政府醫院體外碎石 圍爐

激光係尿道入果隻？

做過？ 可唔可以分享下？🥲🥲

真係好驚會甘樣～ 但係又怕碎完屙唔出🥲🥲

係

但手術前後都要擺條臨時支架
要成日去醫院

係私家做過
碎果陣無咩感覺
趴係度十零廿分鐘就做完




碎完痾出嚟果兩日痛到生不如死
止痛藥都無

希望唔好介意問多少少🙏

私家果陣有麻醉？

做完果陣點樣嫁？ 一屙就血尿？有無屙唔出既情況呀？血尿屙左大約幾日呀？🥲🥲🥲之後個腎情況點樣呀？

之後去檢查洗唔洗打第二次？

🙏🙏🙏

做果陣唔痛唔洗麻醉
不過有俾鎮靜等我瞓著嚟做

做完會嗌你飲好多水等你痾多啲尿
痾四五次就清得差唔多
只不過每次都生不如死

本身有石對個腎都無咩實質影響
只係間中會痛
同埋唔理佢會愈嚟愈大
頂損粒腎就有機會發炎血尿

上床訓，會倒啲暖水落張床
之後就開始打，會慢慢加大力度打落粒石個位
去到最大力我都冇咩感覺，就好似不斷俾人用手指彈落個身
做完會有啲血尿，會叫你瘋狂飲水
之後就睇你有冇唔舒服就放你走等下次覆診

我粒石喺個腎度，打左兩次覆診都話冇碎
跟住就唔理佢唔做啦反正冇影響日常生活
隔咗排再覆診就話粒石已經消失
係覆診前幾個月試過尿道炎

我之前係私家醫院做
前一晚醫生會俾藥你食,等你痾清D屎
因為到時做碎石佢要一路睇住個mon嚟做,D屎會影響成像

做嘅時候會叫你側瞓或者趴係度,視乎你粒石嘅位置
張床有一部份係透明膠嘅,姑娘會倒D暖水上去
作用係等D shockwave傳送得好D

開始前會幫你打支麻醉針,你個人仲係清醒嘅,但就會迷迷糊糊
然後醫生開始打shockwave,你會感覺到好似俾橡筋彈咁,唔太痛
大概十幾廿分鐘就做完,之後醫生叫我係出面坐,飲大量水,等小便

到你有小便痾就會痾血,同時有機會痾返D碎石出嚟
之後幾日都會痾血,正常嘅,醫生會俾利尿樂你食,要飲多D水
唔記得一,定兩星期後返去覆診,完

唔該曬🙏🙏就係怕佢越來越大～🥲🥲原來最痛係屙出嚟嗰陣😵‍💫😵‍💫😵‍💫

感謝分享🙏🙏🙏 聽講會血尿～以為好似出血咁😵‍💫😵‍💫😵‍💫忍你甘講都定少少～ 但係竟然打兩次都無碎到？甘咪即係要開刀？😱😱甘話時話～我都好似有少少尿道炎～

好詳細🙏🙏多謝你～
雖然我黎緊係公院做無麻醉～但係聽到甘講～知道個流程個心都定d~ 照甘睇，最驚就係屙血，同埋屙碎石出嚟，係咪痛到起唔到身個隻呀？😵‍💫😵‍💫 之後覆診d石有無清曬？需唔需要打多次？ 好返之後覺得個腎點樣呀？有無功能下降？🙏🙏🙏

我記得係醫院痾血係唔痛嘅
反而果晚係屋企痾就會痛,可能係醫院果陣麻醉藥未過
但就算係屋企痛都好,比起未打石之前果種痛只係小兒科
之後覆診照出嚟係清晒,腎功能亦正常

血尿只係啲尿有血水
我打完兩次冇碎就問醫生唔理佢住得唔得
佢都同意我可以暫時觀望
隔咗大半年再覆診就話粒石唔見咗

咁神奇唔見咗？😳😳👍👍👍 請問當時粒石幾大粒呀？

太好喇～清晒同埋功能正常👏🏻👏🏻請問當時粒石幾大粒呀？

好似6-7mm
其實打左兩次應該有碎到
只係未排出黎
我估

6mm

最緊要無問題又無唔舒服👏🏻👏🏻我9mm～🥲🥲

我9mm🥲🥲睇黎真係要打