記錄我下海的日子

為咗等大家可以更加了解性工作者呢一行
想分享下自己呢幾年來嘅見聞

由於以往精彩po俾連尼住del晒
係度整理埋個人背景懶人包俾大家

香港出世香港長大中學畢業後打工2年後去咗台灣讀書
廢炎時期被困係台灣冇得放假返香港打工斷咗所有經濟來源
大學讀唔到落去逼於無奈下海繼續學業及支持異地生活
定點，外送茶，魚，舒壓館，包養網都做過曬搵過食
就差陪酒未做過

畢業返嚟香港做文職工作
不久廢炎後遺症+情緒病翻發炒埋一碟導致身體精神無法正常穩定工作全職被人雞咗
病情之重係醫生批咗殘疾津貼而家手上揸緊白卡
耗盡咗以前賺嘅丁點儲蓄後決定重操舊業
係香港做過馬攬、hg，而家做緊spa場
佛系返工休養順便草下錢

係度對我或者呢行有想法問題都可以下面回覆

再次重申我所講嘅思想諗法做法僅為自己作風唔代表其他任何女仔

點解我會過台灣讀書？
當年讀中學個時F.2打機開始接觸台灣網友
亦都開始接觸電腦繪圖畫動漫開始沉溺其中鑽研畫技
自己係好想向呢方面發展，覺得自己係有天賦

讀中學開始就已經知道自己唔係讀書嘅料
有同啊媽講想轉校去專門讀art嘅學校
個時屋企仲攞緊綜援轉校去個間學費係全免
但思想死板嘅啊媽一口回絕咗❌要我去考dse

未夠18嘅我人生係冇話事權
唯有轉諗法畢業之後過台灣讀大學讀我鐘意嘅設計科

但呢個諗法都俾我老母ban咗❌
因為佢有錢寧願去大陸買舖頭仔投資
唔願意供我去讀大學
好吧咁我畢業之後努力返工搵錢草起身自己供自己讀咁我老母阻我唔到追求我想做嘅事

2018年嘅我返工草錢草咗10萬蚊就唔理我老母反對就自己過咗台灣讀設計
一心諗住寒暑假返香港打工嘅話呢4年可以順利咁過
我呢個諗法如無意外係冇錯嘅，但可惜真係冇預料到之後世界會發生咩事……

18年過咗去台灣讀書既我
心諗可以脫離窒息嘅屋企，嘗試係台灣租屋住體驗當地生活，好舒適咁渡過咗一年
但去到20年嘅新年寒假，廢炎襲來
學校嘅老師一早收到風台灣當局會隨時封關，打電話勸我哋返咗香港放假嘅學生即刻返去台灣隔離等開學
打緊工嘅我聽到呢個消息好愕然，係度諗緊我返工報咗更點算，返唔夠工生活費唔夠點算
係台灣已經讀咗一年半，如果因為呢樣野而休學其實係好蝕，仲要唔知呢件事要等幾耐先恢復
權衡咗好多嘢之後係決定咗拋低手上嘅工作即刻飛咗返台灣
而學校嘅老師亦冇講錯，我返咗台灣之後一個禮拜左右真係宣佈咗封關
當時身上仲有以前嘅儲蓄，但而家夠用唔代表唔會用完
就決定咗搬去學校宿舍住減少支出
但見住自己啲餘額日漸減少，心入面潛意識中嘅壓力逐漸增加
去到有一日自己會無啦啦爆喊，但自己完全唔知自己喊啲咩，同人講嘢無啦啦失憶唔記得對方啱啱講咗啲咩答唔返出嚟
亦係度形住另外三個室友係討厭自己，個心會無啦啦feel到跳勁快好唔舒服，想匿埋自己係床冇動力做任何事唔想社交……
以上種種自己奇怪既狀況我覺得自己需要尋求醫生諮詢
就去咗附近嘅身心科診所求診，就俾醫生確診咗係焦慮症……

講真食咗醫生開嘅藥
未適應之前係每日昏昏沉沉不斷訓覺
但每日食藥過兩個禮拜左右藥效開始出嚟
終於個人舒服啲冇咁緊張可以放鬆到冇咁神經質
但其間未完全痊癒更有聲敏嘅症狀出現
對於住宿舍需要與人磨合嘅場所更加係痛苦萬分
嚴重嘅時候真係上堂聽書嘅時候感覺好坐立不安，好唔舒服，好想返去宿舍自己一個休息
要隨身攜帶鎮靜劑服用去抒緩病情
但缺乏動力、疲倦嘅症狀從以前台灣時期keep住持續到而家仲有
萬幸嘅係隨住台灣醫療嘅便利，係醫生嘅加強調藥之下病情係可以控制返我正常生活返學
確診係台灣呢2年幾其間至到係離開前
藥量係有從中度漸減至近乎最低
曾經有問過醫生如果我減到最後唔食藥會點樣
“不吃藥就是會焦慮啊”
當時我理解唔到呢句說話帶住個問號離開診室
而家我就理解到當時醫生所講嘅說話原來指嘅係呢個病係長期病
而唔係似感冒咁好返就係完

當年廢炎肆虐全球當下
台灣就似個避世之國咁好後期先出現大爆發所以冇乜事
在學期間冇得正常增加收入以付日常生活支出平衡
靠住法例僅容許嘅每周20小時打工生活及草學費是不可能的
當時大二嘅堂數都唔係少
見住自己銀行數目嘅不斷減少
我不斷地思考有咩方法可以用最短時間賺到最多嘅錢平衡到自己學業、金錢同病情嘅所需休息

我啊媽從細都係對我打壓教育，老豆一早離婚賣埋咸鴨蛋一個仙都冇留低
同屋企人講問啊媽攞係不可能完全支撑到我
更有可能受到我啊媽嘅冷嘲熱諷及以佢其施捨嘅心態去俾錢我滿足佢當中嘅控制欲
權衡咗好耐嘅結果係當時嘅困境之中最優解嘅解決方式係下海
我內心覺得下海自己搵錢好過承受向屋企人屈膝求助嘅恥辱
係我做些少搜集資料後
以“八大”呢個關鍵字係fb搜尋搵到我想要嘅行業大量招人廣告

係台灣決定下海之前都有玩過haymandi搵sp試水溫
順便都滿足下自己
以齋睇文字條件開盲盒方式搵男人試下接唔接受到

第一個都正正常常
約咗幾次出嚟有同佢一齊食埋飯
都幾好屌
但後尾佢唔遵守承諾逼我玩無套中出搞到要佢買事後俾我
太過份俾我blacklist咗

第二個係盲盒嚟
佢寫自己180我天真以為冇死啦
點知出到嚟係180嘅樣衰暗瘡瘦排骨毒撚仲要孭埋大書包啱啱放學
講嘢仲要有啲kam
仆街個時係街已經想偷走但俾佢拖住咗隻手
都算
上到房除衫沖凉
仆你個乖牙籤仔？？！！
帶套入心諗你入咗架啦？
跟住我黑撚晒面做死魚
然後有冷氣佢都扑到唔知點解出撚晒汗
仲要男上啲汗滴晒落我塊面度
我忍撚到佢結束冇乜點再講過嘢
臨走我講返啲客套說話話下次見
佢都好尷尬咁講其實我哋應該冇下次啦掛

自從呢次之後心諗呢啲質素嘅我都忍到結束
我諗我做雞接受能力應該冇問題
然後都無再haymandi搵仔
唔想再幫啲唔啱心水嘅人做免費服務

講到我fb尋找“八大”嘅招聘廣告
好陰差陽錯咁用line搵到近居住地點既老細約見面
經過一輪溝通佢哋推薦我先試做“定點”（類似香港神房）
再有多番提點工作事宜後擇日上班
點解唔試做其他係因為當年自己打扮化妝唔夠靚女之外競爭嚟講相對冇咁大
冇記錯當年我純粹係靠後生就做到全店第二貴，可想言之普通做呢個地方女仔質素都唔高所以競爭少
好記得啲單位都係深藏於單棟公寓不同嘅小套房
當時冇做過其他地方所以對呢啲地方嘅衛生相當唔了解
但諗返起都相當惡劣
沖涼抹乾身用毛巾仔純粹係單位入面用普通洗衣粉洗完晾乾俾客用，啲毛巾仔可以洗到硬晒
床上面唔會有一次性床墊，整污糟咗都唔會換
房間內亦都曱甴橫行
重點定點係做快餐30分鐘內扑完就閃，所以每單收嘅錢都唔多，回數大約為三七分左右
每次full鍾先得大約為1萬7k左右台幣
但對於第一日做呢行嘅我嚟講覺得算多了
個時揸住堆銀紙
覺得一日可以搵到咁多錢好唔現實
原來自己拋開尊嚴就可以得到咁多
但自己因為病同返學，返工嘅日子唔多
所以自己都唔係做咗好耐

我人生中第一個客人係台灣定點個度
唔知係咪“阿姨”有講話我係白紙初做
個客佢好熱情咁買咗野飲上鐘送俾我同我一齊飲祝賀我
當時我咩都唔識
流程上都係佢教返我應該要做啲咩
但去到戴套進入嘅時候
一插咗入去佢即刻嗌咗出聲就縮咗
“怎麼會這麼緊？！！”
原來佢係一插咗入去就射咗
我一臉茫然睇住佢好狼狽咁掩飾自己已經射咗嘅事實
佢自己9秒9去咗沖身再極速着返衫
連支未飲完既野飲都唔要就走咗
後尾先知佢咁樣係叫派報紙，佢都真係幾柒

初做就打大佬 70+歲伯伯
好核突嘅體驗嚟

好記得係台灣做定點第三個客就係一位地中海到近乎禿頭嘅銀髮伯伯
老到似咩樣請參照網絡紅人何伯
到底服務佢有係咩感受呢
上嚟就有陣老人除，佢本身可能因為年紀問題已經硬唔起
就變咗要撫摸女性性興奮為樂
不停用手咁挑逗我玩弄我唔同身體敏感部位
係咁問我舒唔舒服但其實自己好拒抗佢
交戲咁答返佢我舒服
係咁玩到我有反應俾反應佢交貨先滿意
周不時就哄個頭埋嚟畀佢用流失晒膠原蛋白嘅乾扁嘴唇同我瘋狂大車坦克車進攻咁
同佢啲口水交流我覺得好核突

但我唔敢拒絕/避車/彈鐘，因為台灣流傳係唔可以得罪派單阿姨否則佢係會推少啲客俾我

個伯伯係下面扯唔起的細細條
但佢都要迫我同佢口
好似含住條軟乃乃嘅海蔘係口入面
仲有要逼住奶佢粒提子乾lin
keep住吹唔硬佢就開始叫我自己用手打
打極都係軟嘅，但之後佢發出呻吟聲要出嘢咁但
都冇野噴出嚟
我成個嘴都係佢啲口水好核突
我係廁所浪咗好多次口都搞唔掂
返宿舍之前都唔想吞口水
當然要嗽口水先完全清除到味道口感

可能我交戲太好然後過幾日佢又返食了
其實我並非歧視老人家尋歡嘅行為
但年齡差搞到成個交流感覺我自己係未能接受到
尤其硬唔起嘅客係最難搞
但自己唔敢彈個客要揾錢就係要接受

夠鐘覆診啦～

有日定點個腦細約我出嚟試鐘（有俾返鐘錢）
完事後同我自稱佢係某私約平台論壇老細
叫我去轉做魚咁樣約客開時鐘房再同佢分成
咁樣就唔洗咁悶係房等客
開頭我根本唔知咩係叫魚
其實所謂魚啫係同ptgf差唔多
係同個客私約去指定地點開房唔洗俾人分成
我毫無防備地聽佢說話去搞電話卡開新嘅line
俾啲自拍相佢做介紹文
直到等版主聯絡我做真人認證（防茶莊放廣告扮魚）
無啦啦問我咁樣約客有冇俾人分成
我腦入面充滿住問號照答有
被佢提點完我先知道原來個所謂老細係講大話佢根本同個論壇係冇關係
事情穿煲後同個怒羞嘅定點老細係line互片完
我直接用咗佢幫我打嘅介紹文去開始我嘅做魚嘅日子了

做魚初期時嘅記憶已經歷史悠久忘卻咗好多
唯一記得嘅都係啲熟客仔開心嘅相處回憶
當初我做魚係扮台灣本地人
而我論壇會約嘅人大多都係中產人士
所以有啲人都接觸得多外國人
而扮本地人最難扮嘅係口音
即使講嘅一樣係國語但講2句有啲人就會即刻分到我唔係台灣人
試過有人以為我係外國回台嘅華橋
估唔到我實際邊度人因為啲口音真係邊度都唔完全係
大陸又唔係，越南又唔似樣，馬來又唔係，又冇港普口音
你問我係邊度人我自己都唔知

TLBiR

留tg

你意志力都幾強，又識做資料搜集，可惜窮同病 希望你可以做返自己想做嗰行

情緒病垃圾tldr

R生意會比人ban

有日做魚遇到個客
突然間俾咗2萬蚊台幣約我同佢出去約會玩
個時我第一次俾人咁樣包日玩
突然間俾錢我先真係嚇屎我

到咗約定嘅日子
坐佢私家車去咗烏來浸溫泉
途中經過係漁港嘅餐廳食下當地海鮮
再去佢預約咗嘅私湯温泉房
途中都係咁同佢傾偈交流
了解下佢嘅背景同埋工作嘅內容
大慨都知佢係做好忙碌嘅高薪工種
放假無人陪佢出嚟放鬆玩先會咁約
浸完溫泉嚟咗Q之後去咗食懷石料理
都理解到自己一個人嚟呢啲地方會好尷尬所以要有人陪伴

佢覺得大家相處得舒服，佢又約我另一日包日
個日我事前唔知去邊
都係坐佢架車去玩
原來佢係想去萬里嘅海水浴場玩
好似汽車旅館咁停車入去就係房間
房間入面仲有對門
一開就係海灘俾你自由進出咁玩
個時我成個小朋友咁沖咗去海灘玩
佢亦都跟住我去一齊玩沙，海水浸下腳
個海灘人好少,浸腳真係舒服好放鬆
佢着咗長褲依然同我一齊落水
最後佢條褲管濕晒
係房休息咗好耐浪乾
同佢傾偈都了解到佢係一個離異咗嘅父親
經常都掛住佢個女，會用line關心佢俾錢佢洗
係呢啲話題我未到年紀代入唔到佢角色
話題草草結束
最後坐返佢架車送我返去
同佢講咗話同佢出嚟玩真係好開心
但佢可能覺得我年紀太細太小朋友，佢想舒解嘅話題好多都唔啱同我傾
之後佢就冇再搵我了

thx巴打

上嚟講故仔都算？

精神病食藥控制到，加油啦

而家有定期覆診每日都有食藥，thx巴打

而家仲係香港spa做緊？

有啊仲做緊

唔知留tg得唔得
但我見其他人有留ig/贊助link個啲都得冇問題
不如我俾我嘅threads你啦
啲故事一樣係入面
自我簡介有寫
threads：
https://www.threads.net/@yuiontst?invite=0