點解香港誕生唔到一隻3A大作遊戲出嚟？

俾你有成億投資隻game你都唔會揀香港啦

講真香港始終係細城市，無可能所有產業都發展得咁好啦，整game唔係有錢就得，要有技術經驗積累，LF2響果個年代出現已經好撚勁，3A大作要成team人用幾年燒錢燒出來，香港邊有人肯投資落去

黑悟空好似一步登天咁，但大陸仔都係失敗左無數次，整左無數垃圾換皮驚，長年累月先爆到一隻大作出來

sleeping dog

無產業無人才
啲人想學想整都要去海外
就算有錢都搞唔撚掂啦

原神背水一戰整左幾十億架wo

你投資一兩億俾人燒幾年？

3A大作要投入大量時間成本
唔符合香港人搵快錢呃傻仔價值觀

感覺以前真係五光十色啲
有火狗工房啲靚女驚
唔同嘅金庸武俠驚
配音打牌驚
古惑仔Online、天龍八部Online
仲有堆flash驚web驚

仲等緊火狗出時流之輪

LF2 出remasters賺返少少都俾連登仔屌啦
講乜3A

2億唔得 黑悟空開發成本3億人仔
仲要已經平過歐美D 3A大作好多
歐美3A大作真係成億美金起跳

資深銀行家兼東亞銀行高級顧問陳子政拋出的「蒸魚論」，認為「全世界無一個地方蒸魚夠香港蒸得好」，勸香港「唔好搞咁多嘢」。

搞掂金融，就算淨係出得到啲垃圾遊戲都冇問題

大陸做遊戲人工都有兩三萬

有咁嘅事
其實台灣果隻低成本夢幻西餐廳都好好玩

香港人邊有心機做藝術
你睇下啲插畫師
全部都係啲戇鳩火柴人線條簡單嘢

炒樓好過啦

咁香港應該做啲咩呀高手

香港誕生既原因同唯一既目的就係奶鞋底
奶完中國奶美國
兩邊都奶完自然就會有錢
鬼叫中國美國唔啱瓦
你叫中國民主囉，咁香港直頭唔洗存在添
而家香港咁樣就係淨係奶一邊冇奶到另一邊既結果
除此之外冇架喇
香港人既人生終極目標就係離開香港
冇離開果啲只係做唔到
一個所有人都只係希望賺夠錢離開既地方邊度有咩可以做

蝕錢既仲多

5千萬美金都唔夠做3a啦，黑神話:悟空開發都3億人仔啦，計埋宣傳起碼翻一下倍，更何況黑神話售價都唔係傳統3A。

無果個產業就無架啦

咁講，好多地方都無電影產業，香港就有
都係當年天時地利人和

施仁毅成立的GAMEONE可算香港最大最知名的遊戲公司
當中佢都創作過不少當時流行的PC GAME
佢係一篇訪問(約2009年) 提到

提到想入行的年輕人，這位老闆開始愈說愈火：「一個成功的game designer一定打過工。許多畢業生不願打工，一心想創業，但大部分都沒有成功。其實政府鼓勵他們創業等於叫他們去死。你想想：一隻遊戲的生產成本由 200萬到1000萬不等，一個學生哪裏負擔得來﹖還有經驗問題呢 —— 你可以叫一個沒拍過電影的人去開戲嗎？那一定失敗的。最後反而打擊他投入這一行的熱誠。」若嫌這盤冷水未夠冰涼，且聽這位第一屆「香港數碼娛樂業風雲人物」對創意的高見：「我遇過這樣的IVE畢業生，老師在學校裏給他灌輸『創意無敵』的觀念，結果，學生來到我這裏擺出一副『我來打救你』的姿態，彷彿按他的意思做便一定大賣。大家都以為市場沒有的東西便是創意；我一直深信市場沒有某種東西，只因為根本不需要它。」

果時已經2百萬起, 我唔係想計總投資, 而係一開始的資金, 你要由零開始攪, 無可能有人有投資者一下子就信你/你班人做套3A作品出嚟, 正如新導演, 初初總係拍D社會題材片、愛情片呢D少特技少動作的低成本戲先, 成功左出左名先會有人信, 就算你個PROJECT打算最快用三年起貨, 都無理由問投資者一嚟就拎到三年錢, 都只會係逐期咁俾 ((可能三個月一期、半年一期咁))
一二千萬對一間GAME公司夠起步, 起碼係起到, 但如果一嚟就諗住拎一兩億, 計數都已經係難左十倍, 一二千萬已經唔容易搵到人投資, 更莫講話一兩億

漏左補LINK
https://www.hkgia.org.hk/news.php?id=136

做咩都好,唔好做香港市場,香港人養唔起你,目光放遠d,做外國市場.到你係外面成功左香港人自然會接受你.