匯豐商業戶口

我初初都打輸數，經幾個月角力，間仆街銀行道歉兼開返戶口，但我之後主動cut轉用另一間

自己去睇收費表啦...繼續吹

citi 都算易開嘅

商業戶口開戶時會做好KYC 問你主要往來係咩國家地區 每個月有幾多交易量

佢話正常啫 你點知銀行角度佢係咪正常 又或者同佢生意往來嘅戶口有問題呢

日日都有詐騙洗黑錢 銀行compliance做唔好俾人罰幾億 少你一個客唔少

喂 要搞幾個月咖？
我而家上訴緊嗰個戶口先搞咗一個月咋

發唔發覺企喺銀行角度講嘢嗰幾條友字裡行間有種優越感
但其實講嚟講去都係冇實質講到有用資訊

Retail rm有西用

有rm要保你話咁易

1. 落分行問無用，hsbc retail同commercial 分開，retail 就算分行行長個老細都幫你唔到
2. Commercial 有rm佢可以救到你 但要有rm你戶口無8位數都唔洗諗
3. 投訴都無用，呢間行一年關咁多戶口，金管收呢啲投訴收到悶。

少你一個客唔少唔緊要
所以咪話轉場唔係度做
最後咪少一堆人交呢度稅

梗係唔係
之前就係有RM保完原來真係關洗黑錢事
而家大行大部分都唔會理RM既建議

早幾年就係

其實要睇衰乜
通常公司戶口會比較大容忍度
銀行封戶口不論個人定商業都係得兩樣原因
1.) 個人戶口做商業用途
2.) AML 即係洗黑錢

你商業戶口一定唔會衰第一點，因為用個人戶口既人99.9%都係諗住唔報稅，呢D叫逃稅，以前銀行就隻眼開隻眼閉，而家政府無錢，梗係比壓力銀行，好自然銀行都捉呢班人出黎封戶口
你話一個月一單半單，佢個系統未必知道
一個月5,6單開始會提佢地人手查

咁AML就好多野睇
1.) 你每一張單都要拎出黎去解釋比佢聽
2.) 究竟以前係做開幾多錢，有無突然多左好多生意，你要證明到比佢睇

大行我大約都估到呢D
匯豐銀行 同 恆生 基本上都係仆街到唔仆街，好多時都無人情講，除非你可以好充份咁證明到真係佢睇錯，尤其佢問你D數來源個陣
因為審批個個都係打工，佢要背飛你個戶口所有野，如果你真係洗黑錢，佢除時工都無埋，比你係打工仔，你會點？你死好過我死

反正你無戶口，我無份工，所以一定係搞死個客
呢樣亦係金管局唔去做野既其中一個大問題

完全無任何制度去監管呢樣野
因為銀行其實係唔想做活期客，無肉食又要花最多資源、人手、分行
所以佢地根本唔在乎你點諗

加上匯豐係全港最多存款，你有幾多錢？一千萬？一億？我諗去到一億，佢地都未必真係好在乎，何況大部分比人封戶口既人都係最多幾百萬存款，而且又無買保險、基金、借錢

都係你身上無錢賺，佢咪唔做你生意囉

加上可以因為話唔可以向懷疑人透露所有野呢個免死金牌，所以根本佢地唔驚

而中銀本身更加辣，基本上你有事佢係好絕，但好在佢地可以比你上訴，可能有D機會，但都係99%死

渣打其實都係一樣

係細行，東亞、星展呢D就會好少少
相對無咁嚴，因為無請咁多人，而且外國比較少罰佢地錢

所以佢地都唔會去到咁盡

好彩十年前出左FPS，變左唔使一定要用大行，好多客而家都轉用細行

匯豐呢D其實唔係因為個牌，我諗佢一早停哂D細客
因為金管局個牌係一定要任何人都要開戶口比佢
所以銀行一直都想縮皮，你睇呢幾年匯豐呢D執左幾多分行就知

佢地根本唔想做細客

以前得，你諗下，你諗到，洗黑錢都諗到
先唔好講可以好容易巴結到個RM，再搵D錢黎買保險、基金，基本上使少少就可以任用戶口，咁D人點會唔做？

但就一直有人洗黑錢，所以大行，匯、恆、渣、中 呢4間係呢1,2年就請大量人去做呢D寫字樓既審批，唔理RM既建議，總之有問題就cut，銀行係最出名自私既行業，捉到咪cut 你死，好過佢死
所以你買幾多保險都無用，佢都係幫唔到你

有聽講，如果你個客賣雪茄，佢同古巴有交易，而你又同呢個客有生意來往，可能得1,2筆，都可能會搞埋你
而家銀行係去到咁

唔會，因為法例講明唔可以講，同你講左佢監都有得坐
加上好多時D分行職員都未必知

要睇你行業同埋情況
你話一個月有100筆交易，每筆$5000
間唔中有1,2筆係$5000 現金入數
通常都無問題

但如果係佔左20%佢會問你原因，有無證據，例如CCTV證實到
如果唔係都照搞

現金間唔中幾千蚊，係可以，但$5萬以上就開始查你

其實聽講有好多都係戶口得一萬幾千 甚至幾百都被cut
洗乜嘢黑錢 乜都關黑錢事
睇嚟連登好多人洗黑錢

Back office aml band 7 條友敢唔理band 4 rm?

遲早都要嘅事
hsbc俾狗用

單純係因為香港人對於AML既警覺性好低，覺得筆錢係佢轉黎轉去就無問題，你轉黎轉去同真洗黑錢，或者幫人做fraud 既pattern 根本一鳩樣

最好笑係同aml team 既同事威脅會去第2間銀行，又唔係sales 點會怕你走，最好每個月收少幾個cases

後者銀行係咁諗
公務員批信用額/貸款最鬆手

Yes,所以而家朋友間轉錢都唔經HSBC/HSB/Payme寧願經Alipay / Tap N Go呢啲支付工具既轉數快

你解釋得好詳盡
總結一句 其實實做乜都冇用 趁快轉會好過

收到 我已經喺其他銀行開緊戶口了
睇完咁多人講 就知道上訴根本冇用
以後要唱撚衰呢間垃圾銀行

其實係，基本上99.9%出得信都好難救
轉會好過

政府唔肯逼銀行唔好有理無理都封就好D
但政府唔做野，我地都乜都做唔到