界同玩家世界會有咩分別：
- Doro同灰姑娘等人唔需要經歷咁慘痛既事件。
- 玩家世界既Doro/紅蓮/白雪/長髮/灰姑娘確定存活，平行世界有分打女王而打輸既人會死 (跌落地球既妮姬假設存活)
- 玩家世界既灰姑娘係異端者規格，平行世界灰姑娘唔死都係原本規格
- 玩家世界有善良既女王候補瑪麗安，平行世界因為無紅舞鞋改造侵蝕，就算依然有瑪麗安都係銀鎗部隊既妮姬瑪麗安
- 玩家世界初代指揮官雖然唔知發生咩事…但總之有解除劑血既主角，平行世界如果打輸，人類既初代指揮官無可能俾方舟執到屍

咁睇既話，分歧B既世界會比玩家世界更絕望。
而其中“善良女王瑪麗安”同“異端規格灰姑娘”係因為有紅舞鞋研究侵蝕先造成既。

所以反派紅舞鞋做既衰野，會唔會兜個圈之後反而蝴蝶效應成為good end既必要flag，未到結局其實都好難講

我諗唔會搞到咁複雜嘅 最多去到一個位拖下個故事再出新玩法 例如ssr升ur

問題係紅舞鞋唔係侵蝕灰姑娘咁簡單
佢係令侵蝕進化加出現侵蝕特化嘅萊徹 令侵蝕由本身只係可以短時間妨礙妮姬行動之後就會比nimph清除變成加入萊徹方，仲要係逆轉唔到

老實講，呢啲故事無得話如果，女神部隊單係戰鬥經驗都唔係二代可以比啦，二代灰姑娘以外嘅實戰經驗幾乎係零
無灰姑娘連入軌道電梯都係問題，但係女神部隊係比灰姑娘初見殺先入唔到去，下一次打已經可以羸灰姑娘

現實係紅舞鞋研究侵蝕嘅蝴蝶效應就係小紅帽退役，人類要入方舟，同萊徹製造大量異端者，係出現玩家指揮官先開始有改變
無佢可能解除劑都無需求