COLLAR討論區 (1106) Marf電影主題曲《㪐㩿》上架！叱咤投票開始！Ivy Day PWC活動！

首度回應Stanley曾指MIRROR令COLLAR星途變難行

COLLAR成團至今兩年幾，中間經歷過起起跌跌，試過休團，又試過有成員離隊，至今終於出碟，都說得上是一個里程碑。早前Marf、芯駖、Winka與MIRROR的柳應廷（Jer）、李駿傑（Jeremy）及邱士縉（Stanley）開《MATCHICAL LIVE 2024》音樂會，Stanley突然說：「因為我哋（MIRROR）嘅關係，佢哋（COLLAR）難行咗，但係幾難都好，佢哋都繼續努力向前行……」當時Marf和Winka都不禁淚崩，問COLLAR如何看待Stanley這一番說話，Gao認為難行或易行都沒有絕對答案，當一個人或一班人去做一件事，都一定有高有低、有難有易，過了難過的階段，其實有機會更難也說不定。芯駖想法類同：「冇佢哋可能我哋會更難行呢，如果嗰時冇咁發生，係咪就會好啲呢？可能會更差。」

而Gao亦謂：「唔係MIRROR，我哋唔會一開始就咁多人注意我哋，或者想睇我哋表演，所以好balance，大家都係經歷囉。」Marf覺得整個行業之中每個人都很努力，香港娛樂事業的確在發展當中，COLLAR亦很努力想為香港做音樂作品，「所有人都唔係最易行嘅。」芯駖續說：「每一個創作人都係用心，用心嘅嘢都一定經過艱苦嘅過程，一定係難行，冇一條路係易行嘅。」Winka亦附和，其實各行各業都難行，每個人都有自己難處。