有冇慢性前列腺炎同路人巴打

我知出面有個post但係已經冇乜人討論呢個病
我已經知道呢個病好難先好上網睇人哋講都差唔多可以幾年都未好 所以先再開post睇吓有冇巴打教路睇吓依家應該要點做再圍吓爐
講返我自己病歷先
今年七月尿道感染，過幾日就開始睾丸痛， 咁就睇醫生驗到有加德納菌食抗生素 ,之後再去睇私家泌尿科醫生佢幫我照前列腺超聲波話我有鈣化點，我有同佢講係睾丸痛，但係佢都係開抗生素就完又睇過急症， 排期照睪丸超聲波嗰時話我副睾丸有啲發炎 , 直到依家都叫食咗三個月抗生素 ,再排政府泌尿科期驗尿驗精，過幾日就睇報告睇吓仲有冇菌（之前已經覆過一次診，不過覺得啲醫生鳩鳩地幾Hea講幾句已經想叫你走）
不過我前幾日自己都去咗出邊診所驗精， 已經驗唔到有菌 ,但係仲有之前啲症狀，主要係睾丸痛 ， 坐得耐就會明顯好痛。但屙尿同性功能方面都暫時未有問題，我都有追之前出面個post跟咗啲巴打食啲保健品，都係冇乜用再開個新post睇吓有冇同路人巴打，會繼續推post到自己好返（希望）

加油 因為心理問題 都成日想屙尿 已經有五年，個病可以話影響咗我呢幾年嘅人生，不過調節係好心態，就好返好多。雖然病情唔同你，但係我明白你嘅痛苦

5年呢個病真係好影響生活 7,8月個時勁痛 工又冇心機返 運動都冇做到 搞到錢又冇又肥咗依加叫好返少少

一開始連返工返學都成問題 好彩嗰陣係疫情 係屋企先可以避免一啲社交

西醫有冇講咩原因？你自己又覺得自己係咩原因有呢個病？

你直接講你中醫角度點睇啦

樓主食多啲煮熟嘅蕃茄啦，入面嘅茄紅素有助前列腺健康，仲有唔好成日坐同忍尿

會唔會係睪丸癌

睪丸癌是一種發展於男性生殖系統之一睪丸上的癌症。 在美國，每年約8,000至9,000人被診斷出患有睪丸癌。男人一生中得到睪丸癌的機率大約為0.4%。睪丸癌最常出現於15到34歲的男性身上，特別是約25歲的年紀。

睇醫生幫唔到你，
就上iherb 買前列腺健康既產品
咩都試下，點都好過你食抗生素

醫生都係睇你有冇菌，有就開抗生素
幫唔到啲乜

叫醫生開定啲消炎止痛藥
如果有用嘅話就複發時食
抗生素下下食都唔係辦法

戒食刺激性食物同戒酒
保持心境唔好咁大壓力
多做運動
加油

有菌入咗睾丸？

暫時都停咗抗生素

算係 慢慢戒緊 好難戒

應該唔會掛 照過超聲波 聽醫生報告又冇特別野

抗生素要食晒個療程去
不過下次可以試吓其他方法先
睇吓係咪真係嚴重到唔食唔得
（如果醫生話驗唔到有菌）

不過無論如何都係聽醫生判斷啦

驗唔到有菌 應該唔洗食啦？ 等星期三去政府睇報告

不過我仲未驗過前列腺液 ，係咪應該要去睇一次私家泌尿科？

睪丸癌好似反而係唔會點痛的

睇完政府5分鐘唔洗踢返出黎驗完尿精都係冇菌。 有比佢捉診摸吓睪丸冇咩特別痛（不過之前都係）， 話仲痛係發炎未清 但冇開藥比我

不過佢話我平時痛個位係輸精管

好似兩樣都會

要去驗下 睇下有冇菌