基督教連登堂2024年10月27日主日崇拜：將身體獻上當作死祭（八）：耶穌出世之後

†

歡迎各位巴打、絲打，黎到今個星期既崇拜！

基督教連登堂2024年10月27日主日崇拜
經文：路加福音2:21-24
講題：將身體獻上當作死祭（八）：耶穌出世之後
同工：Yellow, Laila

歡迎巴絲打建議講題。



（一）祈禱

天父上帝，我哋依家來到祢面前，為晒所有嘅小朋友祈禱。佢哋真係好寶貴，好似祢花園裏面嘅小花小草咁，需要祢嘅愛同呵護。

我哋祈求祢嘅國度臨到佢哋當中，等佢哋細細個就認識祢，知道祢係愛佢哋嘅。願祢嘅愛充滿佢哋嘅心，等佢哋可以感受到祢嘅溫暖同平安。

求祢大大使用佢哋，等佢哋將來可以成為祢嘅精兵，為祢嘅國度做嘢。願祢賜福俾佢哋，等佢哋身體健康、快高長大、學業進步、充滿喜樂。

亦都求祢保守佢哋，遠離一切嘅危險同試探。願祢嘅恩典同平安，永遠與佢哋同在。奉主耶穌基督嘅名祈禱，阿門。


奉父、子、聖靈既名，我地開始今個星期既崇拜。


（二）讀經

請起立聆聽神既話語。

路加福音2:21-24
//21 滿了八天，就是要為孩子行割禮的時候，孩子被起名叫耶穌，就是他在母腹裡成胎之前天使所起的名字。

22 按照摩西的律法，潔淨的日期一滿，約瑟和馬利亞就帶孩子上耶路撒冷去，奉獻給主
23 ——正如主的律法所記：“所有最先出母胎的男孩，都要歸主為聖。”
24 他們又按照主的律法所說的獻上祭物，就是“一對斑鳩或兩隻雛鴿”。//

阿們。感謝主。
請坐。





（三）訊息

主，求你既靈帶我地去親近你，教我地明白聖經既教導，開我地既耳，我地都聽從你。阿們。



耶穌出世之後既事，路加記低左：第八日行割禮、潔淨日期滿左、歸主為聖、獻上祭物。
呢四樣都係律法書上面講到明，係摩西傳既律法（2:22），亦都係主既律法（2:23-24）。
主（κύριος kyrios , 對應 אדני Adonai），係對上主個名既避諱，即係講緊「耶和華」。

短短四節經文，最基礎既教導，係：

「耶穌係猶太人」。

佢全家謹守上主藉摩西所傳既律法。基督教既根源係猶太教，使徒保羅係講得好清楚（羅馬書11:11-24），反猶太就係反埋耶穌基督。

前後三次講到律法，當然一見到就應該返返去律法書度搵，於是搵到去出埃及記同利未記：

出埃及記13:1-2
//1 耶和華吩咐摩西說：
2 “以色列人中所有雄性頭生、最先出母胎的，都要歸我為聖；人和牲畜都歸給我。”//

利未記12:1-8
//1 耶和華吩咐摩西說：
2 “你要吩咐以色列人說：婦人如果懷孕，生了男孩，她就不潔淨七天，好像月經的日子不潔淨一樣。
3 第八天男嬰要受割禮，割除包皮。
4 婦人還要守三十三天的流血潔淨期；任何聖物她都不可接觸，聖潔的地方也不可進入，直到她的潔淨期滿。
5 她如果生了女孩，就不潔淨十四天，像在經期中一樣；婦人還要守六十六天的流血潔淨期。
6 “她的潔淨期滿了，不論是為兒子或女兒，她都要用一隻一歲的公綿羊羔作燔祭，一隻雛鴿或斑鳩作潔淨祭，帶到會幕門口，交給祭司。
7 祭司要把這些獻在耶和華面前，使她得潔淨，她因流血而有的污穢就得潔淨了。以上是關於婦女生育的指示，不論生男生女。
8 若是她能力不足夠獻一隻羊，她就要拿兩隻斑鳩或兩隻雛鴿，一隻作燔祭，一隻作潔淨祭；祭司使她得潔淨，她就潔淨了。”//

順帶一問，咁係「一對斑鳩」（路加福音2:24）定「兩隻斑鳩」（利未記12:8）？

由此可見，路加福音既資料來源，並唔係直接出自七十士希臘文譯本（都係「兩隻」），「一對」好可能係直接翻譯緊希伯來聖經既雙數型dual（即係唔係一隻，亦都唔係至少三隻，就係啱啱好兩隻，通常用係一對對既眼、手等等）。如果再深究落去，其實會發現路加根本唔係「抄馬可同Q source」 (有興趣既話： https://www.jerusalemperspective.com/29243/ )。

入返正題，用耶穌出世做引子，係要突顯出明白獻祭經文既重要性。
大部分解經都會話比我地聽，耶穌父母獻唔起羊，所以唔係有錢人。冇錯，但係除此之外，呢一個獻祭仲話緊咩野比我地知？其實本身有咩意義？


（待續）

聽道講尼希米起城牆，我即刻諗到呢個post

尼希米起城牆遇到好多阻攔，又有人嘲笑佢，我諗起自己過往唔太睇好呢個post，有時又批評樓主，但又俾唔到咩好意見，好似成為咗樓主嘅攔阻咁

其實樓主好有心，一直以嚟都盡量keep住更新，求主繼續使用你

好多謝你既鼓勵，收到晒

如果我上次回應既時侯有令到你唔舒服，我講聲唔好意思先，冇一句係對人，請唔好放係心

（1）按住主既律法

耶穌既父母按住主既律法獻祭，一隻係燔祭，一隻係潔淨祭（原文：贖罪祭）（利未記12:8）。
留意 路加福音2:24 係講「“一對斑鳩或兩隻雛鴿”」，既然用得「或」，即係作者根本唔係想我地去問實際上係獻左「一對斑鳩」定係「兩隻雛鴿」，佢知，但係偏偏唔講比我地知，因為個重點係「按住主既律法」。

約瑟同馬利亞，做左聖經對家人既要求。今日既我地，又有冇照做？

以弗所書6:1-4
//1 你們做兒女的要在主裡順從父母，因為這是理所當然的。
2-3 “要孝敬父母，使你安好順利，在地上日子長久。”這是第一條帶著應許的誡命。
4 你們做父親的，不要激怒兒女，而要照著主的教導和勸誡養育他們。//


（2）獻雀為燔祭

燔祭同潔淨祭（贖罪祭）差咁遠，同好多經文有關，我地今次集中睇返利未記，獻雀為燔祭既經文：

利未記1:14-17
//14 “人若是以鳥類給耶和華作燔祭供物，他就要獻一隻斑鳩或雛鴿為供物。
15 祭司要把鳥帶到祭壇前扭下頭來，把頭放在祭壇上焚化為煙；把鳥血全擠出來，流在祭壇壁上；
16 要除掉鳥的嗉囊和裡面的東西，丟在祭壇東邊倒壇灰的地方；
17 然後要拿著鳥的兩個翅膀，把鳥撕開，卻不可撕斷；祭司要把牠放在祭壇燃燒著的柴上焚化為煙，作為燔祭，這是耶和華喜悅的馨香禮物。”//

highlight 左既，係同獻羊為燔祭既比較，藍色係一樣，紅色係特別要強調既差異：

利未記1:10-13
//10 “人若是以羊作燔祭供物，用綿羊或山羊，他就要獻一隻完好的公羊。
11 他要在祭壇北面，在耶和華面前宰殺這隻羊。亞倫的子孫，就是那些祭司，要把羊血潑在祭壇四壁上。
12 獻祭者要把燔祭牲切成一塊塊，祭司要把這些，連同頭和硬脂肪，排列在祭壇燃燒著的柴上。
13 至於內臟和腿，獻祭者要用水洗淨；祭司要把［祭牲］全部獻上，在祭壇上焚化為煙，作為燔祭，這是耶和華喜悅的馨香禮物。//


1:14-17呢一段，係教導以色列人（強調唔係講緊專比祭司既經文）獻燔祭最尾果段，利未記第一章就係第17節完。所以，用以下既分段總結一下：

利未記1章，獻燔祭既吩咐
　1:1-2 上主呼叫摩西
　1:3-9 獻牛為燔祭（包金牛像事件，出埃及記32章）
　1:10-13 獻羊為燔祭（出埃及事件，出埃及記1-12章）
　1:14-17 獻鳥為燔祭（？）

上兩段都引人諗出埃及記，越黎越前，咁呢一段會唔會都引人諗再前既經文？唔通係創世記？

（待續）

今日又去左跟Peter Wong學野

有得親身去真好

分享下？

（３）斑鳩

雀仔有好多種（利未記11:13-19），但係上主特別揀左兩種，適合比人獻為燔祭。

斑鳩，除左有個鳩字特別受連登仔歡迎之外，佢個名其實比左一個好大既提示。
斑鳩既希伯來文係תרים torim ，呢個字既「樣」，係Torah （律法、指引、律法書、教導、摩西五經、希伯來聖經）既陽性眾數(masculine plural)。




少少解釋：淨係睇個字既樣唔睇意思，用"tor-"可以砌到以下既樣：
tor (m.sg.abs.) תור
tor (m.sg.constr.) תור
tor + -ayim = torayim (m.du.abs.) תורים
tor + -im = torim (m.pl.abs.) תורים
tor + ey = torey (m.pl.constr.) תורי
tor + -ah = torah (f.sg.abs.) תורה
tor + -at = torat (f.sg.constr.) תורת
tor + -ot = torot (f.pl.abs.) תורות
tor + -ot = torot (f.pl.constr.) תורות
（有興趣既話，文法係咁： m.=masculine 陽性，f.=feminine 陰性，sg.=singular 單數，du.= dual = 雙數，pl.=plural 眾數，abs.=absolute state 獨立型，constr.=construct state 附屬型=X of）

當然，Torah תורה 既字根唔係tor תור（斑鳩），而係 yarah ירה （投射去目標），但係個樣足夠似，算係好明顯既食字，連我呢個唔識用希伯來文諗野既人都見到個關聯。（例如拉比都會用呢個關聯黎解 雅歌1:11）

一句講晒，聽到「斑鳩」係令人諗起「律法指引／摩西五經」。

設計對白：
Shalom，去邊呀？
Shalom，去緊會幕門口獻燔祭。
獻邊樣？
呢隻精心挑選既斑鳩。
願上主喜悅你隻律法雀～

對於今日既我地，研讀聖經，就係送緊禮物比神，係上主喜悅既馨香禮物。

有無一啲唔會以貌取人嘅香港教會介紹?

夏達華唔見有週五查經，建議去耶書亞研經中心既安息日研經坊：

https://bmy.org.hk/%e5%ae%89%e6%81%af%e6%97%a5%e7%a0%94%e7%b6%93%e5%9d%8a/

照計去得既都係想學聖經，知道以貌取人係聖經明文禁止。

佢個題目係「釋經的學問」
繼續了解到自己係釋經上連「初學者」都未係

似乎要的起心肝學希伯來文同希臘文生字
仲要睇多d經外文獻去豐富對聖經作者既認識

要當每位聖經作者都係我的筆友去結交

以前喺工聯會學古希臘文

岩架啦 連登咁多gay佬 教化下啦唔該

好中意佢呢種提高大家水平既教導，每當我地以為已經知得算係多，佢都有方法比大家知道仲未夠班

我一樣係自愧不如，有好多文化野都係只係聽人提過，仲要希臘文冇左interlinear 就即刻變文盲

冇去過工聯會，其實係點架？

我地會照樣教聖經，但係能力唔係我地度，而係係神度，想神幫佢地就可以大家一齊求

馬太福音6:9-13a
//9 所以你們要這樣禱告：‘我們在天上的父，願你的名被尊為聖，
10 願你的王國降臨，願你的旨意成就，在地上如同在天上。
11 我們需要的食物，求你今天賜給我們；
12 寬恕我們的虧欠，如同我們也寬恕了虧欠我們的人；
13 不要讓我們陷入試探，而要救我們脫離那惡者。//

（４）鴿子

另一種上主定左適合獻燔祭既雀仔，係「鴿」。
冇錯，我係特登冇講個「雛」字。（冇用開呢個中文字既話，粵音「初」，即係細隻雞仔，引申到年幼既禽鳥、人）

鴿係聖經入面既意思，夾埋都有好多種。先講晒出黎，然後再按住成段既其他提示揀。



同獻祭有關：
１、獻燔祭（利未記1:14，即係睇緊呢段）
２、獻贖罪祭（利未記5:7,11）
３、獻產後潔淨祭（利未記12:6,8，即係 路加福音2:24 引用既）
４、獻身歸聖者（拿細耳人）玷污獻贖罪祭（民數記6:9-12）
５、神同亞伯蘭立約（創世記15:9）

同飛有關：
６、挪亞出方舟（創世記8:8-12）
７、有翼可以飛走（詩篇55:6）
８、飛返雀巢回歸（以賽亞書60:8）
９、聖靈降係受洗既耶穌（馬太福音3:16）

比喻：
１０、價值極低（列王紀下6:25）
１１、隻眼好靚（雅歌1:15, 5:12）
１２、好難見到（雅歌2:14）
１３、女伴䁥稱（雅歌5:2, 6:9）
１４、叫聲係哀鳴（以賽亞書38:14, 59:11, 以西結書7:16，那鴻書2:7）
１５、心思愚昧（何西阿書7:11）
１６、曲調名「遠方無聲鴿」（詩篇56:1）
１７、得勝既榮華（詩篇68:3）
１８、馴良（馬太福音10:16）

利未記1:14 既用字，係 מִן־בְּנֵי הַיּוֹנָה min-beney ha-yonah，「從鴿既眾子當中」可以解做鴿既下一代，即係細隻既「雛鴿」，又或者鴿果類，即係就咁「鴿」。
之但係，啱啱先寫完「從眾斑鳩當中」（ מִן־הַתֹּרִים min-ha-torim），又唔見經文寫做「從斑鳩既眾子當中」。所以呢個 בני beney （眾子）係有意義既，亦都好可能因為咁樣，同埋要好新約聖經（路加福音2:24）夾好，譯文揀左「雛鴿」。

咁係冇問題既，但係始㚵聖經作者咁樣寫，或者話神咁樣定，係有佢既意思，所以我會偏向諗挪亞出方舟提到既鴿子，因為當時就係人同眾生都生仔，重新使遍滿大地既祝福成就。
最支持用呢段經文一齊睇既，係跟住果句：

創世記8:20-22
//20 挪亞為耶和華築了一座祭壇，取來各種潔淨的牲畜和潔淨的飛鳥，獻在祭壇上作為燔祭。
21 耶和華聞到這可喜悅的馨香（ריח הניחח re.ach ha-nichoach），耶和華心裡就說：“人從小在心裡盤算的就已經邪惡，我不會再因這個緣故詛咒土地，也不會再擊殺所有生物，像我做過的那樣。
22 只要大地尚存，種和收、冷和熱、夏和冬、晝和夜就不會停息。”//

比較返利未記係一樣既字（差個ה ha-，即係the）

利未記1:17
//17 然後要拿著鳥的兩個翅膀，把鳥撕開，卻不可撕斷；祭司要把牠放在祭壇燃燒著的柴上焚化為煙，作為燔祭，這是耶和華喜悅的馨香（ריח ניחח re.ach nichoach）禮物。”//

所以，返返去個「從鴿既眾子當中」，提到眾子，能夠同挪亞既事拉上些少關係，因為以色列人，甚至我地，都係由挪亞所出，係洪水事件既後世。

咁到真係獻，用鴿子定用雛鴿好？
咁咪睇返當時既猶太傳統。七十士譯本，係「鴿子」。路加福音2:24 ，係「雛鴿」。中文譯本幫我地係利未記揀左同路加福音一樣既「雛鴿」。

當代人可以聯想到既，即刻聽到既「哀鳴」，同「心思愚昧」，都可以同洪水事件有關。

而今日既我地就要知道，猶太傳統從來都係好多元化，聖經從來都唔係只有一個方法理解。


（待續）

有位巴打需要人做問卷，我同佢傾完，佢表達左都覺得J圖唔好，並且unpin 左D J圖。
所以如果大家都認為呢個「誠意」傳統係值得反對既話，請大家幫幫佢。
開個好既先例，至少以後既人能夠繼續勇於出聲，行向正直既路，而唔係跟住世界既習慣。

FYP問卷求救 急要人!!
https://lih.kg/bNuaszV
#17 回覆 - 分享自 LIHKG 討論區

少少背景，如果唔熟：冇理解錯既話，搵人幫做問卷就貼J圖（女性意淫相片或類似），應該早係高登年代就有，唔貼既人會被標籤為「冇誠意」，而唔幫佢做。

耶蘇比我屌緊屎忽，有冇耶撚黎救下佢？

以賽亞書53:7
//7 他被壓迫，自己甘願受苦待，卻不開口，他像羊被牽去宰殺，又像羔羊在剪毛的人面前默默無聲，他就是這樣不開口。//

（５）祭壇同祭司

獻雀為燔祭既經文入面，「祭壇」既出現之數有5次（1:15 x3, 16,17），獻羊（1:11 x2, 12, 13）同獻牛（1:5,7,8,9）都只係4次。

利未記1:15
//15 祭司要把鳥帶到祭壇前扭下頭來，把頭放在祭壇上焚化為煙；把鳥血全擠出來，流在祭壇壁上；//

基本上冇停過，係咁講祭壇。

獻牛、羊都係明顯獻祭者要參與：宰殺、切塊、洗內臟同腿。呢個係因為祭司係複數plural，單數singular就理解做獻祭者。

但係獻雀既經文，祭司（1:15）係用單數，所以1:16-17a 其實決定唔到係邊一個做呢D動作，於是譯文揀左模稜兩可既「要」黎翻譯「佢要」，保留兩個可能性。

所以，祭司既重要性係高過另外兩種燔祭，而祭壇又更加突出。
我地可以理解，呢一種獻祭入面，神既角色比較明顯。


（６）扭頭

「頭」，係帶頭、最高。
「扭」 מלק malaq，好似「作王」מלך malakh。

q, k兩個字母似，可以由「頭盔」個字見到，大部分都串做 כובע kova' ，但係有兩節串做 קובע qova' （撒母耳記上17:38，以西結書23:24）。

咁「扭頭」令人聯想到既，係「做首領既王」，而呢個動作講到明係代表上主既祭司做，唔係獻祭者做。相反，獻祭者係由祭物代表。

所以去到呢個位，獻祭者就能夠記起讓神做王。

我地點樣討神喜悅呢？主禱文，我地係識既：

馬太福音6:10
//10 願你的王國降臨，願你的旨意成就，在地上如同在天上。//

比主係自己身上執掌王權，就係獻比主既可喜悅既祭物。
當年既以色列人就每次雀可以記得呢樣，我地又點樣記得自己唔係王？

（待續）

去完講黎聽下係點？

推