睇返美國政治史，民主黨同共和黨現時係左右調轉。以前民主黨係右翼保守同白人至上，共和黨反而先係搞平權同進步價值。雖然而家相反，但係睇返歷史，無論係乜主義既民主黨，佢地往往必定造成黐線結果。
先講支持白人至上主義時期既民主黨。南北戰爭開始前，當時美國只係禁止再有新奴隸，容許黑奴逃往自由州，並無要即時廢除奴隸，但係當時民主黨話唔得，我地要獨立同打仗。早期林肯用經濟封鎖想令邦聯屈服，但係後來邦聯先炮轟桑特堡，先令聯邦政府向南方宣戰開始死傷無數既南北戰爭。
雖然廢奴後黑人仍然被歧視，但共和黨人就算係白人主義者，最多都係社會制度上白人優位，無話想攞人命。相反當時白人至上主義者既民主黨做法係成立地下組織3K黨，宣揚種族主義同有組織地私下對黑人私刑襲擊同殺害。後來1921年，針對當時黑人中產富人社區既土爾沙大屠殺，亦係於當時民主黨執政既奧克拉荷馬州，由民主黨背景既3K黨員所實行，當時美國人雖然都普遍歧視黑人，但係做到咁大就除民主黨別無分號。
再講支持黑人既民主黨。到左現代，佢地既做法並唔係訂立種族平等既制度，而係比黑人擁有特權同不斷比福利，甚至反過來打壓白人講white sin。結果就係BLM黑命貴，強逼政府甚至私人公司要請一定比例黑人，魔掌仲伸到文化娛樂上搞DEI ，你唔照做就系統性打壓你cancel你。
所以我覺得民主黨既問題，並唔係在於佢地係乜主義，佢地既危險性係無論咩時候都覺得自己係絕對正義。無論過去白人至上既民主黨，定而家黑人至上既民主黨，共通點就係為達目的會用強權同暴力去達成佢地想要既，所以最後一定產生一個最黐線既結局比你。
