雖則「打敗99.9%」看似非常利害，但實際上只會配上一啲雞毛蒜毛嘅事
，重點係用作增添趣味性，吸引流量。
例如，「今日素顏翻學，打敗99.9%嘅中學生」，「用原相機自拍，打敗99.9%嘅中學生」等等。
有冇人明？
喺社交平台上分享事件，無非就係想同其他人討論，睇下其他脆友嘅意見，或者睇睇別人同唔同意自己。
而且喺文首劈頭加上「有冇人明？」，一黎夠Eye-catching
，二黎大大表達自己想得到別人認同嘅強烈渴求
。我知道扑野好爽
未熟悉呢個平台嘅人見到呢一句，正常會認為下一句會同扑野有關，例如「但係每次都好攰」，「出面卜房好貴」等等。但如果你有呢個想法就證明你已經落伍了。
「我知道扑野好爽」9成都係配上同扑野冇關嘅事。例如「我知道扑野好爽，但係同班老best去迪士尼仲正」，「我知道扑野好爽，7仔呢款雪糕好好食」。
此範句主要用黎搶口，吸引流量。但留意到使用呢句嘅人不少尚為中學生，此風實在不可長
。每日一張自拍直到交到男朋友，Day 3
此範句早已在Threads平台中廣為脆友使用。
頻密地發布自拍照恐被網民指責過於自戀
，但配上此範句則為「每日一自拍」提供充分理由
，同時大大提升趣味性，更可時刻提示粉絲自己仍然單身。而觀察到絕大部分脆友都只係po到幾day或十幾day左右。可見此範句成功幫到唔少脆友快速出pool
。有這樣的女友你會幾點回家？
此範句用於發布自拍照，同時間夠eye-catching，以問句提高趣味性，更省下設計caption嘅時間
。而使用到此範句嘅脆友中不乏一啲身型姣好嘅女脆友，使用嘅門檻相對較高。而通常留言區都充斥住大量嘅
。我係Kam L
被標籤為Kam L絕對係朋輩或社群中嘅大忌
，但Threads中卻突然興起一股自我標籤為Kam L嘅熱潮
。同標籤自己為「社恐」類似。雖然實際上非常活躍於社交平台或群體中，但預先宣告自己為社恐/ Kam L，一旦不慎做出一啲柒事，仍能保障自己於免受脆友嚴厲指責
。沉咗
沉，指沉船，沉醉或沉溺於某一樣野上面。例如沉醉於籃球，沉溺於某位男明星等等。
但喺Threads平台中，用上「沉咗」嘅地方更為廣泛
。例如，「今日lunch有個師兄請我食咗餐M記，沉咗」，「第一次食到啲咁好食嘅西餐，沉咗」，等等。歡迎各位脆友指正或補充
