到廿尾 對婚姻同家庭仲係未好ready

結咗婚生埋仔離埋婚都仲未ready

唔戴袋果陣係咪覺得好啱

你個仔女出黎做幾年野已經攞綠悠卡 個generation gap會好大

過來人話你知真係無咩事咪撚生
又要無自由又要無性生活 為乜
賺埋d錢洗晒落自己度唔好

你淨係諗個責任感都已經唔想生，你了解埋湊小朋友有幾辛苦，只會更加唔想生，你唔係主要照顧者都好，你都要受曬你老婆俾個B搞到精神崩潰嘅所有情緒，你有咗小朋友，身份就會變咗爸爸，而唔係自己，咩都要以家庭優先

你係了解清楚小朋友有幾麻煩，12歲前佢冇自理能力煩，12歲後又怕佢學壞唔讀書，都依然願意為咗同小朋友一齊嘅點點滴滴快樂回憶，真心享受養育小朋友嘅話咪生，如果係因為咩父母社會期望，身邊啲朋友都生咗羊群心理嘅話，生咗都只會後悔，其實你猶豫嘅話就代表你其實唔係咁想生，生小朋友唔係絕對肯定嘅話都會後悔，真係建議你唔好

諗還諗
決定咗唔生就唔好再諗
唔好見到人哋有細路覺得好好玩好幸福又嚟諗想生
好多時啲人後生嗰陣誓神劈願話唔生
跟住結婚幾年開始悶年紀開始大事業又穩定咗又開始想要返個完整家庭跟住先屎忽痕突然話要生
呢啲真係見唔少
你上baby kingdom見啲媽媽想生生唔出生完冇力湊又收唔返身嗰啲十個有八個都實係呢隻
諗呢樣諗嗰樣到做嘅時候先發現原來最佳時機已經過咗
咁就攞苦嚟辛

其實有時做人嘅嘢諗咁多不如信緣份好過
啲嘢未必係你諗得咁複雜
人生本身就係學習過程
有啲嘢你行到嗰步就自然會識會慣

我當年22歲就生個仔而家12歲
啱啱升咗中學好多嘢已經唔駛我哋理終於叫捱完
而家仲叫後生同老公大把me/we time都仲有精神氣力周圍去玩（正經嗰隻玩）
有時見到個仔啲同學父母（個個睇落大我哋10年以上）心裏面都可幸我哋當年咁早就生（我知我衰，笑人哋體形外貌）
同個仔又少好多代溝
好多佢哋同仔女溝通嘅問題我哋都冇
由細到大好多運動體能嘢daddy又有氣有力同佢玩陪佢癲
細個嗰陣我哋又有精神心力廿四小時招呼佢挨夜都唔易攰唔易殘（對比而家30+）
好難想象如果好似其他媽媽咁而家呢個年紀先嚟生對住個new born會幾痛苦
仲要怕身陳代謝慢收唔返身驚俾老公嫌棄

我又唔覺後生生真係有咁多問題
大家由乜都唔識到慢慢學再慢慢磨合
結婚生完之後反而大家都成熟咗上進咗定性咗
到而家同老公感情依然好好
生咗b都繼續會一齊出trip去玩去旅行（當然9成時間會多咗個人）
我又冇覺得老公有因為阿b發展唔到自己興趣
我亦冇因為太早有細路搞到要疏遠晒自己啲朋友
當然好多時間要分配亦唔可以話完全冇犧牲
但總括嚟講大家都可以好enjoy有阿b喺度嘅生活
大家都life as usual
好多兩個人開心幸福嘅回憶亦都係因為有咗小朋友先至經歷得到

而家有時諗返老一輩成日話有仔襯嫩生真係冇錯
擔心咁多計算咁多不如相信上天嘅安排
總好過你左諗右諗完之後先嚟後悔點解當初唔早啲

未玩夠就算啦我覺得你仲係未意識到生小朋友幾大件事，初生未瞓到過夜之前都唔會有一晚嘅安眠，你老婆全職湊仔都好，你放工返到嚟都要接手，仲要handle埋老婆情緒，瘋狂無限洗嘢，大咗之後又要帶佢出去玩，細路仔出街又好大陣仗，帶嘅嘢同出去一次小型旅行差唔多，佢扭計唔食飯嘅話你都唔使旨意有啖好食，等於做咗個全職僕人直到佢小學高年級

等佢自理能力有返咁上下，又要擔心佢成績，讀咩中學，俾錢佢補習，上興趣班，俾咁多錢個細路仲有機會唔聽你講，谷到你成肚氣，而且從此你就唔係身份證上面嗰個你，係你個小朋友嘅全名再加爸爸，因為你成個世界都只會圍住佢轉

男人都好啲，女人仲要面對埋生咗小朋友即刻年老色衰呢個問題，餵人奶就仲死，九成阿媽都係餵到死死下，有小朋友係有好多sweet moment嘅，但享天倫樂付出嘅代價都好大，我自問就覺得完全唔值

廿尾就唔係太早啦

未遇到想拉埋天窗嘅伴侶啫 遇到就會想

你都係想慳錢又想交配
都係去叫雞吧啦

佢做緊愛果時仲驚咩整係諗大力d屌姐

Steven

所以香港人太幸福，安全舒服，人哋要參加軍訓國家嗰啲已經成為咗一個成人香港仲有一個小朋友

成日笑人哋國家啲人人大男人，其實香港嗰啲只係一個小朋友連保護家庭都未識，得把口咩咩咩咩咩

你呢啲都係福份嚟嘅 都要老公同你配合先得
你又肯幫手照顧家庭 冇埋怨老公 佢又肯顧家
事實好多家庭 其實未預備好嗰陣 淨係兩公婆嘈交都帶好多陰影俾細路仔

我就係意識到先至唔想

大把人生埋仔都冇承擔家庭嘅責任感

我都覺得，我冇咩可能好似我老豆老母咁，為左個仔，一放工就返屋企煮飯打掃對功課

但生左唔教實在太不負責任，等於害左佢一生

所以呢個stage我唔會生，until我心態改變再算

有咩問題

生小朋友真係好大責任架, 上一兩代係咪都有公屋同無乜知識就plan 得少姐

依家你起碼要供得起樓, 仲要讀書補習興趣娛樂都比到佢

唔好彩你地其中一個失業就仆街, 供樓以外無返幾百萬backup 都唔好生

珍

是旦啦
結婚未必好，離婚仲多過結婚而家

生仔就睇你有無錢，數據反映左，根本無咩人生

生黎托咩？又煩又嘈，細個有咩頭暈身㷫仲煩，總之就煩煩煩