1，香港嚟講算好少呢類現實型災難片，係有新鮮感
2，演員好盡力，謝君豪，莫文蔚，林保怡演得好
3，個別爆炸係嚇到人，身邊條女每次爆炸都縮一縮
4，有d喊戲都會感動到某d人（身邊條女）
5，尾段係拍得好用心喇
唔好
1，極度抵鬧，廣東話配音好多甩口情況，開場劉華自己段演講都甩口，其他小角色甩口情況更嚴重，係唔駛留心，都會睇到個角色已經咳，但對白仲係未咳前個音
2，故事起圍問題，唔明點解係財政司決定抽樣檢查貨櫃。呢樣野點解關財政司事?況且就算係，最後批都係港督啦。
3，承上，十年前一出意外，咁條例正常都會立即收緊番啦。十年都冇修緊條例，咁唔關劉華事啦。係呢十年所有特首，消防署長，海關關長，議員嘅責任。
4，開頭節奏太電視劇，尤其將劉華單死老婆野咁拆開，好破壞節奏。開頭情況係1996跳去2007，再跳番1997大火。其實呢類橋，西片通常都係一口氣講晒1996到97大火單野，然後跳去2007。
呢類戲冇必要跳前跳後。
5，消防線，政府線平行開，再結合，係好有心嘅嘗試。但個人認為唔成功，以電影時間，其實要取捨，只可以集中行一條。而家係有兩頭唔到岸情況。
6，無謂配角嘅感情線，嘥時間。其實連劉華嘅父女戲都太多。
7，情理問題再簡單講一d,,王敏德憑咩要脅政府呀？今時今日邊個唔知有緊急法呀？
核爆大鑊定炸你層樓大鑊呀？
再嘈，就用涉嫌非法偷運放射物，叫上水警區捉王敏德去上水差館囉。
消防線方面，點解要3個留低？
消防走失一個要救，但爆破組成team人出事，就冇諗過主動派人去?
最後記者會，係咪錯道具呀？
王苑芝應該派冇黑筆遮嘅原版文件喎（即莫文蔚睇果份），派黑筆遮左嘅做乜9呀？
劉華最後潑婦咁鬧王敏德，仲衰過大哥沒有輸。係劇本問題，唔該講案件重點，唔係閙情緒咁。
算唔錯嘅。
