八月嘅時候喺韓國剝咗第二隻智慧齒，點知之後發現隔籬嗰隻好痛，到而家（10月）都仲係唔舒服。
當時睇X光發現智慧齒隔籬嗰隻可能長期受壓，所以剝咗之後外露就有啲位蛀咗，可能有需要杜牙根。醫生仲講話第一隻（嗰陣2020年，搵鄧仔）隔籬嗰隻牙都係有類似嘅問題，叫我返香港搵牙醫。
返咗嚟因為荷包問題，去咗菲臘牙科，佢話我個case太複雜叫我去港大，打咗電話去問要起碼排半年至九個月，仲要分兩個科分開睇。第一次檢查收700 ，第二次收3000 ，佢話之後再去做牙周病嘅治療就要等醫生報價☹️
同屋企人商量覺得同私家可能分別唔係好大，所以想問問大家如果杜牙根邊位牙醫好？而家隻牙都仲幾唔舒服😭😭😭