今日命題，X你老母嘅背後係父權
為咗呢個Topic 可以播出街，
以下的「X你老母👵個XX」就用旁白司的「虎你媽媽香噴噴」取代
長輩話唔比講粗口🤬但係又唔解釋
真理愈辯愈明，求知欲旺盛嘅我細個不斷講
周圍去問侯人，乜嘢係粗口？
粗口好似有高低等級之分
點解頂你個肺，殺傷力低啲
虎你媽媽香噴噴，就殺傷力高啲
關個器官事？
關個氣味事？
關個性別事？
定關修辭事，自古以來，長啲的句子都係比較有內涵
唔通為咗彰顯自己讀過下書，所以粗口都要有咁長得咁長，文縐縐咁
無人答到我
點解攻擊媽媽就侮辱性強啲
如果係父權社會，點解唔攻擊有地位啲父權
照道理應該虎你老竇先有更高嘅攻擊傷害
大家好似進化到精神上嘅攻擊比較有傷害性
所以我㨃冧你，呢啲咁淺白嘅就殺傷力好低
而傳統父權社會都係男人出面處理外事，
女人管理家務內政
乙方係男人，為咗唔攻擊佢就攻擊佢老婆或者佢老母
例子，有你老婆做雞，「虎你媽媽香噴噴」
呢度帶出咗另一個粗口類型
就係透過普遍認為低下嘅職業去貶損別人
倒屎洗廁所都好污糟
護士面對嘅五寶，屎尿膿痰血 都厭惡性
點解一定要做雞先有攻擊性？
做雞有咩唔啱？
估係醫生護士最高人工，性工作者風險又高
所以刻板印象認為係最低賤嘅工作
歡迎討論