［本文部份取材自富士電視台報道］
日本鐵路系統發達 有好多唔同嘅車種應付不同運輸需要 因此日本嘅鐵道迷文化好盛行
喺眾多鐵膠當中 主力活動係攝影嘅人被稱為「攝鐵」
而「攝鐵」亦經常遭到一般人白眼
因為實在有太多過份熱情嘅「攝鐵」為咗影相咩都唔理搞到造成滋擾
而喺11月7日 JR橫濱站度就上演咗一場攝鐵同鐵道員互懟嘅場面
牽涉嘅係橫須賀線一列即將退役換上復古塗裝嘅列車
記者訪問攝得當時情況嘅人士
佢表示「班車嘅出現並非預先安排好 而且無預告咁忽然行駛 Twitter度有人分享咗呢個消息後鐵道迷就趕去橫濱站
」
當時估計有50人喺月台度攝影
不過就有部份人士為咗影列車企咗喺導盲磚以外嘅黃線度 車站有見及此發出注意廣播（攝影者位於黃線內伸手攝影）
「影相嘅朋友勞煩請勿超越黃線 最緊要安全 請勿越過黃線 係唔該企返後少少 企後少少多謝合作」
雖然職員多次廣播勸喻 但情況一樣未有改善
「如果影相唔守規矩嘅話 就勞煩列車開住高燈開車㗎喇
」職員嘅呢一句 即刻辣着咗一啲攝鐵
「仆街啦！
」「校返低燈先呀！
」 
「唔守規矩嘅話列車就開住高燈行㗎喇
」「校返低燈先好行你老味！
」高燈有咩問題呢？
據攝影者所講「高燈燦住就會有光暈搞到影唔清列車
」可能因為咁會影唔到滿意嘅靚相 攝鐵滿腔怒火咁不斷叫罵
當中甚至都唔明到底鬧緊乜
「仆街啦！
」「嘈撚到呢...
」「阻住晒！」
「皆單咇咕咇咕六初咩！
」（樓梯趷下趷下六丁目）（Kaidan bikubiku rocchome）JR東日本呼籲市民遵守規則下攝影
圖片來源：
https://youtu.be/iJtoUqO-PlE?si=XU7zIVnOEB_KwShO
呢段新聞嘅YouTube下面嘅日本網友有咩睇法：（節錄）
一堆白卡
一諗到同呢啲動物一齊喺日本共存就悲到眼淚停唔到
嗜好嘅嘢冇問題
但唔該守返規矩囉
咁就打住高燈開車啦唔該
JR好波！我撐你呀！
就係有呢啲咁嘅人搞到去旅行嗰陣想影下列車都搞到好難為
拎住咁貴嘅相機然後成堆人排排企影堆差唔多角度嘅相出嚟真係唔明有咩咁得意
攝鐵撚係日本人之恥
JR好嘢
奇特發言「皆單咇咕咇咕六初咩！」
就係呢班友搞到唔會再有車上呢個復古塗裝行駛
行使施設管理權叫鐵路警察塔晒返去啦
同江之電嗰陣把聲一樣嘅 又係同樣怒吼
唔會係同一個人嚟呱？
呢啲芝牛攝鐵個個都同嘅聲㗎啦
呢單嘢職員同車掌都好波 唔守規矩嘅人就應該畀返相應懲罰佢 呢啲先叫仁慈
對守規矩嗰啲嚟講 呢啲真係毒瘤
將攝鐵驅逐
一聽把聲就知係啲平時冇大聲講過嘢嘅人嘅聲嚟
笑死新聞真係照報皆單咇咕咇咕六初咩
不如索性禁止月台攝影啦
呢啲撚樣根本就唔係鐵道迷
點解可以咁自我中心得咁緊要
真係唔該唔好再搞衰鍾意鐵路嘅人嘅形象
鐵道職員好似幾enojy咁
到底咩係「皆單咇咕咇咕六初咩」
（樓梯趷下趷下六丁目）近日喺日本網友間引起少許嘅討論有人提出會唔會其實係講緊「天神橋筋六丁目」（聽煎八匙書自六初咩）
並分析兩組字嘅結構有啲相似
Kaidan bikubiku rocchome
Tenjin bashisuji rocchome
即使係咁 喺橫濱無啦啦大嗌一個喺大阪嘅地名都同樣係意思不明
所以都有人傾向覺得只係嗰個人趁墟求其大嗌
同場加映（回帶）：
幾年前同樣係神奈川縣（橫濱所在縣分）大批攝鐵蓄勢待發影路面電車江之島電鐵（江之電）嘅時候
有一個鬼佬踩住單車經過入鏡並舉手say hello
https://youtu.be/lVGhtpvSDfc?si=OKAjOoOSb3EYvxFX
呢位仁兄後來被稱為江之電大哥 並被起底係一位當地開墨西哥菜餐廳嘅美國人 間餐廳重一度被人洗負評添
