連登兒女去過咩國家令你大開眼界？

蒙古
日本，去每一個新城市，永遠都唔會失望

其實好多地方係極靚但係可惜人民質素差都係暴殄天物

你自己去Glasgow 行下

首都認真好普通食嘢最唔伏都係blue sky tower，香格里拉，同埋department store.
反而唔係首都嘅城市係幾靚嘅，Uliastai, ölgyy, Mörön都好有feel，啲人都好好

有冇遊記可以參考，如果去呢兩個地方加其他附近地方

師兄有創傷

係！香格里拉真係好撚抵，我記得食好多嘢都係好平，佢啲肉好似都幾新鮮啲物價係真係平到癲嘅
我唔食羊肉，同我同行嘅朋友好鍾意食羊肉佢話喺蒙古食到嘅羊肉係佢食過最好食嘅 （好fresh好新鮮）
跟住又平，仲記得嗰陣時 好凍行到好攰求其搵咗一間餐廳食 好普通成個茶記咁
一碟碟頭飯$10港幣啲羊肉仲多過啲飯 佢話好食到傻
不過我喺香港平時就唔多食肉，去到嗰度嗰度冇乜沙律啊冇乜菜食唔係好慣 但肉食者就真係天堂嚟

反而我覺得首都啲人真係唔友善好多都好仇華排華 對住你眼甘甘咁咁樣樣唔知做乜鳩
但好多都係老一輩先會咁，後生啲嗰啲反而幾Nice
佢哋唔係好識英文不過識俄文
令我震驚嘅係佢哋就算大學生，英文都係好差甚至佢哋做嘅paper睇嘅文獻都係俄文或者係蒙古文 好少話睇啲International嘅嘢

佢地係分得好開對外PR同國內管制
做外人就係天堂，做賤民同外勞就係地獄

台灣

細果陣玩金庸ONLINE 識好多台灣人 成日講台灣幾靚幾正幾勁
加上果陣仲係台劇既年代
果個年代又冇GOOGLE MAP 上網又鳩流流 資訊唔發達
搞到以為台灣好靚好現代化好先進

結果小學尾LUR老豆去 老豆都話台灣有咩好去
好似頭D丫木老豆咁
我要去台灣
不如去北海道呀
我要去台灣
去北歐睇極光呀
我要去台灣
去睇皇馬七條煙呀
去台灣我聽朝陪你飲茶


如是者果年第一次去台中定高雄唔記得
因為以前都係去D發達國 美國歐洲日本 未去過東南亞大陸
所以好記得條街冇行人路 得D屋前面都比電單車泊晒
見到D丫叔隨地吐檳榔 D檳榔渣遠睇好似甲由咁樣 一PAT啡啡地痴係地下
成世人第一次見到咁差既市容 最慘係本身好有期望

香港日本新加坡最安全但係都同紐約無得比係因為多元就係有陰暗面，而香日新某程度上都排外，做唔到包容

另外，民主黨搞市容係咁上下咁多白卡仲要收II幾多億都唔夠維修

正想講

應該冇乜可能會講俄語佢哋後生完全唔會鍾意講俄語，雖然相當於係佢哋中二中三俄語係必修，但係佢哋完全唔鍾意講的，可能你見到嗰啲係西伯利亞嘅俄羅斯人，佢哋同蒙古人個樣差唔多佢哋本地人寧願會學韓文多過俄語，佢哋鍾意韓國文化嘅程度係我見過最誇張嘅差唔多周街都係韓國餐廳同埋Cu
但真係好排華，基本上喺街上面講普通話就含得了

Sri Lanka

同印度近似，但斯理蘭卡人nice好多，有好多國家公園，又有好多靚海灘，中部又有茶園，好多野玩












古巴

一落機即刻好似番左80年代咁，入境海關d counter, 機場都好舊，出到城市好多50-60年代老爺車，D樓好歐洲feel，同老爺車司機傾計佢話架車阿爺傳落嚟，佢揸老爺車做遊客生意搵嘅人工係佢醫生老婆嘅3倍






蒙古國

因為細過成日睇電視劇喺大漠騎馬而想去，去到周圍都好似window wallpaper ，日日都見到銀河流星，用左半個鐘爬上戈壁沙漠沙丘上面睇日落勁靚

最大開眼界一定係屎塔，幾塊木板漏個窿比你屙，因為係旱廁所以勁臭，某d廁所男女共用、無門、前面3米得塊半身板遮住唔比路人見到重要部位但見到頭比其他人知道有人用緊。有D會有座廁但其實下面都係個窿，無水嘅

起曬雞皮

我都想出，但係去過太多地方了，想排好次序再出
印度嘅話我比較鍾意呢兩個地方，Kolkata同班公湖
班公湖真係好靚好靚

可能係我都唔係好識分佢哋邊啲人打邊啲人
我都想講佢哋嘅韓國文化入侵真係好犀利，真心覺得佢哋似落後版韓國啲女仔全部化晒韓國妝容，有啲錢嘅蒙古妹都整晒，仲要係嗰啲典型韓國整容feel樣
周街廣告都係韓國化妝品啊韓國嘢嗰啲 仲有好多咩樂天炸雞 周街便利店都係cu / gs24唔知以為去咗韓國

不過佢哋老一輩嗰啲仲係活喺舊時代我見佢哋仲會着住古舊嗰啲蒙古服裝
但係令我最震驚嘅係佢哋英文程度真係好差好差，就算係酒店入面都冇乜識講英文嘅職員即使有 程度都唔係高 ，只能夠作簡單溝通
係得少數英文流利嘅職員溝通到，所以一條友去獨遊嘅話可能就有啲麻煩
不過啲景係真係好靚啲牛牛好鬼cute

我嗰陣都係一支公solo trip 蒙古國 但係我去得比較多其他細城市，Ölgii 近郊夜晚真係超級靚，我人生中第一次見到咁多星星

我個二十幾歲導遊同我講佢地多數後生都想去俄羅斯/韓國打工，所以唔會唔想講俄文

去非洲做研究時班友一見到我地車上有幾個鬼妹／亞洲女仔就成條村ge男人圍住我地架車問d女仔有冇興趣同佢地攪野／結婚
跟住冇人理佢地個時不停向我地d女仔飛吻同講 ‘ je t’aime’

科索沃
d人好休閒，曬下太陽飲咖啡

我嗰陣都有喺郊外睇星！靚到爆感覺好似行咗入動畫入面嘅星空咁我係冇諗過肉眼都睇到咁滿天繁星
不過佢哋落後有落後嘅好處，就係普遍嘅人都係比較純，啲細路仔攞住個好普通嘅玩具追逐吓已經玩到好開心

想中伏可以跟樓上去個d shithole國家

嗰陣試過用俄語同一班大學生想傾偈，佢哋一開始係完全唔想理我，但可能見我係遊客，之後就同我解釋咗好多，佢哋本身都唔太鍾意俄羅斯，同埋俄羅斯打仗啲人去晒周邊國家，搞到原本經濟唔係太發達嘅烏蘭巴托啲物價更加貴，但係人工又唔加，貧富懸殊越嚟越嚴重，所以普遍人開始對俄羅斯都係有少少反感

真係！我從來未見過啲人可以同自己嘅晚餐(羊)玩得咁開心，上1秒仲一齊玩緊，下1秒已經落咗個胃

巴打識俄文咁犀利