單係坐巴士可以瞓個靚覺，睇手機唔使俾人公審就已經贏咗港鐵九條街
舒適度
坐地鐵只要你唔係頭站坐就一定無位坐,就算有得坐又要同人哋迫住坐，個位又唔舒服，又硬又跣，會sir去第二邊，硬係用啲腳力頂住。繁忙時間更加唔使講,企都無位企，玩糖黐豆咁成個背囊撞埋嚟
相反，坐巴士唔係喺轉車站上通常都有幾個位坐，繁忙時間有陣時仲會車接車，搭第二架唔使同人哋迫。坐又坐得算係舒服，就好似古惑仔山雞叫雞理論咁，等車嗰陣時有個遐想，硬膠車就仆街，新車就闊落坐得舒服，仲有得偷電
公審
有冇發現而家啲公審大多數都喺地鐵度發生，無論係話人哋偷影，讓座定係嗌交都好。可以話係搭地鐵可以睇到人嘅多樣性。舉高啲部手機，企喺度玩電話就話人哋偷影，坐喺度班廢老又喺度眼超超望住，甚至屌你唔讓座。我整親隻腳，返工返到攰係咪坐吓都唔得，好似後生坐嘅就有罪咁，屌你老母咩
相反，坐巴士理鳩知你冇位坐，坐巴士上層直接勿擾，就算係繁忙時間，大多數都係打工仔，唔需要讓座俾啲老人家。睇手機又睇得自在，對住前面張凳，係嗰啲下層雙向凳麻煩啲，雖然而家上層都開始有。
有啲人話搭地鐵方便又快，搭車會塞車。我屌你咩有幾多個住喺地鐵站上蓋啊，你話住喺上面我算，如果你要轉車先去到地鐵站咁撘巴士個性價比一定好過搭地鐵，莫講港鐵啲黐撚線價錢，除非你住嗰度冇巴士坐。塞車呢啲嘢搭巴士都預咗，都係瞓一個覺嘅事
各位八號波朝早唞一唞，晏晝繼續開波
利申：屯門牛喺港島返學，就算有學生半價，我都寧願搭巴士
：巴膠
：鐵膠
