貌似孔慶翔男子墮相親騙局！公開擇偶條件要靚女 自覺Baby face：點會冇市場

TVB全新綜藝節目《呃錢》於昨晚（21日）播出，首集講述一名外協的黃先生本想透過婚姻介紹公司結識三十多歲的美女，最終花費2萬1千港元購入相親套餐，惟配對服務及相親對象貨不對辦，懷疑自己墮入騙局。

一名貌似孔慶翔（William Hung）的黃先生，是《呃錢》節目的事主，他解釋家中雙親年事已高，恨「抱孫」，而自己因工作關係未有機會覓得心儀對象。故在小紅書上發帖表示想結識異性，隨即有多間婚姻介紹所向他招手。黃先生強調自己擇偶條件不高，要求對方願意結婚生仔，也不一定是年輕女子，30頭的女士也接受，不過他對對象的外貌有要求，最重要是靚女，「10分要有7分」。

黃先生被職員送高帽增自信
黃先生曾到深圳福田一間婚姻介紹所進行會談，自我介紹過後被職員大讚他「非常孝順」、「外形討好」，令他對自己更有自信，且信任該婚姻介紹所。職員其後稱他們有十多年配對經驗，公司有不少單身女性都符合他的要求，很容易就能成功配對。當中多位會員均是「高學歷」、「高收入」和「高品味」的單身女性，並拿出平版電腦讓黃先生閱覽女會員的照片，更推薦來自內地的會員，稱因黃先生「作為香港人，持有香港身份證已經係一大優勢，而且內地女生思想較傳統，想及早結婚嘅大有人在」。隨後力Sell一個2萬9千元的會藉套餐，套餐包括在4個月內向黃先生介紹5位會員，以及提供感情培訓課程。

疲勞式轟炸下付款
當黃先生因費用高昂表示需要數天考慮後，職員指黃先生「有啲肥又唔識傾偈」等，令黃先生感到被貶低，但黃先生自認「絕對有市場」，他說：「之後我就展露我嘅健談能力，我點解咁自信啦，其實我係有『Baby Face』（娃娃臉）喎，點會冇市場呢？」黃先生指職員眼見計劃不成功換來另一位同事，反過來不斷誇獎他，並向他提供優惠價購買套餐，最終黃先生抵受不了疲勞轟炸下花2萬元購買套餐。職員為黃先生準備合同時，黃先生透露，本來雙方協定了先付1千元訂金買4個月套餐，但職員卻訛稱「不小心」幫他設定了5個月的套餐，又以「怕被問責」及故意關掉冷氣，令已肚餓的黃先生在半推半下付了全費2.1萬元。

對象把他拉入黑名單
3日後黃先生就收到婚姻介紹所的消息，職員為黃先生安排一場僅得30分鐘對談時間的相親，即使遇上合適對象，也無奈要被逼終止，只能交換微訊聯絡。翌日黃先生用微訊跟對方聯絡，第一日就已經「Hea覆」，大部分回答都只是「哈哈」、「謝謝」和表情符號，而第二日變本加厲，開始對他的訊息已讀不回，甚至拉他入黑名單。

察覺自己墜入騙局
黃先生指，其後向婚介公司反映情況，懷疑所謂的「相親對象」是該公司「做媒」並要求退錢，但婚介公司又再派一位導師遊說他，更馬上為他安排第二場相親。不過，第二場相親同樣遭「相親對象」拉入黑名單。此時黃先生便開始對該婚介公司抱有懷疑，結果上網求證後發現該公司提供對象的資料都是虛構，最終黃先生察覺自己墜入騙局，無奈無法討回所花費的數萬元，只能當自己「買了個教訓」。

不少網民認為事主黃先生過份自信，「其實佢講到自己嘅自信條件，喺香港啲女，容乜易畀佢溝哂」、「主持點解可以忍住唔笑」、「做人要有自知之明自己得3分要求7分以上靚女」、「呢位先生好好笑，做人最緊要有自信」。

https://youtu.be/BoCHC-hrmRg?si=EjSCEy1Fga2HF7T7

應該係連登感情台聲稱自己正常樣個啲戇鳩佬

問吓大家
如果你係女人/你有個囡
依家得返呢個男人肯娶你
你會唔會嫁/你會唔會比你個囡嫁呢個男人？

我應該唔會
所以我都好明白點解依家新一代寧願單身都唔結婚

女人嫁得衰慘過單身

男女一樣

呢啲智商真係唔好生兒育女，只會害咗下一代

呢個唔係女人黎架咩

孔慶翔個樣和藹好多 呢條木嘴咁串 好欠打咁

等睇事主現身

樣都好嚴峻

哥布林轉世到人間

唐氏綜合症個隻baby face?

佢講"想溝嘅女人"就諗起ive嗰個
雖然市面上有大把差過佢哋嘅都有拖拍

真嗰個好高學歷好叻

2011年11月6日，有媒體稱孔慶翔已不再活躍於娛樂圈，曾於洛杉磯警局擔任刑事案件分析員，並發放一張他在訓練課堂上負責講解的相片

2014年，孔慶翔再轉行任洛杉磯縣衛生局行政助理，並因工作認識華裔執業女護士Jian Teng後兩人於加州結婚。

曾結過兩次婚，第一段婚姻只認識了六個月就結婚，十個月後就離婚，在2014年6月18號在加州第二次結婚，迎聚同齡的華裔女子Jian Teng為妻，婚姻維持兩年半後就結束。

真 Steven就係人版

呢個真
有d仲要有手尾跟

個演員仲好樣過真人
為咗老豆老母要生個孫 呢種思維 好心就收啦
一陣生個仔好似個老豆咁嘅樣真係怨一世

有嘗試幫佢搵一個優點
真係冇

樣貌，身高，肌肉，談吐，錢，全部都冇
仲要有家累兩隻老野係屋企

好撚懷疑係唔係演員嚟，唔相信有咁嘅人

到底黃生自信何來？係咪屋企冇鏡比佢照下自己副尊容係點，所以先至咁自信爆棚？

好有自信心囉

似請人返黎拉高收視

我都覺
引人討論

佢唔算樣衰既, 係個人太KAM

william hung話晒UC berkeley, 講野humble, 除左樣之外, 根本成個package好過呢個baby face