西(藏)遊記

係，我廣州來回拉薩54個鍾一程都係咁坐
不知幾享受

有冇諗過好多人大把時間

比我會淨食中餐

高反嚴唔嚴重?

都岩既 未必會再去
另願玩耐啲睇多啲

岩阿 其實37個鐘 唔算好耐
睇下景傾下計 好快過

自己好想試下西伯利亞鐵路

可能位CHING 真係咁岩得幾日假既
每個人去旅行既模式都唔一樣

拉薩入面 都好多野食既
我食左中餐 尼泊爾餐 印度餐
唔會食到悶
同埋我本身唔食得辣 所以先好似無乜得揀咁

頭一兩日有啲辛苦
但去到第十幾日
係阿里海拔四千幾米既地方
同班細路跑步踢波都冇乜野

西鐵我都想去
不過俄仔打緊仗
同埋價錢都貴

畀你講到我都想帶老母去見識下
之前一直好驚身體頂唔順

唔係誇張 有一刻好似就死咁

呢個真係要等停左打仗先去
但目標黎既

聽人話 好似上左年紀既人無咁易有高反
我自己就算嚴重 有一下係FEEL到好大獲

帶喼 定 用 backpack?

訓前寫多日先
DAY5
每日起身 都仲係會頭痛 睇黎自己都幾唔慣

咁又係落去食個狗食早餐


是日第一個景點 羊卓雍措


今次旅行最主要其實都係想睇景

對於去啲寺 睇佛 我比較無乜性趣

唔係話唔好睇 但無咁吸引咁解

係車到望到已經覺得好靚



個種藍 唔識點形容 佢又唔似歐洲啲湖咁既碧綠又有藍

但個景真係會令人覺得 原來有呢隻藍

落車個位行上少少有個山丘仔 上左去坐下




之後就落返湖邊啦 好多人


行完少少 無乜人就自己坐下影下相咁





去旅行每個人都有唔同既方式

有人鍾意chur爆 啲景點窒佢老母咁 窒到爆

而今次呢次旅行好輕鬆 可能因為地方大 每個景點之前都要坐好耐車

但每一個景點都停得幾耐 夠哂時間

時間夠鐘就上返車啦

第二個景點 卡若拉冰川
(上網搵既相)
呢度要同大家講聲sorly先

因為由羊卓雍措搭車去卡若拉冰川 中間已經係極頭痛

去到落車已經好浮 落左車5分鐘已經頂唔順

影左2張相 就拿拿聲上返車




個隨團醫生見我咁快上返黎 幫我度血氧

一度仆街啦 得返4x% 即刻叫我索氧 我諗住係便攜式果隻

點知佢叫我索支大既 之後成程車都係索住過



講返先 羊卓雍措 海拔4400 卡若拉冰川 5000

之後就去第三個景點 白居寺

落返去白居寺 海拔3900 個人開始無咁暈

但都係好攰咁 係個到行左2個圈就收皮



是日又完

Backpack啊

8日應該要咩size嘅Backpack？

藍天真係乜景都會影得靚

等緊清你繼續寫

我帶左個70L背囊 都好夠用有突

呢個真 差極有個譜

sorry 今晚再寫 呢排比較無時間

Lm，依家先見到個post

DAY6

尋晚係日喀則既所謂4星酒店到訓

又無冷氣 諗起開窗 點知一開就有蚊

結果成晚都訓唔好 第二朝又係啲19狗食自助餐

今日得2個景點 所以全日都係坐車坐車 同坐車

第一個景點 加烏拉山

係去到景點之前 係要轉夠108個灣 差啲嘔出黎


加烏拉山口可以話係去大本營前必去既景點

加烏拉山口海拔5210 距離大本營大約仲有100km

係呢到得個極細既觀景台 真係好細

但人就極多 好似啲打電話有100條線 但得1個接線生咁

係好天既情況下呢到係可以望到5座8000尺以上既雪山

今日就好好彩 係好好天既情況下望到

但可惜既係有少少雲 遮住左個頂峰 但都夠哂靚

始終人多 睇得無耐就四圍行下

呢啲19標語其實都幾破壞風景 但呢塊已經算好 可以避到唔影


係條馬路到 極多男男女女坐正係路中間拍埋啲腦殘抖音

當然你企係到影張相 我覺得可以

但你企係到拍片 啲車又要避你 又要呠呠呠 好影響


時間差唔多夠鐘就上返車 去今日第2個景點

珠峰大本營 上去之前 要轉車 轉佢啲專用大巴 其實好似一狗樣

同埋要等導遊去買飛


唔知又坐左幾耐 終於到了 快快手行入去營區


一行入去已經見到大大個珠峰 仲要見埋頂峰

反正又得睇成日 就走左入今晚住既地方放低野先

呢到就係間房 2條友1間

係呢啲地方 有熱水有差電 仲要有埋電熱顫 迫啲都無所謂啦

搞好哂之後就出去行個圈



上到黎 反而身體無乜野 一啖氧都無索過

首先係去左絨布寺先

比起其他寺 呢到既就細好多 好快就行完

行返出個廣場位 心諗 身體無乜事 就整張特別啲既相打卡

我倒立咁同珠峰影相 玩命既時候到啦

倒轉唔夠5秒 已經係暈到企唔直 有一下係眼前黑一黑

即刻返房聞氧 之後就抖下等食飯

今晚係打邊爐 好唔好食? 上到黎有得食已經好好啦

成班人吹下水 食下野 成件事好快樂


食到咁上下就出去曬月光

因為今日岩岩好係中秋節 帶埋個月餅上去食





呢一刻我應該係地表上最近月亮既人?? 應該係掛
(呢句說話 我都有同我喜歡既人講 雖然無得一齊旅行 但望住同一個月亮
我都想share呢一刻比佢)

返返去營地果邊 已經有人開緊party 係到播歌

氣氛係幾好既 但個畫面好好笑

人群中總會有幾個係咩住支大氧氣樽係到 un下un下咁


最抵死既係 竟然播左首海闊天空 唔係禁歌黎咩?

我就對呢啲無乜特別興趣 睇完一輪就返房訓

凌晨唔記得左幾點啦已經 等個月亮落左山之後就起身出去睇星

肉眼睇已經好多 未試過睇得咁清楚 個數量係多到嘩一聲


下面呢張係團友影既


影到咁上下就真係要恰陣 準備睇日出

是日完