有冇人知法西斯點解咁反共

睇wiki
明明大家好多都相似地方
唔明

太似
所以爭生意

正解

同行‧如敵國

最主要分歧係共產主義唔分種族唔分國家，成個世界用資產階級去分優劣，而法西斯係奉行種族主義

民族優越 vs 無民族無邊界 除咗手段之外無咩野似，當然你可以argue蘇聯都好大俄羅斯主義 不過呢個係後話

驚俾人影衰哂

一個人走過海旁，看見另一個人想跳海自殺。
他走上前去勸說「先生，不要跳下去！」
那人問道：「為甚麼？」
他說：「生命是美好的嘛！你是無神論者還是有宗教信仰？」
那人答：「我有宗教信仰。」
「佛教、道教、回教還是基督教？」
「基督教」
「羅馬天主教還是新教？」
「新教」
「我也是新教呢！聖公會還是浸信會？」
「浸信會」
「太好啦！我也是浸信會，你是Baptist Church of God還是Baptist Church of the Lor
d? 」
「Baptist Church of God. 」
「真是太奇妙啦！我也是，那你是原教旨的Baptist Church of God還是改革派的？」
「改革派的」
「1879年的改革派還是1915年的？」
「1915年的改革派。」
那人朝他屁股一腳把他伸進海裡：「異端！去死吧！」

社民黨都反共啦

法西斯就喺社會最上層嘅人打壓下層嘅人
共產就喺社會下層嘅人反抗上層嘅人
理念喺相反，但為咗達到目的，手段就好相似

好似係best answer

法西斯嘅法團主義經營模式同共產主義嘅階級鬥爭互不兼容係兩派對立嘅基本原因

納粹 意譯係國家社會主義

馬克思社會主義 主張工人無祖國，世界既衝突係階級衝突
因為不同國家既工人，共同敵人係資本家
因此會有第X國際，向外國滲透，支持不同國家工人革命(推翻政府，成立蘇維埃)

國家社會主義大致認同要由國家/政府控制資本家
但國家民族共同利益高於階級利益
世界既衝突本質仍係國與國衝突

因此，大家都係計劃經濟、政府集權
唔同既係，國社主義將國家放於階級之前
因此國社主義會反自由主義，亦會反(向自己滲透既)國際共產主義

有趣既係，當某些社會主義執政黨主張國家民族利益時
其實在學術上，係向國社主義靠攏

有個問題
咁trump算唔算法西斯?
佢主張白人至上

佢主張美國人至上啫

佢幾時主張白人至上？

係美國優先(America First)同MAGA

法西斯其中一個理論基礎係由二十世紀初流行於意大利嘅未來主義藝術運動
未來主義推崇戰爭、暴力、軍國主義、愛國主義，反對迂腐守舊嘅自由主義，認為戰爭同科技進步帶嚟嘅dynamism就係最純粹嘅藝術，法西斯主義就係依種觀念上再加上極權主義，將社會嘅一切統合於國家之下，一切為國家服務
對法西斯主義嚟講，建立一個無止境咁透過戰爭復興國家嘅極權國家就係目的
而對共產主義嚟講，戰爭同極權只係為左達到最後無階級社會主義嘅手段，兩者雖然同樣好戰同集權，但個出發點完全唔同，明顯處於光譜對立面

之所以點解兩者會有咁多相同嘅位，唔多唔少都係因為有份奠定法西斯主義嘅Sorel、Mussolini本身就係對當時社會主義嘅走向失望而再衍生出嚟嘅意識形態，自然帶左唔少社會主義嘅思想落去再進行修正

因為極左同極右嘅手段係一樣。極右推崇極端民族主義（例如樓主講嘅納粹），而極左追求絕對社會公平。兩者嘅共同點在於要求所有人聽從某一個人/組織。所以，納粹同蘇聯雖然互相睇唔過眼，但大家都必須係totalitarian，咁先run到落去

一個講階級，一個講共產，邊忽似

其實兩邊好類似
所以有唔少信法西斯既人以前都係信共產主義