去旅行你哋用乜影相？

輕身d既無反
e.g. zfc

就2025啦，當然係手機

去旅行 iPhone + GR3x
係差在無長焦
上次去影富士山條街
唔夠壓縮感、影唔出個感覺
最好其實係有150mm+
iPhone個長焦係比較雞

Z8/A7R5

MD, GR3, casio TR80

iphone4

我係用單反 但可能我有攝記底 舉機前已經知張相影出黎會點 練成一舉機已經完成埋構圖動作 舉緊機嘅半秒鐘已經大概扭埋焦距 我用盡大光圈嘅18-50大概呢個range 或者依家好多天涯鏡晌18-200 range 盡量唔好諗住換鏡 自己行前行後 手機曾經用過後悔 因為咁難得俾十萬銀去個旅行 冇保留到最多細節好浪費 所以我去旅行係拍片 就算定住唔郁咁影相 我都係拍五秒嘅片黎 4K 6K 當然可以就8K 保留埋當地人 雀仔 交通 風 嘅活動 夾夾埋埋就係對旅行嘅最大保留 能激起腦入面嘅回記會更多 人眼嘅range都係55mm咗右 當然有時貪心相一張相包含晒最多嘢 但越多嘢越廣角 物件越細 失去咗用眼睇風景嘅真實感 畫面會太雜亂 更顯得失去美感 所以我用18-50range 拍片 包唔晒寧願拍片pan鏡 五秒內要完成 要練習嘅 練好啲先去旅行 呢個係執著黎 未必人人會咁 睇你點諗

練成一舉機已經完成埋構圖動作

假設你用開35mm，你不停用大約都知個構圖會係幾闊，個人或主體大約幾大。但如果變焦，有冇咩心得？

去d吃喝玩樂嘅電話

如果去d好多風景相影嘅我仲用緊canon powershot G1X

用半幅機+餅乾鏡頭最fit
夠輕得嚟又有返相機嘅質素
好似富士咁

首先我講返慣用天涯鏡係晌 20-50呢個range（以前用17-35）
我睇慣咗20mm大概包倒幾多嘢 又睇慣咗50mm大概包倒幾多嘢 大概扭中間就會係35mm 手指要習慣扭幾多就係中間 咁我揸開20-50 手指慣性調較20,35,50mm已經習慣成自然 咁其實我當自己已經一手揸住三枝定焦鏡 扭鏡手指要扭慣枝鏡嘅距離同感覺 由肚腩舉機到望住風景 同時手指已經扭到去想要果個mm，而唔係舉咗機睇倒風景先開始扭同移上移落構圖，所以我舉得機黎，構圖同焦距已經95%完成，只剩下5%微調移上移落同微調多幾mm，半秒唔駛要完成埋佢，甚至唔駛微調。以前我跑新聞都係咁做，跑緊已經扭鏡，埋到位一舉即影。

咁當然你話用太大範圍嘅天涯鏡18-200，我都係要扭餐死嘅，需時長。用得長炮點都冇得快，例如打湖中天鵝咁。我依家用果枝係20-50黎，調較mm唔駛扭好多，構圖時間又少咗。影風景夠用，近攝碟飯同花都夠，同埋自己玩已經變成用相機拍片了，再要廣角啲我就行後啲或者pan鏡拍片，如果個人懶唔行路，剩係諗住扭鏡去構圖，風景大用太廣角又會縮到太細，冇咗detail，構圖用自己對腳都好重要。

多謝分享。其實以前成日換唔同焦距嘅鏡都打亂咗自己，熟識一兩個距段都可能要花上好多時間，唔只係要熟悉某個焦距包到幾大範圍，仲有壓縮咁同變形，如果玩埋散影仲要顧埋光圈，主體同相機同背景嘅距離。

另外都同意影風景唔使太wide，有時成個景唔係乜都攞晒就係靚，攞太多而又冇重點不如直接開google map衛星圖

6D2 +腳

要練習好用眼構圖先，小弟想當年係職業被迫練成。另外，相片會記錄埋攝影師嘅感覺，當年小弟練快速攝影，搞到個人好緊張，未能將技巧變成呼吸一樣咁隨意，仲未做倒隨心所慾，放鬆唔倒個心態，自已去旅行嘅相俾人感受倒我攝影果陣好急，破壞咗張相嘅氣氛。

初初學影相的確最好用定焦 習慣咗限制 多啲走動 多啲了解景深同壓縮感 變焦鏡只係一個方便bonus。

天涯鏡就俾多些少錢，因為最常用，有廣角，又要淺景深，最好有接近眼球嘅 mm，50-55倒。買盡大光圈啦1.2- 1.x光圈，放大率夠，日夜都用佢架喇，近攝影花都方便，盡量唔諗住換鏡，依我習慣28-50係好常用嘅range。tele鏡可以平返些少，玩壓縮感同美感用，例如沙漠一條大公路，70-200倒啦。如果要打雀要見倒羽毛紋，可能要再講質素，400-800mm ，睇你旅行會唔會打雀，不過我唔會去旅行聞羽毛。都係講錢錢錢。