規劃人生

老豆突然中左cancer
老豆到左退休嘅年紀
一直都知老豆冇乜積蓄
老豆啲錢去晒幫兄弟同賭馬
但我唔知嘅係原來老豆連$1000嘅積蓄都冇
仲要問我同老母借錢搭車
我都係啱啱畢業兩年又返份普通工
老豆遲啲醫cancer 嘅藥醫院冇資助要自費
其實唔係好負擔到
老母自己有好少嘅積蓄
唔想動用到老母嘅積蓄想留返俾佢退休用
佢地都冇買保險有咩病痛我都大壓力
本身想轉工好耐 都返得唔太開心
依家份工人工低
但老豆依家成日出入醫院
我換新工好難請假 所以就維持原狀
唔開心嘅位係原本以為一切上左軌道
我可以轉工 唔洗再返呢份工
老豆嘅藥費對我嚟講係一筆幾大嘅負擔
其實俾完呢啲就儲唔到錢
但過多幾年我都30歲 可以嘅我都想有少少積蓄
讀master又好 結婚又好 做首期都好
好多野要思考
有時我都覺得好攰
明明我嘅人生先啱啱開始
但係一開始就已經結束咁
感覺就係除非我可以突破自己
否則就係一世飛唔高飛唔遠咁

女？

無錢咪拎綜援
免費醫
同埋醫cancer都曬藥費

你本身都飛唔高飛唔遠，個出身係咁就係咁，你覺得有無限可能係錯覺

幫你老豆醫，當醫得好，佢繼續寄生，你唔好話飛，你直情負擔重到喺地上面爬

說話有啲難聽但又好似講得好中..

Take care bro 攞老綜 搵醫務社工攞到幾多得幾多

加油

去印度買藥

好多人係平平淡淡一生
飛唔高飛唔遠
不過有理想係好事

睇下你老豆食咩野藥，可能大陸會有平價藥 or 印度翻版，唔好夾硬晒錢買香港藥

斷絕關係簽衰仔紙，然後叫佢攞老綜會唔會好啲

留名 真心要幫屋企人買保險同捉佢地去定期body check

其實啲鏢靶藥就算係中產都好難負擔到 負擔唔到嘅話無謂勉強 集中做化療 俾多啲心靈上嘅支持俾你老竇

最平同有效率嘅做法係 照X光檢驗嗰啲就私家 治療同住院就公家

申請定綜援 難聽啲講句 萬一需要照顧嗰陣 可以申請免費老人院

利申過來人

想問下如果佢老豆要申請綜援，樓主係咪要簽衰仔紙因為佢收入可能過審查？

算吧啦。 除咗有$人， 一般家庭根本冇可能買貴药。

剩返少少時間做自己嘢， 食自己鍾意食嘅嘢仲好。

我老竇嗰陣時啲cancer藥要五萬幾蚊一次，一個月要食兩次，一般打工仔又要供樓點可以搞得掂？

結果都係冇嘢可以做到。 係殘忍但係事實。 好好令屋企人走埋最後一程仲好。

我都係過來人。

講到尾都係錢作怪 大把人讀完書搵得15-20k 仲要幫補屋企
真係有咁多Fg 50k咩
真係fg 50k嘅 通常人地屋企本身家底好 都唔使仔女幫手俾醫藥費啦

真，係親生應該放手。無理由拖自己仔女落坑

坑兒啊

你好!
在你的文字中感受到你正面對着很大壓力和痛苦。自己一個人承受着，真的不易。如果你不介意，讓我們陪伴你一會，好嗎?
你可以進入網站內的『Chat窿』 https://chatpoint.org.hk/ （星期一至五：下午4時至凌晨1時；星期六、日及公眾假期：晚上８時至凌晨１時），和我們的義工傾傾吧。

我們願意聆聽你的心聲，伴你一起走過這段艱難的時候！

原來咁貴
有啲女做ptgf賺醫藥費唔係冇可能