圈中出名「妹控」嘅Edan，為咗小如豬今年嘅生日正日（30日），晒出全家福及多張兄妹合照，向來甚少分享家庭照嘅Edan，都趁妹妹生日破例晒全家福，不過佢都有用emoji遮住父母個樣，繼續低調。而兩兄妹合照中，兩人頭貼頭捧蛋糕，當中Edan就嘟嘴係咁想錫小如豬，不過小如豬就刻意擰開個頭，擺明拒絕阿哥嘅香吻。Edan留言祝福阿妹：「Happy birthday to my love. 謝謝妳20年前來到這個世界，thank you for always being there for me.」即被粉絲大讚佢係絕世好哥哥。
