迷途嘅中學步兵外賣員，勸你哋正正經經搵份par time/full time工，清楚自己嘅時薪價值

😂因為之前暑假我貪得意，試過做兩個月去外賣仔， 體會到外賣員嘅辛酸，想同一啲迷途嘅年輕外賣員分享心得，勸大家正正經經搵份工。

在街上成日見到啲中學年輕人送外賣， 中學生又有， 妹豬都有見過，得閒無聊送一單好似好得意。我想簡短分享下搵工嘅心態畀一啲迷途嘅年輕人，無論點都好千祈唔好諗送全職送步兵外賣，除非呢個係興趣或者只係善用空餘時間讚下外快，一定要知道自己勞動力嘅價值。 計番份工時薪最好要70蚊或以上，小弟試過做 兩個月步兵外賣員，諗返每單賺得30蚊，但起碼要用20分鐘先完成一單，仲要唔係每個鐘都多單，對比起正正經經part time 每個鐘賺60/70蚊 老闆仲會畀你抖，都係part time優勝。

個人認為生產力和勞動力一定要與報酬合比例。我當你返足六日每日八個鐘，計番普通一個人中六畢業 fresh grad 有萬五先係市價， 千祈唔係畀 hr 壓價，如果佢唔肯畀70蚊一個鐘，就搵part time做住先，就算係餐飲業炒散都一定有70蚊以上一個鐘。咁一個星期唔使兼職嘅時間就係自己賺返嚟要嚟專心搵 full time 工嘅。

btw 但如果你話你淨係想有 full time的工開， 純粹想人工穩定每個月有一萬up又唔太care時薪有冇70， 咁最好就搵啲可以靈活請假嘅工，騎牛搵馬方便邊做邊學邊搵新工。例如一啲底薪已經有一萬 + 抽傭嘅full time 百貨公司sales或者 短期 event promoter 順便學點樣推銷嘅說話技巧，其實很講嘢下嘢sell人 就算唔係太跑到數，聽師兄講嗰行缺人嘅話，公司都會試下畀機會你做住先，如果 sales 真係唔適合自己咪諗轉下唔同崗位做住先，咁起碼每日穩定有收入，心會定啲。最後總結，年輕人嘅資本係要累積工作經驗同累積人脈諗長遠發展，希望以上建議能幫助到大學勇敢面對職場挑戰，祝大家好運。

等外賣果陣唔係抖既？

馬會電話投注屌打啦

做過一排 送外賣$80一個鐘左右 想開工就開工 唔想開就唔開
自由過你pt/ft勁多

做m記有餐食

我體重超過110公斤，part time唔請

望唔望到自己條J?

望唔到

師兄做緊？幾錢個鐘