有人問點解街上既靚女比靚仔多，因為大部份人都忽略咗一點

有人問點解街上既靚女比靚仔多，因為大部份人都忽略咗一點，就係評分既方法唔同，令到個結果大大不同。

假如一般人眼中既靚既定義100分滿分不論男女都係70分以上，但係男人既評分方法係由30分開始做"加法"，而女人係由100分開始只做"減法"，結果就係男人要到達靚依個標準要做好多努力，而女人則只要唔犯賤，係年紀變老前都唔會太差。

舉個例子︰一個20幾歳既男仔，底分30，身高、體重、髮型、眼耳口鼻眉毛、體味、衣著打扮、肌肉、皮膚，全部夾埋計，每一項只在比平均水平優秀先得3-5分，因為人人對美既評分不一，所以就算每項最高分加埋會超100，但係實際上無人會係有100分。

相反一個20幾歳既女仔，底分係由100開始扣，對照返上述男士既評分準則，女仔每有一項比平均水平低先會開始扣3-5分，果個結果就係如果一個女仔身上每一個項目都係平均水平，佢竟然可以不被扣分而達到驚人既100分！當然如前面所謂，人總有那麼一兩個缺點，但整體來說女仔仍然是靚女。

但係我依個理論有一個重點，就係年紀不同，個底分都會唔同，而且女仔扣分既幅度會更大，但男仔就唔太會因為年紀不同而對加分項有太大既影響，因為本來無既年紀大左都唔會有，而年紀除咗對髮型影響較大，其他部份本來就需要用努力去維持，係50-60之前變化都不會太大。

簡單講女仔果邊，如果一個20出頭既女仔佢既底分係100，咁一個30-40既女人佢既底分可能只剩90甚至80。當佢某一兩項標準特別差，只要一被扣分就會很容易跌低於70甚至60、50，變得庸俗，本來垂手可得既美麗會忽然間一朝失去。

所以結論就係，男人雖然好難先會出類拔粹咁變得靚同有型，但係外表係歳月面前就會一直保持一個比較平穩既曲線，而女人則注定先甜後苦，所謂由儉入奢易由者入儉難，女人係年紀之前要承受既心壓力會比男人大。