烏克蘭放棄核武原因，而家個propaganda一直同人講：
烏克蘭原本想留核武自保，但係被美國利誘放棄核武
但事實係：
烏克蘭政府自己一早決定好要做無核武國家，只係一直被民間反對，直到94年簽好布達佩斯安全備忘錄，就順水推舟名正言順收美國錢放棄核武
烏克蘭政府自己決定唔要核武根據係？根據就係90年7月當時未獨立嘅烏克蘭自己發表咗《烏克蘭國家主權宣言》（Declaration of State Sovereignty of Ukraine），呢個宣言入面第9部份「外部和內部安全」就清楚寫明：
======
The Ukrainian SSR solemnly declares its intention of becoming a permanently neutral state that does not participate in military blocs and adheres to three nuclear free principles: to accept, to produce and to purchase no nuclear weapons
烏克蘭蘇維埃社會主義共和國鄭重宣布，它打算成為一個永久中立國家，不參與軍事集團，並遵守三個無核原則：不接受、不生產和不購買核武。
======
後來91年10月，烏克蘭最高拉達再一次透過發出《關於烏克蘭無核地位聲明》(On Non-Nuclear Status of Ukraine)，重申烏克蘭不會做核武國及逐步進行毀核，節錄如下：
======
確認烏克蘭在1990年7月16日《烏克蘭國家主權宣言》中表示的遵守三個非核原則的意圖：不接受、不生產和不獲取核武器
烏克蘭作為前蘇維埃社會主義共和國聯盟的合法繼承者之一，將遵守1991年美蘇《削減戰略武器條約》中涉及核武部分
烏克蘭打算以無核國家身分加入《核不擴散條約》 並與國際原子能總署締結相應的保障監督協定
https://zakon.rada.gov.ua/laws/show/1697-12#Text
↑文件出處係烏克蘭國家網頁，唔信自己用google翻譯睇
======
所以歷史事實完全就係：烏克蘭由獨立前，已經自行決定同應承咗國際社會要放棄核武，獨立後棄核已經係既定事項，之後點搞只係過程快定慢，時期遲定早問題，所以於道理上，放棄核武係烏克蘭自己話嘅，無被人逼。
而於法理上，因為佢要繼承蘇聯個合法地位，咁自然就繼承埋蘇聯以前簽嘅《第一階段削減戰略武器條約》及當中毀核條款，烏克蘭於獨立後亦無改變主意，於92年為確認會履行呢個條約簽咗《里斯本議定書》，準備做無核武國。
不過棄核武呢點，的確當時民間係反對嘅，但你最多只能話當時烏克蘭政府唔理民意一意，而唔可以話比外國呃呀迫呀咁。現實層面上烏克蘭財政亦並唔許可佢地繼續保有核武，當年烏克蘭窮過鬼，GDP直接腰斬，通漲率最高峰去到800%，仲欠俄羅斯好多錢還唔起。然後時間去到93年，烏克蘭持有嘅核彈有部份已經過期唔用得，每年維修保養又燒錢。因為蘇聯只係將核武存放烏克蘭，烏克蘭無發射密碼，雖然有技術破解但係估計用好耐，結果係得物無所用。
結果當時個總統列昂尼德頂唔順，就突然發神經同俄羅斯話：「橫掂d核彈我都唔要，不如我哋一次過比番d核彈同黑海艦隊成set嘢你當還債啦（黑海艦隊可搭載戰略核）。」
呢單野就係《馬桑德拉協議》，因為實在太痴線，所以於烏克蘭人強烈反對抗議同埋美國阻止下無成到事。加上當時俄羅斯財政都差，自己都有好多核彈燒緊錢（後黎直接問美國拎錢拆），你要賣返比佢都無話一定想要（但係黑海艦隊想要返）。
雖然呢單嘢後續無手尾，不過經過呢次美國已比烏克蘭嚇死，估唔到呢班斯拉夫死窮鬼乜都搞得出黎，於是就改咗原本想慢慢搞嘅諗法，快快手手於94年搞出《布達佩斯安全保障備忘錄》落實烏克蘭毀核，代價係每年美國比億單位美金資助烏克蘭搞掂d核武，同埋作出鈾補償，同埋個防衛條款。
後黎事實都證明烏克蘭為咗錢真係會亂鳩賣嘢，首先長期提供軍事科技同賣遼寧號比中國唔在講，佢哋仲賣過防御系統比薩達姆激死美國。所以如果當年唔係美國當年快手搞掂咗，d核彈核技術會賣比邊個呀？無人知。可能美國事前解決咗一場世界性核武擴散危機。
因此烏克蘭放棄核武，原因都係出於佢哋自己身上，美國並無呃佢地棄核，所以後來烏克蘭會無核武美國無任何責任，美國由頭到尾只係令烏克蘭執行佢哋自己早已決定嘅棄核承諾。至於幫烏克蘭打俄狗，只要照布達佩斯上嘅責任，並不需要負更多，更無烏克蘭決無核武被侵略係美國欠咗佢呢回事存在
