時裝集團Inditex Group近年除了Bershka及Pull & Bear兩個品牌撤出香港外，旗下品牌ZARA近年亦正縮減香港分店。除開幕近15年的ZARA太古城分店結業外，營運近13年的ZARA將軍澳分店亦於近月結業，全港ZARA只剩10間，網民對此分析出4大結業成因，直言「網上購物搶曬生意」。
國際時裝集團Inditex Group近年正減少香港分店數目，Bershka及Pull & Bear兩個品牌撤出香港，旗下的ZARA品牌亦受影響。由2012年起進駐將軍澳新都城中心，營運近13年的ZARA將軍澳分店和近15年的太古城分店亦於近月正式結業，香港ZARA只剩10間分店，新界東區只剩下沙田新城市廣場分店。
對於ZARA的結業網民列出4個成因，第一個成因是市民消費力和香港經濟低迷，雖然將軍澳ZARA有6.2萬平方呎的舖面，但香港現時「股市，樓市唔好」市民消費力下降令生意量減少，難以維持，第二是因為網購令生意下降，網民指「我以前買衫一定首選zara, 間舖夠大又冇人跟住晒格調又高級, 最重要d衫有型又有款, 但真係敵唔個（過）網上」，第三個原因是衣服款式，網民指「初初開幾好，近呢2年啲衫個款差咗啲」，第四為價錢定價太高，網民直指「價錢貴，如果有去歐洲旅遊，不會入去，即係常去日本的香港人一樣。」。
