【生存】【遊戲】【人性】十月全城哈囉喂2025

夜幕低垂，海洋公園嘅五光十色慢慢褪去。三個年輕人——阿Will、Bosco同阿龍——拖住疲倦嘅身軀，向海洋列車站緩緩走去。

「喂，再唔走就趕唔切搭尾班車啦！」Bosco望一望手錶，急急腳咁講。

三人加快腳步，趕到月台上。列車徐徐開動，向海濱公園方向駛去。

「嘩，啱啱好趕到尾班車。」阿Will鬆咗一口氣，攤坐喺椅上面。

「喂，你哋聽講未呀？」阿龍壓低把聲，「聽講海洋公園最近換咗新CEO喎。」

「係咩？點解嘅？」阿Will好奇咁問。

「都係蝕錢嗰啲原因啦。」阿龍解釋。

列車到站，大家魚貫走出車廂。

但係一出站口，所有人都呆咗喺度。

海洋公園陷入一片詭異嘅寂靜。平時熱鬧嘅園區此刻彷彿被按下咗靜音掣。冇風聲，冇蟲鳴，連腳步聲都好似被吸收咗一樣。呢種不自然嘅寂靜令人毛骨悚然。

黑暗籠罩住整個公園，只有零星嘅紅色燈光閃爍不定，為四周增添咗一層陰森恐怖嘅氣氛。遠處嘅建築物輪廓若隱若現，好似一隻隻蟄伏嘅怪物。空氣中瀰漫住一種說不清道不明嘅氣味，令人不安。

「咩事啊？全部嘢都閂晒嘅？」一個遊客困惑地問，聲音喺寂靜中顯得特別刺耳。

「連路燈都熄晒？」另一個人皺眉道，聲音中帶住驚慌。

「咁奇怪嘅，公司應該唔會咁㗎喎。」阿龍撓頭道，眼中流露出擔憂。

「喂！點解我手機冇晒信號嘅？」一個女仔大叫，係咁撳住部手機。

「我都係！連999都打唔通！」另一個人應和，聲音中充滿恐懼。

「海洋公園咁樣玩嘢？聽日我實投訴到佢哋仆街！」一個中年男人怒氣沖沖咁講，面紅耳赤。

「冷靜啲啦大家，我哋一齊行去出口睇吓發生咩事先。」一個哈囉喂演員提議，試圖平息眾人嘅情緒。

一班人向出口方向行去，路上議論紛紛。阿Will、Bosco同阿龍跟喺後面，互相交換緊張嘅眼神。

「我做咗幾年，從來冇試過咁㗎。」一個演員講。

「就算閂園都應該有保安㗎。」另一個演員附和。

當佢哋行到出入口嗰度，見到中間放咗塊告示牌，上面寫住「請勿擅自離開，多謝合作」。四周一片漆黑，只有告示牌反射著微弱的紅光。

「咩嚟㗎？」Bosco大聲讀出嚟，聲音在空蕩蕩的園區裡迴盪。

「玩嘢呀？」頭先嗰個中年男人怒道，雙眼通紅，「我而家就走！戇撚鳩！」

「喂！唔好啊！」阿Will大叫，同時衝上前想阻止佢。

但係已經太遲。個男人一步踏出海洋公園嘅門口，突然間，一道無形的力量斬斷了佢隻右手！

「啊！！！」慘叫聲響徹成個出入口，回音在黑暗中迴盪。

阿Will反應極快，一把拉住個男人，將佢拖返入閘內。

「WTF！」一個拎住相機嘅女仔嚇到摀住個口，相機啪一聲掉在地上。

所有人都驚恐地後退，有啲人開始喊，有啲人則不停咁喃喃自語。Bosco同阿龍面如土色，緊緊抱埋一齊。有幾個人忍唔住嘔吐，嘔吐聲喺寂靜中格外刺耳。仲有幾個人企唔穩，跌坐喺地下，全身發抖。

一片死寂中，只有男人的哀嚎和血液滴落地面的聲音。阿仔用衫幫個男人止血，但係手震得厲害。正當大家都嚇到呆咗嘅時候，公園嘅廣播突然響起，一把冰冷嘅機械女聲傳出：

「各位來賓，歡迎參加海洋公園Halloween特別活動。遊戲現在開始...生存，還是死亡，全在你們的選擇。」

廣播聲消失後，遠處傳來一陣陣詭異的笑聲，彷彿整個樂園都活了過來。眾人面面相覷，恐懼和絕望充斥住每一個人嘅眼神。

突然間，好似有人撳咗掣咁，所有人都開始反應。

「嗚嗚嗚...我要返屋企呀！」一個細路仔放聲大喊，眼淚同鼻涕流滿面。佢阿媽緊緊抱住佢，但自己都震到講唔出嘢。

「咁...咁點算呀？」一個中年婦女喃喃自語，雙手捽住個頭，身體前後搖晃。

有幾個後生仔忍唔住，衝向出口諗住強行離開。但係一諗起頭先嘅慘劇，又即刻縮返埋嚟，跌坐喺地下。

「救命呀！」有人開始大叫，「邊個可以救我哋呀？」

「報警啦！快啲報警啦！」另一個人大叫。

「電話冇信號呀！」有人哭喊住答。

場面一片混亂，有人開始喺度祈禱，有啲人抱埋一舊喊，仲有啲人想搵嘢做武器。每個人都陷入自己嘅恐懼之中，完全唔理身邊嘅人。

阿Will、Bosco同阿龍面面相覷，都唔知下一步應該點做。Bosco緊張到不停咬指甲，阿龍雙手抱頭，眼神呆滯咁望住地下。

「我哋...我哋而家點算？」阿龍用顫抖嘅聲音問，但無人回應佢。

聽晚10點再更

突然間，喺出口嗰度嘅人聽到遠處傳嚟一下巨響。

”咩聲嚟㗎？“有人驚慌問道。

”唔知呀，好似好大聲喎！“另一個聲音回應。

但係大家都已經驚到六神無主，冇人夠膽向聲音嚟嘅方向睇。各個圈子都喺度竊竊私語，而阿Will、Bosco同阿龍就商量緊要唔要一齊去睇下究竟。

阿Will低聲問：「不如我哋去睇下？」

Bosco搖頭：「太危險啦，而家咩都唔知。」

阿龍附和：「係呀，等多陣先啦。」

最後佢哋決定留喺原地，睇下其他人點做先。

突然間，有個大學生企起身，大聲講：「喂，大家！如果得幾個人去可能會好危險，不如我哋一齊去睇下咩事？」

「好呀好呀！」大部分人都贊成，包括之前提過嘅哈囉喂演員、女KOL同阿Will佢哋三個。

但係嗰個斷咗右手掌嘅中年阿叔大聲反對：「唔得！我唔去！冇搞清楚咩事之前我唔會郁！」

其他人苦苦相勸：「阿叔，一齊去啦，留低好危險㗎！」

阿叔堅持：「我唔去就係唔去！」

最後大家決定將阿叔留低，其他人一齊去。

阿Will唔忍心，走去同阿叔講：「阿叔，如果得你一個人留低好危險㗎，好大機會會死㗎喎。」

留名

有文？

病咗 唞幾日再更

阿叔望住自己嘅斷掌，崩潰大嗌：「點解會咁㗎，如果唔係個女咁想要嗰隻公仔，我就唔使搭呢班車啦！點解會咁㗎！」

阿Will嘗試安慰：「阿叔，而家冇人答到呢個問題。但係如果你想見返個女，就要跟我哋一齊行。你要保住條命，先可以見返佢㗎。」

阿叔聽完之後，喺地下執返送畀女女嘅熊貓公仔，默默企起身，做咗最後一個出發嘅人。

Will快步跟上大隊，發現其他人停咗喺本來係怡慶坊嘅位置。Halloween期間應該係鬼屋，相信今晚都唔少人有排隊玩，但係抬頭一望，眼前嘅建築物點都唔似原來嘅鬼屋。

「喂！啱啱玩嗰陣門口好似唔係咁樣㗎喎」有人驚訝問。

「鬼屋」大門緩緩打開，大家都猶豫，各自商量。

「咁樣即係咩意思！喂！入面嘅人同我出嚟呀！話我知點解隻手會搞成咁呀！」阿叔又再變得激動。

「點算呀？入去定唔入去好？」

「睇嚟都冇得揀喎...」

「啱啱先玩完呢間屋…好似係講害死人落地獄㗎！」

議論聲中，身穿xxx哈囉喂演員帶頭：「我哋入去睇下啦！」

「我哋都去！」一班打扮成哈利波特嘅大學生都和應。

其他人紛紛跟住入去，女KOL拉住佢新識嘅女仔朋友：「一齊啦！」