唐樓想轉單相即熱式/速熱式電熱水爐, 求推介

本身住唐樓冇煤氣, 用緊石油氣爐
不過依家石油氣越來越貴, 又會成日沖沖吓冇氣, 所以想試吓轉電爐
做過啲功課, 即熱式/速熱式通常都係話水壓唔夠, 不過我本身唐樓啲水壓都已經好細, 所以水壓嘅問題應該對我冇乜影響
想問吓咁多巴打有冇用單相即熱式/速熱式電熱水爐嘅心得可以分享吓

呢隻係處死式

唐樓有啲難搞
細個住唐樓一開始都係石油氣
後尾轉左啲普通電熱水爐 都係處死式沖涼

我見科技好似先進咗好多, 想睇吓有冇巴打用過啲新電熱水爐

單相即熱預可以升8-12度，即係天氣得幾度時，只可以沖十幾廿度水。

速熱可以話係處死式進階版，速熱分開咗兩個或以上水缸，咁就唔會減慢越沖越凍的過程。因為分缸後每缸容量細咗，用同一watt數煲就會回血快咗。
處死25L, 其實用咗15-20L，缸內已經加咗好多新凍水唔再熱，而且用10L左右後缸內水溫已經下降，所以會較出多啲熱水，可用嘅時間會再短咗。
速熱 12.5+12.5 = 第一個用8-10L係，會轉去第二個缸，第一個缸同時會加熱。到第二個缸用完，第一個缸內水溫可以勉強可用（例如溫度<10度）。但因為水溫都唔係高，其實好快會回返去第二個缸。最後之係拉長少少可用時間。

速熱有地方的話，可以訂造多缸，come 用過德x寶。

德國寶係咪好唔掂
有咩brand嘅電熱水爐可靠啲

搵返幫長老買個牌子係真富，用咗4年。
但唔記得幾L 。
之前用樂信，3年未夠就漏水。

其實簡單D買個40L 應該都夠沖半粒鍾以上?

做過啲功課, 即熱式/速熱式通常都係話水壓唔夠, 不過我本身唐樓啲水壓都已經好細, 所以水壓嘅問題應該對我冇乜影響

笑了

用緊舊款德國寶儲水式
覺得可以喎
幾耐用

我住頂樓，大廈水箱就喺我屋企上面嗰層，開水真係完全冇力

40L會唔會好大舊
我屋企廁所好撚細

處死式煲水會唔會要好耐

速熱德國寶，好多一年漏水死膽。
樂信就少啲人講，同埋都多數兩三年死。
我都係長老壞咗樂信後，搵到評語話真富唔錯先試下。

但速熱快死過傳統儲死式就一定。

咁點解冇影響
水壓低個爐會唔work

我上網見即熱式喺冬天係要特登開細個水壓，等啲水流慢啲先夠熱

住過頂樓-1層
沖涼要加泵先夠水壓
個爐先會著

阻位都好過沖涼冇熱水

我舊屋用過25L低過10度果幾日得10分鐘沖你買40L應該最凍果幾日都夠沖20分鐘

唐樓點會廁所細，正常200L 都擺到