前日係荷里活睇焚城，完全係戲院災難
1. 前面兩個後生仔不斷傾計，以為人地聽唔到但其實係聽到你地把聲！
2. 右邊一對中年夫婦，個女嘅係咁講嘢，個男嘅睇睇下電話響，佢竟然係聽電話，本身見佢起身諗住佢係出去講，點撚知係行去最後面個行企係人地隔離講
3. 後面一對廢老夫婦，個廢佬由頭旁述到尾！每一段劇情都要評論下先安落！「咁都唔死」「嘩冇啦冇啦」「陰公囉受傷」「哎呀都話捱唔住」「梗係留低Ironman啦！」「哈返大灣區咪岩」「嘩全部出動」
真心痴撚線！我中途忍唔撚住有叫佢收聲，但係佢都繼續講講講！
4. 左後面有4個師奶又係由頭講到尾！啲師奶最興就係係所有牽動情緒嘅情節都要大大聲「嘩」「哎」「唉」「噢」，要即時比人知道佢嘅感受！有一下劉德華同莫文蔚嘈緊dead air，個師奶大大聲講「唔應佢啊？」，做咩撚嘢？
其中一個師奶仲要成場響左2次電話！第一次大大聲聽電話同佢個frd講唔食飯，仲話唔好話我唔陪你食飯！第二次響佢唔聽但又唔撚㩒熄個鈴聲，由鳩佢響！
講開連續幾次去睇戲都有人睇睇下影相，仲可以由頭影到尾！後生又有阿叔又有！
究竟依家香港人係咪唔撚識睇戲禮儀？開場前都有話你知唔撚好傾計，唔撚得影相拍片，唔好踢櫈！係咪全部人都智商偏低理解唔到？
次次睇戲都講運氣咁，唔係比人踢櫈就有人大大聲講嘢，一係就開電話mon殘鳩住人！再係咁真係唔撚想再入戲院睇戲！
