蘇德戰爭嗰陣就算無天氣因素，德軍都係輸？

我覺得最大可能係因為德軍無重創到蘇軍嘅補給線，同埋軍工設施。

蘇軍初期大崩潰都係因為蘇軍估唔中德軍邊日打，同埋大後方未wake up，去到中後期蘇軍啲裝備同坦克先可以源源不絕咁上前線。

如有錯請插得輕力啲

原因得一個

兩個字：美國

主要係最後簡進攻方向個到問題大啲

德軍整體太過集中戰術層面嘅執行而唔係戰略層面如何實行的確係影響德蘇戰爭最終失敗嘅原因

首先就係，納粹主義同軍方傳統嘅思想中，斯拉夫人同共產主義只係不堪一擊嘅紙老虎，德軍係策劃巴巴羅薩行動嘅時候，都係基於蘇聯軍隊會一擊即散嘅前提，甚至樂觀到認為德國一進攻，烏克蘭就會立竿起義幫助德軍迅速佔領黑海出海口從而令到蘇聯崩潰

其次，法國戰役嘅大成功令到軍方認為即使對手嘅工業潛力同可以投入嘅兵力再大，一場決定性嘅殲滅戰就足以贏得一場戰爭，所以巴巴羅薩行動最著重嘅就係第一階段係Western Dvina-Dniper兩條河中間執行一場龐大嘅殲滅戰將蘇軍主力全數殲滅，其後第二階段嘅莫斯科同再後面推往A-A線嘅時候德軍會面對嘅只係係主力崩潰後無力抵抗嘅蘇軍

第三，德軍係規劃後勤嘅時候亦係基於蘇軍會快速崩潰，準備嘅資源只係足夠佢地支撐到10~11月同僅限於距離邊界~500km左右嘅範圍，再往後嘅後勤只能夠依賴蘇聯本身嘅鐵路同公路

所以其實當八月底德軍戰線係烏克蘭開始同蘇軍有少少膠著，蘇軍無預期想像中只要幾場殲滅戰就會大崩潰，德國其實就已經輸左，因為後勤上從來無考慮過如果失敗之後要如何應對，德國本土嘅戰爭機器亦都無為打一場大型消耗戰做任何準備，相反蘇聯前期透過強大嘅動員力發動總體戰，將德蘇戰爭由德軍擅長嘅殲滅戰轉為將人命同裝備視作數字嘅消耗戰，德國就已經係德蘇戰爭上失敗