如果係無神論者，係咪會相信人類只係識行識走嘅大型語言模型（LLM）

如果你嘅「意識」只係假象，咁做人都幾空虛。

諗下當你思考梗嘅時候，只係一堆堆參數掉入個 neural network 度，你以為你喺度諗梗嘢，其實只係神經網絡模型當中一堆堆數不斷調整梗 weight

如果「意識點嚟？」𠵱個問題可以用數學解答、證明、創造到，咁宗教再冇意義

但如果「意識」唔係假象，咁宗教就變得重要


利申：唔係無神論，但想知人類係咪會整到 AGI 出嚟，從而 prove 到「意識」存在與否

GZ多面星人

就算我唔信人類只係識行識走嘅大型語言模型
都唔一定要信有神架

都係講個信字，冇人逼你

我信有神，都係個人經驗，令我相信有鬼神之類科學未解釋到嘅力量

咪就係
諗完一個問題 覺得搵唔到答案
就推個結論去自己想去嘅方向
明明可以承認自己唔知再去繼續搵

神還神
宗教還宗教
兩者可以冇關係

宗教往往將冇可能知道嘅嘢扮知道
過度傳譯然後胡亂歸納結論
例子如#1

明明你只係一個大型言語模型，唔好成日幻想自己有意識

其實我地只係一堆AI, 只係神用更巧妙既方法用細胞當作weighting。 神其實係programmer黎，而家嚮度train緊你地。 所以先有天上一年, 人間百年既說法。

一啲可以同神溝通既先短，其實係programmer feed緊一啲extra data去九正番一啲問題。所以你地應該跟住班先知行事，唔係既話，個AI有排都未train完。 如果train唔完，咁個programmer好快就會被老細炒，咁神就會無飯開。所以請高抬貴手，救救programmer, 救救神。

你都識講「科學未解釋到」嘅力量啦

咪等到解釋得到為止,或者自己去搵解釋去研究囉

古人見到個天落雨,解釋唔到,咪假設有一位雨神係度掌管落雨

依家人人都知落雨係咩原因,因為已經有氣象學家地理學家搵到科學解釋

其他科學未解釋到嘅力量,好有可能只係現今科學未解釋到

直接假設一個神出黎其實係放棄求知慾

因為放棄哂去搵解釋,用神去解釋就算數

揾都是冇用白勺















禾斗學都末有答案

一般人同科學家+所有人類既共通點:
覺得自然現象全部都可以有解釋

一般人觀察自然現象,搵唔到解釋之後就會去作鬼神之說出黎
但又唔去搵鬼神存在既證據

一個比較容易理解既例子:
你屋企WIFI突然間變慢,你又Check黎check去搵唔到異常,你就可能會去強行假設隔離屋個條友偷你wifi,如果你冇實質證據去證明「隔離屋有條友」+「個條友偷你wifi」

如果你選擇唔去隔離屋搵個條友,然後搵到人之後再去證明佢偷你wifi

咁呢位「個條友」其實同神本質係一樣

因為一般人搵唔到科學解釋,就會去假設「鬼神」

而一般人尤其係古人,佢地冇能力去證明神存在,更加冇能力搵到神存在證據之後再證明神做左d乜

換句話說
你覺得神創造人類意識,咁你應該做既野係
首先你要證明神存在,
然後再證明神創造人類意識,

因為就算神存在都好,佢可能冇理過人類亦唔係創造人類既神,
係創造其他野既神

即係話信神既人包括信有神宗教既人就直接跳過左兩步

1.唔去證明神存在
2.搵到神之後亦唔會去證明神創造意識

而科學家就會去step by step追求真理
落雨然後又搵唔到雨神出黎做證? 咁一定有其他解釋

人類有意識,但又證明唔到意識點黎
科學家第一時間諗既係,解剖人類大腦,由微觀宏觀角度分別去搵

科技未發展到咁高水平可以解構哂人類大腦?
咪開始諗各種機器出黎觀測大腦囉

冇材料?冇技術?咪等囉,或者假想各種理論出黎(包括神創論)
然後等後人去到科技水平足夠,再去證明(包括嘗試去證明神存在)

例子就係愛恩斯坦個堆理論,當時完全冇觀測證明手段去證實佢既理論
咁咪等囉

而科學發展一開始其實係為左證明神存在
只不過經過科技發展,神同科學愈黎愈遠咁解

佛教既睇法差唔多
「人」只係阿賴耶識運作既結果﹐而阿賴耶識就係一切因果對於人既影響。(佛教假設有個地方儲存世間一切同「人」既互動﹐依個儲物機制就係阿賴耶識)

LLM只係其中一個語言模型
事實上有好多其他學派嘅語言學家（生成文法）認為LLM根本唔符合人類嘅語言嘅經驗事實
例如小朋友學習語言嗰陣根本唔會有LLM程度咁大量嘅input去足以調校參數（Poverty of Stimulus)
而且LLM生成句子嘅結構同人類語言嘅認知結構唔一樣，例如你chatgpt問John's father likes himself，我哋知道係John's father但chatgpt會答John (Violation of Binding Principle A)
所以只可以話LLM可以好強大咁approximate人類嘅句子生成，但唔代表人類語言就係用LLM嚟驅動

思考嘅基本前提係產生命題，命題係最基本嘅陳述單位
而只要有文法同詞彙，產生結構，就可以產生命題
動物冇呢個文法，所以產生唔到嚴謹嘅推理式思考；但人類有，所以人類先可以好似而家咁樣「思考」

意識應該係更基本嘅嘢，動物都好明顯有基本嘅認知概念，唔太熟，但我都係見唔到有啲咩原因要有神同宗教嘅必要性喺度

利申 無神論者

講多d係點樣嘅個人經驗？

唔信外星人信神，skip左好多step wo.

是。

就算信佛都好，信神都好。都係將一個LLM 放係不同命運去run. 就算知道係LLM都唔會執着於LLM.