整咗個Bleach死神全角色排名

綜合角色靈壓 攻+防+速 特殊能力 弱點 戰績 實戰表現
有分先後次序 幾位無法準確排位嘅角色會放適當rank最先/最後 之後再講
排名高唔一定贏到低 畢竟有能力剋制呢件事
同埋圖僅示意 實際以人物最強時期/形態嚟排 除咗少數例外



？-完全無法評估 可以參考嘅嘢太少 只可以大概猜想到唔會太弱

C-普通大虛水準及以下


被當時嘅茶度打敗所以排呢度 茶度個陣應該最多副隊長級


七緒鬼道可能有隊長水平 但唔知可唔可以單人打敗普通大虛 再排上一級可能得


龍貴有少少怪力+空手道高手 喺崩玉進化幾次嘅藍染靈壓下勉強保持到意識

C+ 護庭十三隊席官至副隊長標準水平


前幾位破面比涅實驗之後強化咗 千年血戰可以同比「Z」Geselle控制嘅疆屍隊長級人物對打（嚴重弱化） 但多少有至少副隊長級嘅實力

海燕嘅能力基本上透過第9刃亞羅尼洛展現咗唔少 加上已知浮竹原本認定佢係下一任隊長 只差個卍解 無睇過本人戰鬥無辦法排再上


兩個完現術者論純物理攻擊同能力都唔錯 但本身靈壓唔突出+人類肉身嘅缺點比起靈體有劣勢

B-上級副隊長水平 同入門隊長級相差嘅好多時係一個好嘅卍解/招式


犽翁 輕鬆秒幾個副隊長 識再增肌變強 超速再生可能喺十刃中都係中等水平
實力其實可以排上好多 差在無咩智力同特別技能

茶度 千年血戰最新幾集表現突出搞到我唔識排


9刃 亞羅尼洛 解刃時可以用到吞過所有靈體能力 雖然吞過三萬幾隻虛 但從來無展示過嗰啲虛能力幾強 實戰表現都無咩突出


路德本 小說cfyow強咗啲 製造嘅士兵多到可以多少擋到大戰後嘅滅卻師女團 係虛圈少數冷靜會用腦嘅角色 能力本質同靈壓限制好難再上一級


亂菊去到雛森都有唔錯嘅斬魄刀能力 鬼道 戰鬥能力同表現都係副隊中上水平


一角即使靈壓同攻擊力有準隊長水平 喺全篇外掛同特殊能力咁多嘅情況下最多做到副隊長 而且仲有可能持有最廢卍解之一


一護阿媽放最後唔係廢過上面堆人 只係無法評價 所以保險估計放呢度示意至少B級
只知道佢原本係純血滅卻師+靜血裝夠硬食虛白嘅攻擊都無事

A2 -中上隊長級 準確定位四至五刃間


碎蜂 論靈壓同外掛唔及呢個rank嘅好多人 但天下武功惟快不破
二擊必殺完美配合極速嘅白打同𣊬閧 近身唔夠打就卍解遠攻核彈 呢個combo其實幾全面
惟一缺點係卍解好多時威力不足 不過生存 攻擊 速度方面全部都高水平


Candice雖然慘敗比一護 但滅卻師女團個個實力星十字團入面都算中上
靜血裝同純白打似乎係女團入面弱啲嘅（by久保) 但整體package唔差


鐵裁（大鬼道長）同鉢玄（假面鬼道）另一種意義上嘅排唔到 有少數戰績但關於鬼道嘅資訊太過少
知道有時空間鬼道 有大破壞力 結界 甚至空間回歸 但完全唔知鬼道佬點戰鬥 能力op唔代表必勝 或者戰鬥入面容易用到
排呢度純粹係鬼道長/副鬼道長=隊長/副隊長 鬼道=各種小型外掛咁考慮

涅同Batman一樣 勝利手法同招數基本上隨劇情需要
即使佢輕鬆贏好多強嘅對手都只可以排「比較強嘅隊長」 本體實力相對一般


米妮拿受限於純物理攻擊屬性 好難再排高啲 有趣係久保話女團入面空手白打嘅實力無論用唔用血裝佢都唔係第一


「Z」疆屍女 捱打同回復力強 只係血液疆屍化嘅能力喺戰鬥中效率低
用嚟控制嘅血液量取決於敵人靈壓
完聖體能力嘅骷髏有啲意義不明
疆屍被控制雖然保有原本能力 但大部分時候完全無自主意識 威脅力大幅下降


滅火皇子純攻擊力同超速再生可能勁過三四刃刃（可能） 但智力太低


修兵始解/本體戰力可能只比B級好少少 卍解喺小說出咗
基本上平分對手（可複數）同自己靈壓 耗盡之前連接嘅人點打都不死
仲有好大潛力 不過暫時最多A級
希望動畫有機會展示出嚟


雀部同空鶴評唔到 雀部有隊長級
空鶴貴族阿頭靈壓天生高 夠強可以訓練銀城幾個完現術者
如果銀城真係如同小說講嘅差唔多水平嘅話空鶴可能排高好多

染番谷喺邊度

雖柒但勁仲有排

柒番谷。

A+ 頂尖戰力 強過死神99% 唔係混種/超越者嘅頂點

春水 終極外掛佬 有腦 四大貴族+幾百年隊長靈壓


Gremmy 無敵嘅能力 至少看似無敵 比本人想像力不足 又或者單純太天真想正面對敵所限制
好多人話gremmy太蠢唔識用能力 但一嚟佢背景故事係被囚禁咗好耐 對外界無接觸自然無太多見識
二嚟就算係其他人都唔一定用得比佢好
想像力呢啲嘢太危險 一唔小心殺死自己都唔知
而且千年血戰除咗劍八都無咩人打得過佢


彥檷 小說人物 同一護一樣終極混種 唔多講但小說劇情嚟講係強過後面嘅人（計有刀）

時灘 小說人物 單係本身五大貴族之一 同春水浮竹同期 靈壓同白哉有得比 就可以入呢級
家族刀可以模仿其他始解能力 始解一半仲可以反射攻擊
終極「可根據對手自由轉換外掛」外掛佬


個人認為白哉靈王宮後嘅破壞力被低估 單係普通唔係全力嘅始解就令F以為係卍解
而卍解可以讓戰鬥能力提升5-10倍 即係新始解至少>舊x5
雖然無咩大外掛 但論破壞力應該僅次山本（只計死神）

已己巳己巴 小說角色 呢度計嘅型態係比和尚封印改名前 史上最強虛 應該係


卯之花 雖然強 始終戰鬥太少 到宜家到未完全清楚卍解作用
而且劍八係以無始解嘅狀態贏佢卍解 係越打越強 卯之花無可能好似有啲人講嘅全程放水
個人意見 佢應該贏唔到前面幾位死神 無論係外掛不足定單純實力唔夠都咁講

席恩 8刃複製品 但實力接近阿波羅0刃時
靈壓高過所有十刃+8刃本身離譜嘅能力 就好似織姬拒絕一齊嘅能力比藍染嘅靈壓用


拜勒岡 雖然靈壓唔及一刃 勝在死亡之力
如果唔係空間鬼道得藍染有辦法殺到 而starrk個性使然少出全力
兩條友打一刃應該贏 拜勒岡優勝在攻防難解 starrk呢種純粹嘅力量同一護一樣 一旦遇到更強 或者水平相若但有外掛嘅對手就麻煩

銀城 一直都被低估 呢度係計小說 但即使完現術篇都唔差
卍解銀城略遜於完現卍解一護
純完現術（死神之力返嚟前）嘅一護多次被指超越以往嘅力量 計前文後理完現術班人惟一有辦法監視嘅死神一護=入虛圈前
嗰彈一護可以壓制未解放6刃 所以完現+卍解一護應該遠超5刃同打銀時嘅自己 否則無可能靈力耗盡都可以同友哈過招
視乎問嘅人有啲覺得1）十刃之上/2）>牛頭一護/3）=4刃烏爾水平
所以保險啲嚟講正篇銀城至少>6刃 去咗屍魂界修練到小說可以最少>=3刃水平嘅葛力姆喬
（根據表現應該>>3刃）


刳屋敷 七代劍八 小說人物 始解同卍解都係極致嘅破壞力 但開卍解後半年始卍解都用唔到 代價太大
而且呢張滿滿外掛嘅list得物理層面嘅破壞力差咁啲


痣城 八代劍八 小說人物 鬼道高手 常態卍解型控制/融合環境進行攻擊 根據小說當時同牛頭一護相若嘅劍八已經強過佢 排呢度差唔多

S 最強

去到結局 或者小說 劍八應該有超級山本嘅靈壓 有可能>雙刀始解一護
贏唔贏到山本唔確定 兩個人機制太唔一樣

S+ 異常存在
零番隊全員靈王之力改造
雨龍同哈修喺之後嘅動畫表現有可能再高

毒蜂同一角同級已經冇可能啦

完現術者慘在人類肉體本身比起靈體就差 加埋啲能力好似好勁但靈壓同本體攻防差

1.友哈
2.藍染
3.1護
其他是但

出本係s++到s+++,
只係俾友哈陰死左。

一護可能打唔贏藍染 但論靈壓數值應該高過藍

店長得 A ? 會唔會低左

我意思係一角勁過佢好多

雛森桃shame

動畫加戲之後零番隊已經>山本
一護攻擊力又>零番（可能唔計和尚）
最多s+上唔到一護個級

出埋咒術rank表plz

柒番谷A+

原本都諗住排高啲但諗諗下係卍解op
本身靈壓應該比唔上再上面 而且卍解效果有範圍同非永久 不過A好勁了

太睇得起一角