康蕙花園好唔好住？

會唔會多小強

考慮下逸樺園

以前成日途經 覺得又靚又方便

康蕙：要買就買30幾樓以上嘅A, B單位，買埋個山景，604’ 三房套房 $800左右。如果無山景仲要日日行果條斜路，真係狗也不屌

柏蕙苑：出入方便啲，太古樓，開積好用實際啲。景就無乜景，啱啱市場成交左一間860萬三房套房，價錢都算合理

逸樺園：鰂魚涌區內整體質素算最好嘅屋苑，呎價相對貴少少，啱啱市場成交左一間1018萬 低層兩房，無景！半年前有間極高層兩房，賣左1130萬，呢間雖然貴一球，但真係筍盤，俾得過千萬，買啲樓景單位，我真心覺得好on9

上康：只考慮實用685呎果隻積皇三房套房，10幾樓都夠高，望落去個會所景都唔錯，8xx萬左右，係距離地鐵站有少少遠

中景：呎價偏貴啲啲，我覺得唔太值，個人對中康無咩特別大嘅好感

下康：位置無得輸，如果唔介紹無景（只有好少量單位景觀都算ok）、鑽石型廳、個死人𥦬台唔知點用，下康都不失會一個好選擇

原來康怡最近成交尺價已經跌破一萬蚊。康蕙最多只值8千蚊尺

師兄對南豐有乜高見？

地鐵站上面華信 或太古城邊皮匯豪峰又如何？

南豐：硬傷係樓齡舊、同埋條死人斜路。如果真係唔介意南豐個樓齡的話，盡量揀啲無咁高、無咁kam 嘅座數，我個人主觀意見：只考慮10、11、12座，15樓或以上
兩房：B、C單位
細三房：D單位
大三房：A單位

注意：南豐樓齡舊，住左咁多年凶宅個案一定會多啲，買樓要注意同層、樓上、樓下有冇出過事！

華信：其實我覺得都唔錯，位置、開積、景觀都幾好。不過係缺點係單支樓、有少少近大酒店、附近無大型商場！所以華信長期都無成交，跌市嘅時候比較難出貨

匯豪峰：同逸樺園同年代嘅樓盤，呎價同逸樺園接近，但樓底矮過逸樺園好多，景觀又無咩特別，所以揀佢不如揀逸樺園。如果你問點解仲有人會買呢度嘅話，佢有一個好處係兩房又好、三房又好，面積都細啲，所以個lump sum會平過逸樺園。所以我會認為呢舊嘢係高不成、低不就，要好precise嘅要求（又要樓齡唔太舊、又要住近太古城、近屋企人等等）嘅人先會揀呢度

新好多

巴打點睇康景花園？