［破地獄］好多人都讚到天上有地下無，有冇人覺得只係一套好戲？

真係
搞到一班人 用真social media 唔敢出聲先
再乜都情勒落去

認同樓主所講，其實套戲想講嘅嘢太多，每樣都講小小，又未太過深入，就好似去食自助餐，每樣都食小小，但每樣食材又未到極致。

但如果用一件自助餐牛扒同專業趴房一塊1200蚊相比，我又覺得唔太公道。

我自己入場睇，隔離幾個人有喊，包括身邊另一半都需要紙巾，可能佢哋已經想要到佢哋嘅娛樂。

我會咁睇，套戲嘅核心講「生死」，命題就係講：我地應該點樣回應死亡？

其實成套戲係好似按照大學通識1001嘅「生死學」課程題目去拍，叫得1001即係introduction，唔係一啲advance嘅課題；如果拍得太過深入，需要一定知識/學歷/閱歷門檻先睇得明，咁又未必做到商業化，變成一套小眾講「死亡」嘅電影，咁人地又好難賺錢，都要照顧大部分「低階」觀眾。

或者換個角度睇，套電影只係一個磚，我認為導演係拋出來，希望想大眾討論咩係死亡、咩係道德與倫理（例如周家怡嘅墮胎權、衛詩雅講女性係宗教嘅禁忌、朱康係信仰之間嘅感性與理性、子華神同許冠文對於「執念」嘅解讀），個討論戰場返上連登呢邊。

仲有毒舌又係
橋段tvb 同款黎 穿煲位 笑位太多
唔合理位 1-2個咪算
多到呢

子華又黎 大聲 皺眉 就=演技……
劇情tvb級既 劇情片囉
純純打飛機用

毒舌 九龍 飯1我覺得都可以
但明日 飯2 破地獄真係唔太得
年少 武替 呢啲就真係幾好
白日都唔差
其實我覺得焚城都幾好
佢雖然冇乜深度
但起碼0悶場
再加上有啲場景大家香港人都熟悉
比起我入場前以為純消防片更加有驚喜

最大問題係佢悶場太多
講得片面唔緊要
想講好多嘢都唔緊要
但唔好有悶場
睇睇下會想瞓
同埋個中心主旨好模糊
到底黃子華係主角？
定朱栢康？
定係許冠文？
睇睇下連個男主角都混淆晒

啲金句出現得好格硬
小尷囉

黐線㗎嗰陣癲撚到彈半句飯氣都唔得㗎個勢做到好似你講佢半句唔啱你就係唔撐港產片一係就係打手個個都法西施
呢套戲，無論睇trailer 定係訪問定係乜，完全勾起我嘅興趣去睇，身邊有睇嘅朋友都話唔覺得真係有網上講到咁好睇點解幾年後啲人 先講返真話最多叫做唔係好悶，絕對稱唔上係神級，仲要勁多人情緒勒索都黐線
其實好多人係跟風，人云亦云嗰隻主流大眾個勢做到係咁咪話咁囉，幾年之後個風氣過咗，當初係特別贊同主流意見嗰啲人都開始出聲

由幾時開始，只要係本土嘅港產片，可能食正某一啲大家都會有共同話題或者有collective memory嘅，就唔容許任何批評嘅聲音，甚至連客觀嘅評語，只要唔係讚套戲嘅都容納唔到呢個勢真係好煩好討厭

其實係，甚至有啲恐怖到令人覺得係電影界嘅鏡粉咁唔關套戲嘅主演導演或者製作班底事 係嗰班乜都上晒身嘅人恐怖

公道講套戲唔太多劇情
嗰日收工去睇 睇到一半悶悶地直頭想瞓算
唔太get到喊個位喺邊
利伸冷血

但係飯氣個劇本好好多
嗰陣睇完真係有比飯氣suprise到，節奏好流暢
反而破地獄個劇本差咁啲，有啲散
好題材但立意普通，表達手法都好一般
感覺就算係完整版都唔會好太多，導演功力未到
另外電影鏡頭太新手平實
最值得讚係文玥破地獄嗰幕
但係啲航拍鏡頭用得好差好生硬

黃子華個角色有啲一言難盡，太多位唔知點講好⋯⋯
佢出場唔似一個wedding planner
個ending旁白我又聽到好尷
但中間同文叔對戲啲位又做得幾好
道生視角可能再旁觀者會好啲？
做一條隱性嘅character arc
然後對喃嘸師傅同文叔家庭嘅描寫可以再多啲
又或者道生搵個後生啲嘅演員做會好睇啲？

原生家庭創傷已經係香港電影主流主題
本來期望破地獄可以用一個獨特啲嘅角度去令舊酒昇華
可惜都係差啲，樓上有人講得啱，導演眼高手低

冇撚有錯，不能認同太多

啲喊位我都get到
套戲嘅煽情位都做得好好
好成功令觀眾落淚，老套但好work
但係我嘅喊係有一種比formula trigger到嘅喊
而唔係內心deep down 被拉扯到嘅喊

衛詩雅搞人老公 因為佢有daddy issue
正如喃嘸佬對死人 佢偏做救護員對生人
係一種對原生家庭不得關心嘅反叛
覺得老豆唔鍚佢 祖法傳男不傳女
明明自己比朱康更用心（雖然朱康角度唔係）
所以佢嫌棄自己嘅女身
唔肯付出感情（剩係炮友 冇感情）
強行迴避自己嘅情感 合桃酥會買但唔出聲
一直都嗌文哥 直到死咗先嗌老豆

呢度係對比文哥最尾讀信 話文玥係珍寶
要愛惜羽毛 希望衛詩雅自愛 唔好糟塌自己
因為呢啲daddy issue 而做red flag 女


美玉嘅鋪排就淺啲 但其實係用嚟對應道生嘅兩層心結
第一結係道生本行做婚禮策劃 但自己冇結婚
睇到中段唔難見到佢係生意人 看透世間運行規劃
婚禮係禮 喪禮都係禮係一場show
但水至清則無魚 佢亦得唔到喪禮嘅真締（用心）

直到中段道生經歷甄太嘅經歷
「我覺得自己真係幫到人」
佢先放低被商業世界市場邏輯蠶食嘅內心
但跟住先揭開道生嘅深層心結
人生都係過客 無謂為下一輩添負擔
今日嘅社會已經係最好嘅避孕套
或者更深一層係對死亡嘅執念強過對生嘅渴求

直到尾段 道生破咗文哥一家地獄 繼承文明長生店
明白有人就有家 有人死 就有人生
道生一 一生二
亦明白向死而生 唔在於向死 而係而生

所以最尾一個半嘅鏡頭 佢架紅色audi 終於同後面架靈車分道揚鏢
*對應第一個鏡頭未入標題前
道生架的士一直畀靈車追住唔放

飯氣個劇本都叫好真係唔識欣賞
笑位唔好笑，悶到可以瞓著

唔係批評飯戲嘅劇本，只不過係覺得有一班網民真係好人云亦云咁，同埋嗰陣個勢係做到完全唔容許踩佢咁滯黐線
同樣地，去到明日戰記毒舌或者城寨都係
唔知嗰啲係請返嚟嘅PR定乜，但有好多我都覺得上網吹得太大，入到戲院睇，係會比期望有落差
有啲睇完，比我嘅感覺就係套戲講唔上叫差，但絕對冇上網啲人吹到咁好咁解

欣賞呢套破地獄無一個主要嘅大故事

即係好似毒舌大狀嗰種
成套戲主線係某一單案嗰種

咁嘅劇本先至成就到Character driven嘅故事

不過如果你話配樂嗰方面，都幾同意
一路睇覺得啲弦樂太重手
好似用音樂夾硬催谷情緒咁
白日之下都一樣感覺

點知原來真係兩套都係朱芸編 做原創音樂
不過呢條友都叻嘅
好多年前已經為威廉王子拉二胡
只係佢做電影配樂太過平凡真係要磨練吓

近年香港電影配樂，黃衍仁做既窄路微塵真係另眼相看
完全做到音樂昇華咗套戲

補充下破地獄主題係去破自己或他人嘅地獄
破除罣礙

道生因為經歷疫情 為錢所困 佢破除對逆境頹然喪志嘅陰鬱 又因為文哥一家 畀到佢對享受人生旅途嘅希望

文哥執著家庭完整 祖宗之法 最終因為道生外力加持 破除對於陳腐儀式習俗嘅執念 死前明白到儀式更重於生人 家庭在於和好
即是
文哥話「竹樹開花 必有大災」 生老病死 準備家破人亡 但道生話 有人就有家

文玥破咗對於糟塌自己嘅老豆 正視自己對屋企人嘅情感 唔再迴避依戀 用最後「接老豆返嚟」救贖自己同老豆阿哥嘅

志斌一直渾渾噩噩 冇咩大志 淨係知自己一世走唔出紅磡 於是冇主見亦唔正視同身邊人嘅關係
一直畀文哥批評自己上唔到大枱 冇資格著起件道袍
後來表明心聲話自己唔想個仔重蹈覆轍
直到劇情尾段先透過最尾一場破地獄
第一次喺電影中擔當破地獄儀式嘅大旗
重修舊好

未到悶
feel到好多野想帶出黎
但每樣都係唔夠深入
唔知佢中心思想係想表達邊樣多
套戲勝在易入口

d人好少少就當神級，真係未撚見過大蛇屙尿

面對生死可以有幾抉擇無奈
面對生死有幾多抉擇可以做

啲搧情位好似唔夠張力直入心坎
理解到點解啲位有人喊
但冇個種內心嘅拉扯

到喉唔到肺
好多道理都想涉獵 但奈何真係交代唔曬咁多

我覺得最好係正義迴廊

其實都冇必要深入討論面對生死嘅抉擇無奈呢part
我睇法係，破地獄其實唔係個個啱睇

我覺得呢套嘢係已經assume咗睇嘅觀眾，本身已經有個好重嘅包袱一直放唔低，而又對人生/生死呢類嘢，已經建立咗一套好牢固嘅自我諗法
呢類人去睇反而會抒發/反思到好多嘢

所以黃子華訪問講嘅，拍完呢套戲同咗一個本身以為呢世都唔會見嘅人食咗餐飯
都係咁解

年少日記劇情比較簡單直接，題材又大眾化，所以多人鍾意係正常嘅，易入口啲

佢有幕話建議整個跑車既dummy 比個死者細老，死者家屬無發脾氣，但真係整架紙扎車先發脾，好似玩鳩黃子華咁