廉署拘捕32名電工 涉偽造5年電工經驗註冊「A牌」

考試其實唔難，最難係五年電力工作經驗證明

tech grade 黎講，
間公司簽左俾你，俾你拎到電牌就要加你人工，
你估有幾多肯？

MPF 唔係個個 check ，多數係覺得個紀錄有問題先追 MPF。


EMSD 對得最嚴係
1. REC 公司持牌人簽名
2. REC 個公司牌對唔對到工作經驗 (e.g. 得一年 B 牌，但簽左兩年工作經驗)
3. supervisor 個人牌對唔對到工作經驗 ( 得 A牌但簽左 B)

根本呢啲野出現的主因都係政府政策迫出來

要牌係驚你電死自己電死人
出個臨時牌無可能得

你無牌都做得不過要跟住有牌師博做咁解
其實大部份工作有A已經夠做
除非你想獨立開公司自己接job

問題就係仆街老細
點解要求佢簽咁款
我自己提供工作證明又唔接受？
一定要佢簽名？

呢一行簽牌有兩個玩法

一個係 REC (註冊電業承辦商),
要REC 公司牌 + 寫明 under 邊個持牌電工 supervision

另一個係用電力裝置持有人 (即係業主 / 管理公司)
只需要公司信寫明 under 邊個持牌電工 supervision

如果搞臨時牌其實有個好處，
就係頭兩三年已經焗到公司出第一封信俾你
有第一封信開頭，第二三封就容易好多。


五年信最仆街地方，係未夠五年好多老細大條道理話唔簽住。
然後隨時到第五年先話簽唔到。

不如一年簽一封
好過俾人炮過呃5年

做裝修全部出現金，無老強金有幾出奇？

電工牌個制度行到宜家根本就唔受新入行玩，
2021發牌制度修左例之後機電署嚴格左好多，
機電署見你封工作證明寫得唔好就會叫埋簽你個師傅甚至係公司代表上去問話落口供

大把地盤佬無人肯簽工作證明，
就算跟工程/物管公司捱足5年好多老闆驚你轉工/加人工(現時A牌人工最少28000)，
宜家仲怕俾機電署煩，
大把人捱生捱死都無上司肯簽工作證明，
所以先至咁多人行非法路線拎個牌


我近幾年就算個同事做夠5年都唔會幫佢簽牌，除非真係好做得野/好老友先至會幫手

其實B牌同C牌先係最on9，大把做大樓job既大sub不過做消防同水喉既都拎到

公司肯其實一定最簡單，
問題係公司見你未夠五年走黎問拎信，
已經會覺得你準備走。

最驚簽咗考完就走
依家好多都拖完你5年都唔簽

機電署個設計就係想你做十幾年廉價勞工

地鐵唔出牌，地鐵同政府入面做野係豁免左電牌，佢都唔會出經驗信俾你

睇學師昌youtube講
一線搜查爆左出嚟
個牙sir又冇厘警覺
個記者係咁套佢料佢又爆哂出嚟

地鐵早幾年玩爛左，俾 EMSD 嘈。
而家冇以前咁抗拒簽牌。

以前個師兄做咗十幾年都懶得搞
啲裝修場都冇人理，或者老細/同事有牌就得

宜家簽電力工作證明除左要有師傅簽名仲要電力承辨商持牌人簽名，
當你同個師傅好老友日日請佢食飯飲酒，
佢肯同你每年簽一封姐，
你公司個老闆點會show你

讀完電機HD一樣要五年經驗

呢個都起碼上到岸

嗰個年代真係聽者有份，簽名嗰日有返工嘅人人有份
不過講真簽咗個牌俾你你都唔敢出去做啦

地鐵唔係度度都可以唔洗電牌做

有d位置都要電牌 所以一定要簽牌比你

早幾年咪一堆堆係咁推人上a b牌堂

顧主
正式
咁撚多錯別字做咩鳩

無可能出臨時牌
發牌制度就係要人負責
臨時既出事點食？
電死人又點負責？
對唔住呀我臨時嫁渣咁呀？
簽個臨時名當證明？
獨立做到？安全？你講呀？

btw我認同你後面講
後面強制僱主簽名確認入職同離職
個記錄要上返機電署
同埋記錄僱員可以自己查返

一年簽一張都唔簽既
佢5年一樣可以唔同你簽