基督教連登堂2024年11月10日主日崇拜：將身體獻上當作死祭（十）：二分法

†

歡迎各位巴打、絲打，黎到今個星期既崇拜！

基督教連登堂2024年11月10日主日崇拜
經文：創世記1:1-19
講題：將身體獻上當作死祭（十）：二分法
同工：Yellow, Laila

歡迎巴絲打建議講題。多謝酒巴提出講關於永火，會係呢個系列之後講下。



（一）祈禱

天父啊，我哋依家來到祢面前，承認我哋好多時都仲係放唔低自己。我哋成日都仲係以自我為中心，諗嘢都係淨係顧自己，冇真正咁樣學似祢嘅樣式。我哋為我哋嘅自私、我哋嘅驕傲、我哋嘅硬頸認罪。好多時，我哋明知祢嘅心意，但係我哋就係唔肯順服，我哋就係想跟自己嘅方法去做。求祢赦免我哋嘅軟弱。我哋都好感恩，祢冇放棄我哋，祢時刻都提醒我哋，用唔同嘅方法，透過唔同嘅人、事、物，俾我哋知道我哋嘅不足，俾我哋睇到我哋嘅盲點。多謝祢咁有耐性咁教導我哋，帶領我哋。我哋知道，放低自己真係好難，但我哋都願意繼續學習，繼續努力。求主祢繼續管教我哋，繼續修剪我哋，即使係痛苦嘅，我哋都願意接受，因為我哋知道，祢嘅管教係出於愛，係為咗我哋好，係想我哋更加似祢。求祢俾我哋力量，俾我哋智慧，等我可以真正咁樣放低自己，謙卑咁樣跟隨祢。奉主耶穌基督嘅名祈禱，阿門。

奉父、子、聖靈既名，我地開始今個星期既崇拜。


（二）讀經

請起立聆聽神既話語。

創世記1:1-19
//1 起初，神創造天地。
2 大地荒涼，渺無生息，深淵上面一片黑暗，神的靈在水面上方盤旋。
3 神說：“要有光！”就有了光。
4 神看見光很美好！神把光暗分開，
5 神稱光為“晝”；黑暗，他稱為“夜”。有晚上，有早晨，是第一天。

6 神說：“眾水之間要有穹蒼，把水和水分開！”
7 神造了穹蒼，把穹蒼下面的水和穹蒼上面的水分開，事就這樣成了。
8 神稱穹蒼為“天”。有晚上，有早晨，是第二天。

9 神說：“天下面的水要匯聚在一處，使乾地露出來！”事就這樣成了。
10 神稱乾地為“地”；匯聚在一起的水，他稱為“海”。神看見這很美好！
11 神說：“地要長出草木！地上要有結種子的草穀豆蔬和各類結果子的果樹，果子裡面有種子。”事就這樣成了。
12 於是地生出草木：各類結種子的草穀豆蔬、各類結果子的樹木，果子裡面有種子。神看見這很美好！
13 有晚上，有早晨，是第三天。

14 神說：“天穹中要有光體來分晝夜，要作為記號，定節期，定日子年份；
15 這些光體要在天穹裡發光，光照大地！”事就這樣成了。
16 於是，神造了兩個大光體，大的光體管晝，小的光體管夜；又造了群星。
17 神把這些擺放在天穹中，光照大地，
18 管晝夜，分光暗。神看見這很美好！
19 有晚上，有早晨，是第四天。//

阿們。感謝主。
請坐。

（三）主禱文

馬太福音6:9-13
//9 所以你們要這樣禱告：‘我們在天上的父，願你的名被尊為聖，
10 願你的王國降臨，願你的旨意成就，在地上如同在天上。
11 我們需要的食物，求你今天賜給我們；
12 寬恕我們的虧欠，如同我們也寬恕了虧欠我們的人；
13 不要讓我們陷入試探，而要救我們脫離那惡者。〔因為王國、權能、榮耀，都屬於你，直到永遠！阿們。〕（並不見於最早期的抄本或古譯本）’//

試下做一個新既嘗試，用希伯來文唱主禱文，每次學一個字。

https://www.youtube.com/watch?app=desktop&v=9B1YbgxVYQ0

אבינו avinu我地既父

拆開有意思既部份：

אב，讀 av，「父」

אבי ，讀 avi，father of

נו ，讀 nu，我地（既）

拆開逐個字母：

א aleph，呢度讀a (vowel)

ב bet/vet，呢度讀v (consonant)

י yod ，讀y (呢度係vowel）

נ nun，讀n (consonant)

ו vav/waw ，呢度讀u (vowel)

（四）訊息

上主，我地既父，感謝你係大家都會獻燔祭既世界賜下獻燔祭既吩咐，感謝你係認識你既人中間比我地知道你認識我地，感謝你係每個人都生活既今日教我地點樣活出你既形像。阿們。



今次係上上次既未完既訊息既延續。提一提已經講左大半既經文：

利未記1:14-17
//14 “人若是以鳥類給耶和華作燔祭供物，他就要獻一隻斑鳩或雛鴿為供物。
15 祭司要把鳥帶到祭壇前扭下頭來，把頭放在祭壇上焚化為煙；把鳥血全擠出來，流在祭壇壁上；
16 要除掉鳥的嗉囊和裡面的東西，丟在祭壇東邊倒壇灰的地方；
17 然後要拿著鳥的兩個翅膀，把鳥撕開，卻不可撕斷；祭司要把牠放在祭壇燃燒著的柴上焚化為煙，作為燔祭，這是耶和華喜悅的馨香禮物。”//

係差最尾果節。冇錯，成每星期就係想講呢一節，利未記1:17。


（12）撕開

利未記1:17
//17 然後要拿著鳥的兩個翅膀，把鳥撕開，卻不可撕斷；祭司要把牠放在祭壇燃燒著的柴上焚化為煙，作為燔祭，這是耶和華喜悅的馨香禮物。”//

呢個撕開 ושסע w-shissa' ，主要有兩個意思。一個係好似呢度咁既動詞「撕裂」：

士師記14:6
//6 耶和華的靈強有力地臨到參孫，他就徒手把獅子撕裂，像撕裂山羊羔一樣；他沒有把所做的這事告訴父母。//

另一個就係形容「分蹄」

利未記11:3，7
//3 有蹄、分蹄而且反芻的所有走獸，你們都可以吃。
…
7 豬，因為牠有蹄、分蹄卻不反芻，所以對你們來說不潔淨。//


(image credit: https://www.livescience.com/50623-pigs-facts.html )

隻腳（蹄）係分開左，好似兩隻腳趾咁，但係淨係分少少，即係仲有腳板。

呢一個，同神創造既「分隔」係有D似，但差好遠。

（待續）

基督徒入
https://lih.kg/bNtOhLV
#52 回覆 - 分享自 LIHKG 討論區

（13）分開

我地讀經果時讀左頭四日既創造，其中有一個字係連到去：

利未記1:17
//17 然後要拿著鳥的兩個翅膀，把鳥撕開，卻不可撕斷；祭司要把牠放在祭壇燃燒著的柴上焚化為煙，作為燔祭，這是耶和華喜悅的馨香禮物。”//

「撕斷」יבדיל yavdil，即係「分開、隔開、分成唔同部分」咁解。譯文按住拎住隻雀黎撕既動作，譯造「撕斷」。

呢一個字，係神創造當中好重要既字：

創世記1:4，6，7，14，18
//4 神看見光很美好！神把光暗分開 ויבדל wa-yavdel，

6 神說：“眾水之間要有穹蒼，把水和水分開 מבדיל mavdil！”
7 神造了穹蒼，把穹蒼下面的水和穹蒼上面的水分開 ויבדל wa-yavdel，事就這樣成了。

14 神說：“天穹中要有光體來分 להבדיל l-havdil晝夜，要作為記號，定節期，定日子年份；

18 管晝夜，分 ולהבדיל u-l-havdil光暗。神看見這很美好！//

呢5次出現，分別係第1，2，2，4，4日。
黎緊會睇埋：咁3、5、6日又有D咩呢？


一講到神既創造，千其唔好自動諗住從冇到有既創造（creatio ex nihilo），千其千其唔好未睇經文就以為自己知！

我比兩個原因。
第一，創世記1:2 提及「水」，但係從來冇交代「水」係點黎。水係之後都不斷提及，如果係要講從冇到有，點都會講返，但係經文冇講。
第二，創世記用既「創造」呢個字，係ברא bara，字根關「（整）肥」事，唔係肥油個肥，而係闊度大左，好似平面變立體咁，講緊原本已經係度既野。可以逐個字查埋有咩動詞係神用左係個創造入面，但係之後主要會講「分開」。

未講到去「分開」之前，一定要講明：神點造個世界，原本係我地冇需要知亦都知黎冇用既事，但係神造世界，亦都造我地個心，知道神點造世界，就可以知道，神既各樣創造可以點樣係我地心入面發揮功效，呢樣就緊要喇，尤其係我地個心混沌空虛果時。

（待續）

（14）各類

我地睇下第3，5，6日既創造有咩共通之處。

創世記1:11-12，21-25
//11 神說：“地要長出草木！地上要有結種子的草穀豆蔬和各類（למינוי l-mino）結果子的果樹，果子裡面有種子。”事就這樣成了。
12 於是地生出草木：各類（למינהו l-minehu）結種子的草穀豆蔬、各類（למינהו l-minehu）結果子的樹木，果子裡面有種子。神看見這很美好！
…
21 神創造了巨大的海蛇，以及各種各類（למינהם l-minehem）在水裡滋生成群游動的、有生命的動物；又造了各種各類（למינהו l-minehu）有翅膀的飛鳥。神看見這很美好！
22 神賜福給牠們，說：“要繁衍、增多，遍滿海洋的水；飛鳥也要在地上增多！”
23 有晚上，有早晨，是第五天。
24 神說：“地要生出各類（למינה l-minahh）有生命的動物，就是各類（למינה l-minahh）牲畜、爬行動物、地上的野獸。”事就這樣成了。
25 於是，神造了各類（למינה l-minahh）地上的野獸、各類（למינה l-minahh）牲畜，以及地上各種各類（למינהו l-minehu）爬行動物。神看見這很美好！//

呢度紅色既「各類」，或者「各種各類」，都係同一個字，個詞尾有少少唔同只係因為文法性別同數量（-o = -hu 單數陽性，-ahh 單數陰性，-hem 複數陽性）。

其中1:11-12 係第3日，1:21-23 係第5日，1:24-25 係第6日。

數一數，夾埋啱啱10次，相信呢個唔係巧合，而係作者精心設計：第1，2，4日夾埋5個「分開」，5次分隔就分左10類出黎，然後第3，5，6日夾埋就10個「各類」，對到正。

呢個係神既創造，非常對稱，彰顯佢既大能。

而睇返去 利未記1:17，前後都有創世記既提示，呢句更加用左「撕開/分開」呢個字，但係睇下！呢節係話「唔好撕開」，同神創造既「分開」啱啱相反。
黎到呢度，我地就學到：獻雀為燔祭，同時係提醒緊自己同神既分別，應該係神做既事，唔輪到我地做。
上主係神，我地係佢手所造既人，謙卑咁承認呢個關係，就係上主喜悅既馨香禮物。

（待續）

（15）表裏合一

最後以一個象徵黎結束 利未記1:14-17 呢段經文既訊息。

上半節既經文，我地睇左，要撕開又撕唔斷，做分開既動作又唔分成兩邊。

利未記1:17
//17 然後要拿著鳥的兩個翅膀，把鳥撕開，卻不可撕斷；祭司要把牠放在祭壇燃燒著的柴上焚化為煙，作為燔祭，這是耶和華喜悅的馨香禮物。”//

下半節呢句，係同之前既有分別：

獻牛為燔祭：

利未記1:8-9
//8 亞倫的子孫，就是那些祭司，要把肉塊連同頭和硬脂肪，都排列在祭壇燃燒著的柴上。
9 至於內臟和腿，獻祭者要用水洗淨。祭司要把祭牲全部放在祭壇上焚化為煙，作為燔祭，這是耶和華喜悅的馨香禮物。//

獻羊為燔祭：

利未記1:12-13
//12 獻祭者要把燔祭牲切成一塊塊，祭司要把這些，連同頭和硬脂肪，排列在祭壇燃燒著的柴上。
13 至於內臟和腿，獻祭者要用水洗淨；祭司要把祭牲全部獻上，在祭壇上焚化為煙，作為燔祭，這是耶和華喜悅的馨香禮物。//

譯文1:8,12,17都有「祭壇」但係只有1:17冇講「係上面 על 'al」而係講「向祭壇方向 המזבחה ha-mizbech-ah 」，亦都只有1:17用「燔祭黎」緊接「係柴上面，係火上面果D（柴）」。
夾埋呢D分別，連續三個「上」既字係咁樣排：

1:8, 12都係：
係D柴上面 על־העצים 'al-ha-'etsim
係火上面既（柴） על-האש 'al-ha-esh
係祭壇上面既（火）על־המזבח 'al-ha-mizbeach

而1:17 係
係D柴上面 על־העצים 'al-ha-'etsim
係火上面既（柴） על-האש 'al-ha-esh
燔祭黎 עלה הוא 'olah hu

作者好巧妙咁濃縮左兩個highlight 部分既字，但係同時又保持左連續三個「上」。

希伯來文入面既陰性字尾 ה -ah ，好多時都代表一個抽象既名詞（好似英文既 -tion）。獻牛、羊為燔祭都係望到好實在既על על על 'al 'al 'al 上面、上面、上面，但係去到獻雀為燔祭就變左 על על עלה 'al 'al 'olah 上面、上面、向上既祭。

要記得祭物係代表緊獻祭者本身。
由祭壇見到既野一路疊上去，去到成個過程本身達到屬靈生命向上既效果，算係一種屬靈操練。

對我地黎講，就好似由睇得到既金錢奉獻，去到全人既奉獻（其實從來都係呢樣緊要），成個人都表裏合一，唔係夾硬扮出黎。

去到而家就見到，其實 利未記1章 既經文就已經有提示。
以色列人
每日（民數記28:3）/
每星期（民數記28:10）/
每月（民數記28:11）/
每年（利未記23:8,12,18,25,27,36）
一路係咁獻燔祭，係要使生命既方向向上（向神），並唔只係一堆照住做既標準守則。我地又有冇一直咁既操練？唔好話每日，一年有冇一次睇下自己既生命向緊邊個方向？


願主帶領我地既生命向上，教我地謙卑，離開該隱果種想殺人既衝動，將被見到既爭鬥，放返係遠古有福既地方，就係喺神面前，重新承認一切權柄能力都係屬於我地既創造主，又係向挪亞施恩既拯救者。
求主將分開混沌、創造各種各類生物既大能，係我地既心入面顯明，使我地能夠將現今世界修復成有福、享樂既果園。
阿們！