覺唔覺得香港人有時眼界都幾窄

今日見到辦公室日報有個post
講一個人39歲仲讀緊書幾乎冇工作
下面留言全部都係話：啲咁嘅人應該由佢餓死、食屎狗etc
我認同網友個點係其實佢係用緊屋企人資源，剝削緊屋企人，所以做得唔啱，太自私。

但我見到網友背後另一個價值觀係：每個成年人都一定要有一份正常、全職嘅工作。只要唔「同我一樣」，咁呢個人就唔正常。

好多人仲會拎自己做例子，講話自己幾正常幾勤力，好認真返工etc。

感覺香港人特別鐘意批判一啲「同自己唔同」、「同自己唔同」嘅人。

又例如喺Threads見到人話識到一個女仔，感覺佢係一個「自細喺良好家庭長大，成長過程充滿愛，所以好善良」嘅人。底下留言有啲人會話：「祝佢早日見識到世界殘酷一面」，感覺佢哋好似暗示緊個女仔「太天真」etc，好似一個人一定要有一定程度嘅黑暗面先「正常」

畀我感覺係，無論係「啃老」定「善良」（正面/負面）都好，只要嗰個人同佢認知中嘅大部分人唔同，啲人嘅評價就會比較負面。

另一個例子就如果籽同之後嘅MM都拍過一啲「低慾望生活」嘅年輕人，佢哋唔點賺錢亦唔點使錢，明明冇做傷天害理嘅事，網民又係反感，而背後個原因我覺得有一部分係因為呢啲人個選擇同大部分人唔同，最重要嘅係「同佢哋本人生活方式唔同」。

其實只要將眼界開放少少，就會發現呢個世界一樣米養百樣人，根本就冇人規定到底乜嘢生活方式先啱。

我覺得香港人一方面想顯示自己好特別（有品味etc），一方面又覺得要點點點先係正常。

有時我觀察到自己都會有呢個問題，既想顯得特別，唔想人哋覺得自己平庸，但又好怕自己離開咗「正常」嘅軌道。

Any肥，純粹討論，共勉之。

講事實都唔比 忠言逆耳

個世界係咁，唔係行大家個條路，又唔係賺到錢，或者有咩成就
係接受唔到

我放假鍾意留喺屋企睇netflix 打機 唔鍾意遊山玩水去旅行 啲同事就講到唔去旅行有問題咁 溝通唔到

我放假鍾意留喺屋企睇netflix 打機 長假又鍾意遊山玩水去旅行又去歐洲又去日本又去中亞又玩攝影又講到車經，不過我都係睇心情溝通

主流社會唔做主流無問題
但你要接受比主流屌
人多就是正確呀

其實都係魚蛋論
你嘅生活方式唔同，所以唔抵得，所以你應該要同我一

其實大家已經成為左當初自己討厭嘅廢老

價值觀唔同既人就係敵人

你除咗殺咗對方冇其他辦法

一句總結晒：憎人富貴厭人貧

即刻有一隻傻閪

每個時代都有呢啲人
只係Internet令你見到佢地

一方面想話比人聽自己幾特別
一方面又話比人聽自己先係正路
講到尾 其實係優越感作怪

幾百萬人焗係一個溶爐度生活成長
環境可以提供出路既選擇少
令個個以為成個世界得1條賽道 1個法則

對成功既認知只得一條路
自然會互相比較
係比較中產生優越感
繼而更強化呢種單一價值觀
仲未計以前既電視 廣告 網絡渲染

久而久之就會對差異久缺容忍
係世界裡面只得自己一種標準

我唔係要完全否定標準既存在價值
有d野我係相信傾向要有標準存在
如 普世價值 人權

但重點係
面對差異唔需要一埋位就屌 訕笑
有d層面係可以先去了解同討論
甚至乎唔需要即時落結論


香港人就係習慣左用比較黎攞優越感
尤其網絡出現後 恥笑無成本
比較所得來既優越感垂手可得
就好似每日上連登屌呢個 笑嗰個 反嗰個

人唔自知呢種行徑好似食緊精神鴉片咁
你突然叫佢唔食 佢地好難同你討論落去

避免唔到其他人成為老屎忽
可以做到嘅就係避免自己成為討厭嘅人

自問個人幾開放
只要唔傷天害理
其實都無咩問題

你點證明係忠言？

香港人每日唔踩下人 心理會唔平衡 唔好太認真

Gay佬唔係社會主流 所以都成日俾你哋話啦

屌 連登咪又係咁
香港人係咁架啦
成班傻尻咁先易管

認同
一樣只要佢冇傷害人
你話知人做咩點生活
但係香港人基因係好鍾意指指點點 咩都要管 咩都要評論
明明自己屈埋香港目光如鼠

憑我三十幾四十年失敗者嘅人生經驗同你分享

香港地就係咁畸型

又例如喺Threads見到人話識到一個女仔，感覺佢係一個「自細喺良好家庭長大，成長過程充滿愛，所以好善良」嘅人。底下留言有啲人會話：「祝佢早日見識到世界殘酷一面」，感覺佢哋好似暗示緊個女仔「太天真」etc，好似一個人一定要有一定程度嘅黑暗面先「正常」

批鬥江b嗰班垃圾

貧富懸殊既地方係咁
一班人辛苦生存
另一班人離地講經

你話個世界係咁，證明你眼界真係窄
我係英國學英文
白人阿sir話呢一類人係英國佢地稱之為eccentric
英國人對佢地嘅接受度係相對較高
至少唔會因為你同一般人唔同而去貶低你