有無人覺得，做人真係好痛苦？點放低同接受人來人往？

曾經都有過呢種感覺，最後發現因為自己唔夠愛自己，唔夠鍾意自己同自己相處，成日將個焦點放晒喺同其他人嘅關係上面，然而人嘅關係就係咁脆弱同埋會有離散嘅一日。當你將個重心放喺自己度，你就會發現成件事唔同晒，自己挑戰自己，原諒自己做過嘅一啲錯嘅決定，接受自己，療癒自己，令自己成長進步，絕對唔係容易嘅事，當你肯面對自己嘅一切，你嘅人生就會成為咗一件好玩嘅事。

療癒自己？

有冇聽過啲原生家庭/ 成長期留下既創傷，呢啲「傷口」好大程度上都會影響我哋點樣去諗嘢同埋做決定，而點樣去修正呢一種可能係錯嘅行為或者思考模式，我稱呼為療癒。

我反而成日不斷，不斷咁諗：
「有咩係我做錯，有咩唔係我做錯」然後就好亂，搵唔到答案
「細細個成日覺得，明天會更好。點解每一次都係錯？」
「如果，如果好似其他人咁，受歡迎啲，正常啲，早啲學識同人相處，咁我今時今日嘅生活會唔會好好多？」

就算日後我過得好，我都真係唔想出世。人生online唔好玩，苦遠多過樂

定義得好好

呢啲太假設性嘅問題，好難加以討論，因為冇實際嘅事件同埋背景。但係好表面地就你字面上呢個回應，睇得出你好重視/將個重點放喺你認為你失敗嘅地方，你應該忽略/ 好少比Credit自己就算有陣時有做得好嘅嘢，好多人都係咁，you are not alone，但係呢樣嘢可以慢慢練習的。

之前睇過一段片，都係啲人講經講金句，但又真係講得幾啱，人生就好似揸車咁，你時不時都要望倒後鏡，但係你永遠唔會望住倒後鏡嚟向前行。希望你可以放眼多啲，現在同埋未來，接受過去已成事實，如果你唔鍾意過去嘅自己，就着眼現在諗吓有啲咩地方想改變，同埋點樣改變。

人生online好唔好玩真係好主觀，希望你早日同自己和解，搵到快樂。

好多謝，好多謝你嘅用心回覆。你應該都經歷咗好多，再深入思考下先覆多啲，你篇文章需要深思。

本身我都唔算過得好，都幾辛苦。係疫情前一兩年，終於好啲。本來以為，可以繼續好落去，疫情就一把車埋嚟。

捱埋疫情，又好返少少，終於有起色喇掛。點知我屌！嚟更加厲害嘅災劫，當中一連串發生嘅事，係巧合到神奇咁差，是但一個要素差丁點，成件事都唔會變成咁/發生。就差到而家了。

周圍嘅人生活大幅咁變好，原來我已經錯失咗無數好機會。

我真係無勇氣再對生活抱有希望，我愧對父母同自己，對唔住，我真係積極唔到，我唔奢望快樂，只求平靜咁完結一切。

只要我儲到500萬/父母都死咗，我就會燒炭

巴打唔好死啊劉馬車龍心呢啲白卡佬都未死，大量社會垃圾、道友黑社會未死，巴打你係個有才能同埋對自己有要求嘅人，你係個有價值嘅人嚟㗎唔好死呀唔好自殺啊好唔抵㗎


如果你儲到500萬或者唔使咁多，不如試吓放大假去個旅行，去一個你唔熟悉嘅地方，一個比較少接觸嘅地方？因為我每次都係靠去歐洲旅行，自由行自己搭車自己plan，去療癒自己。了解吓唔同嘅地方嘅文化、藝術、日常生活咁。轉變下環境同埋個大腦有啲新事物，刺激吓會有幫助。可能喺香港太壓抑，令你連繫到唔開心嘅事物。我相信你去到外國地方，發現有好多嘢都好新奇，發現呢個世界好大，你仲有好多嘢未探索，你今日面對嘅困難，可能係呢個宇宙嘅一粒微塵，就會未必咁想死。仲有，個人認為，去旅行成日都會遇到好多不測風雲、小風波小意外，發現自己無論plan得幾足都係會有啲甩漏，小插曲。呢啲經歷係令到我學識要隨機變通，同埋容許事情發生，有好多嘢我哋控制唔到，盡量做好自己本分就夠。

分享吓個人經歷，我之前去東南亞，第一次用肉眼望到銀河系，滿天繁星，好清楚見到每個星座，好似太空館咁。嗰時唔小心熱淚盈眶，覺得自己原來係咁渺小，覺得自己係滄海一粟。有啲似始得西山宴遊記嗰一種豁達，突然覺得自己嘅不安情緒，其實真係微不足道。

分享多個個人經歷，就係去咗冰島（芬蘭航空香港來回六千幾蚊好撚抵，各位巴打有興趣去睇吓佢哋官網耐唔耐都會做減價），好好彩咁見到北極光，同埋見到好多浩瀚嘅自然景觀（瀑布、冰洞）。記得小學嗰陣第一次見雷克雅未克嘅教堂嘅相，就好想去冰島，而家大個咗去到旅行終於見到，又係有種實現夢想嘅感覺。

——————

之前上網睇過呢個句子，類似係「除咗疾病之外，你而家嘅痛苦其實都係係你腦海形成」。所以除咗感恩自己仲有一個健康嘅身體，可以嘗試吓改變自己嘅mindset，諗吓其實你有好多人哋冇嘅嘢，其實有人羨慕你。例如啦，巴打應該冇仔女。有好多有仔女嘅人，其實真係好羨慕你唔使有養活細路嘅經濟壓力、唔使湊細路困身、有自由同埋底氣、同埋唔使長憂九十九。

個人認為你見到人哋光鮮亮麗嘅一面，只係佢呈現出嚟嘅。其實佢背後都有struggle好多，佢冇同所有人講啫。見到身邊有好多人，其實都係自己瀨咗嘢，或者人生過緊低潮期，都冇同人講。其實每個人都十分之focus落自己唔好嘅一面，但係外人會focus落你呈現出嚟好嘅一面。

——————
至於精神寄托方面，建議巴打可以試吓拜黃大仙，因為真係幾靈同埋幾準。黃大仙求籤都十分之準。純屬個人經驗。

——————
即時舒緩情緒方面，我覺得可以試吓去YouTube跟下廣東話冥想，佢會guide你呼吸同埋放鬆。我之前有一排好唔開心喊到停唔到，都係靠跟廣東話冥想舒緩返情緒，平靜返個人。

—————
同埋巴打，可以試吓發展一個令你達到Flow「心流」嘅活動。即係做一樣嘢，你係會唔記得咗時間會過嘅，你可以放低手機完全投入其中。對我嚟講係煮嘢食，有好多人係做gym。巴打可以試吓慢慢發掘。

————
我唔係咩心理健康方面嘅專業人士，我只係以自己經驗分享吓。因為呢排我都唔係好開心，意料之外我竟然打呢篇嘢打算鼓勵吓你嗰陣自己都得到滿足感同埋成就感，心情都好返啲。所以真係好感恩比我見到你呢個post，俾我留言講吓嘢。

多謝巴打，覺得自己實在太思念過去出唔返嚟，同時亦都有啲對未來有啲太過恐懼有啲焦慮。聽完你咁講受到啟發

我受到一個朋友啟發到我，佢講嘅類似「風水輪流轉」嘅說話。你之前可能過得比較順暢，後尾就會俾返啲挑戰你，逆境同順境係會keep住交替。呢一句話都撐咗好耐。

會過去的，睇得出你都好盡力咁幫自己走出過去，繼續加油，好難一時三刻即時改到順心如意，由發現困局、尋找方法走出困局、堅持繼續、直到最後真係完全走出困局，都唔係一朝一夕嘅事，慢慢行，沿路繼續欣賞自己慢慢一步一步行落去。

多謝巴打啟發我

發現自己好似面對好幾次困局都係靠逃避去解決例如中學有人際問題關係，就靠同佢哋斷聯，摺埋溫書考dse。去到而家學業同埋人際關係同埋戀愛關係都出問題，其實都係靠逃避，不過自己唔好諗求其過咗佢就算咁樣。呢排暫時都係比較多毒喺屋企，咩都唔想諗咩都唔想理，只係同屋企人相處算數。

見到人地一班人成日出去玩，你自己一個無人約既時候，真係會開心咩？

師兄，好想問，一個人好孤獨無野好做既時候，點算？

請問你冰島係一個人去？定都有一班fd support呢？

我成日覺得，見到啲靚景，或者特別既野，都無人可以講係好sad既事

有對垃圾父母真係好辛苦 ⋯⋯⋯

多謝你巴打
係連登搵到你呢啲高質巴打都係一種緣份

搵新目標俾自己
學新語言、新技能
或者做義工

最矛盾係到跟去一齊玩嗰陣就寧願自己毒算

有冇諗過
你已經做啱好多決定
如果唔係 你依家只會更差