讀大學宜家係咪已經冇用？

點會冇用?
冇個大學學位人地點會比你掃地

大學生做吧

要張cert啫，話知你用咩方法畢業

你無張沙紙去揾工，人地hr filter學歷有degree
你個application就唔會出現，你就永遠都揾唔到工

讀專業有牌科比較實用 人工高d
冇牌個d就冇咁實用 人工低d 但存在得就一定有用嘅

要配合好多野，如果你以後想打工黎維繫你既經濟同生活，就要讀番科搵食科，然後出黎搵番相關既職業同配合到你知識技術既工然後爬上去

如果你有埋野心，刷到咁上下經驗咪試下自己出黎創業開檔野做

出黎返工見到好多大學生，純粹為有個學位，讀旅遊酒店、社會學，拎完張沙紙，但求有份工做，去做文員仔、Admin，搵15K或樓下既簡單工，咁咪冇用

搵到幾多億

首先你有冇好似Bill Gates咁有個好老豆老母
冇既話死返去炒薯條

我搵錢多過大學生。😀

其實我覺得唔使咁執着讀唔讀大學

都係睇你有冇需要嘅啫 本身你嘅志願係做工程師醫生律師呢啲 咁冇得講啦 點都一定要讀返個學位跟住考牌 咁咪要讀囉

但係有啲人本身佢醒目仔 做生意好叻好多諗頭 甚至可能佢已經一早搵到佢嘅目標 志向 如果樣嘢其實對於學歷唔係太大要求 咁咪唔讀囉

根本就冇限死 唔需要特登話一定要點

我反而覺得人生苦短 做人嘅嘢唔需要話乜都要識 反而係專注自己強項就得 所以其實香港教育有個大問題 就係浪費好多時間要求一個學生乜都讀 但係可能有啲學生佢係擅長畫畫或者音樂 我覺得基本嘅中英數常識呢啲點都要學吓 但係係咪有必要要求埋人哋好多理科嘢都要讀齊？

我自己個人意見就係唔係大學冇用 係睇你有冇呢個需要 而且 其實大學好多知識都幾過時 亦都會令到人哋留喺個象牙塔入面 不停紙上談兵亦都浪費大量時間學埋啲唔係話特別等使嘅嘢

我自己都係大學畢業 我喺工程系出生 純粹有感而發 我好多年紀再大啲嘅長輩根本就冇讀過大學 但係佢哋對於電路系統 機械工程嘅知識仲豐厚過我呢個大學生 甚至其實 我計數就叻 你比本習作我我可以同你做啱晒 但係要我落手落腳做 我根本就冇嗰班實戰嘅工人咁叻

所以其實我都唔會特別鼓勵自己仔女過分迷信學歷 而且唔好俾社會規範埋沒咗自己嘅天賦

我人生大把朋友 都好有才華好有創意 亦都好叻 但係就係因為比社會規範困住 夾硬讀大學 夾硬讀上去 浪費大量時間同埋精力仲有金錢 換張沙紙返黎

係就俾個銀行帳號密碼出黎我望下見識一下