2024Oct17
前言:
我係TonYSuM，係一名創作歌手，除咗寫歌，我亦都好鍾意用文字表達我嘅感受。
今次呢個寫作系列叫做<<拔走心中那根刺>> ，我相信每個人都經歷過不如意嘅事，如果我地及時唔處理呢d刺，佢地就愈刺愈深，愈積愈多，最後令到我地愈來愈多負面情緒。今次呢個系列寫嘅都係我100%嘅真人真事，其實寫出嚟係想幫助自己拔除心中嘅刺痛。如果您有緣睇到呢個系列，我都希望喺我嘅故事能夠幫助您面對心中黑暗，將你每根刺一一拔走。
<<拔走心中那根刺>>
TonYSuM
7 回覆
2 Like
1 Dislike
第一根剌－縈繞
第一根刺嘅時間點係2022年，因為那條刺只係得2年時間，呢條刺刺得唔係好深，所以及時拔走佢吧，呢個就係我將佢寫落第一篇的原因。 <<縈繞>>係我有份編曲、填詞、混音嘅一首歌曲，呢首歌亦已經係同年於各大音樂平台上架。能夠有自己嘅作品公諸於世，係不少音樂創作人嘅夢想，點解呢一件咁美好嘅事情，會變成我心中嘅一根刺?
2022年，我處於re-take year (讀緊hkdi數碼音樂HD)，當時因為Covid我依然要長時間留喺屋企，及後參與咗UP(一間新媒體出版社)嘅音樂人指導計劃，喺個計劃裡面我地會學習作曲、填詞同編曲，而且會有出版自己作品嘅機會。喺個計劃裡面認識咗教作曲鋼琴嘅Zion老師，同佢係whatapps上面嘅交流後，佢俾咗一首demo我去做編曲同填詞，呢首曲嘅感覺係偏輕快、伴隨住結他嘅掃動、加埋用上電子synth line 嘅旋律，成件事我好快就聯想到2000年代周杰倫曲風、帶一點blues味嗰種感覺。大家可以搵一下周杰倫嘅夜曲嚟聽，縈繞無夜曲那段明顯blue 的味道，但夜曲呢個例子能夠方便大家聯想demo時係如何。
收到Demo時候，我覺得整首歌係有好大嘅發揮空間，而且Zion知道我係玩Rap，佢亦都俾空間我去填一段Rap詞，所以成件事感覺很fit 我自己。但事實往往與願違，當時嘅我處於一個好抑屈嘅心情，呢一首R&B嘅歌曲落到我手中，我竟然毫無頭緒。當時受到最大嘅打擊係婆婆啱啱過咗身，然後我諗起過往呢幾年嘅人生，完全唔知做緊乜撚嘢。當時我連針卡都無，好多地方都去唔到，我什至睇唔到自己嘅前途係點，睇唔到香港會變成點，其實已經有想死嘅念頭，但仲未諗到勇氣去做呢個行動，總知，當時嘅情緒就好差啦。
UP除咗有音樂人指導計劃，老闆王仲傑亦有開班教填詞，喺22年5月嘅時候我就join 咗個填詞實戰班。係承受親人離去嘅愛別離苦嘅艱難時刻，我全心全意都將嗰股無力感拎咗去寫歌詞。實戰班一共有5首demo，當中有4首我都鍾意自己填嘅成品。亦都因為呢個原因，我將自己嘅心思都放在實戰班上面，而唔係Zion嘅demo，於是，呢首demo拖到6月先開始動工。
按住Zion嘅意思，佢想首歌係關於一對男女喺到鬧緊交，我就按佢嘅指示開始填詞編曲。睇返當時嘅日記，日日都係抑屈嘅狀態。拎住呢首歌，仲要夾硬寫一d鬧交嘅歌詞，真係攞苦嚟辛。不過應承人，人地願意俾個機會你，就算幾辛苦，都無理由話中退放棄唔寫。
「縈繞每段愛情
沉溺昨日過程
仍不放是我 彼此間總分不清
螢火照亮愛情
時光卻沒有停
曇花已落索 枯枝偏不肯清醒」
呢段係當時寫嘅hook，我用咗Zion命名嘅「縈繞」做呢首歌嘅歌名，用上愛情去寫男主同女主嘅關係，但整首歌都係用押韻堆疊，純粹填返哂d字入去就算。除咗表達嗌交嘅場景，成首歌想講乜？ 我呢個填詞人完全唔知。當時應該有諗住分手嘅女朋友嚟寫首歌，但實際上我都唔知自己寫緊乜。
由於首歌需要一d 結他嘅部份，而我又唔識彈結他，所以Zion就安排咗兩個助手俾我，就係Zoe同佢男朋友，which is 我個HighDip嘅「師弟妹」，不過我同佢哋本身係唔認識的。 我諗當時嘅我情緒真係唔太好，好多嘢都會發大嚟諗，或者諗得好負面。Zoe 好鍾意師兄前師兄後咁叫我，而我係唔鍾意佢咁叫我。喺我心裡面覺得，好似寸緊我廢咁，由於Zoe 係Zion嘅鋼琴學生，所以佢地識咗好耐，而我則係好局外人嘅feel。
「螞蟻都搬家 失足於低窐
遷徙到某處 到處有變化
落泊的烏鴉 可否找到家
不需看透 不需記掛
年月日 在過去 你不安 我清楚 （年月日 沒有你 我的心 你可知？）
或有天可 終於不需講
偏要詐不知」
仲記得呢一段歌詞係一路去動漫節排隊嘅時候寫，講時嘅心態係…屌，諗到歌詞未呀，快撚d寫完交差啦。於是，成首歌嘅歌詞都係無意思，寫緊嘅只係我當時好迷失嘅心情，結果，就係成首歌都唔知寫緊乜。
第一根刺嘅時間點係2022年，因為那條刺只係得2年時間，呢條刺刺得唔係好深，所以及時拔走佢吧，呢個就係我將佢寫落第一篇的原因。 <<縈繞>>係我有份編曲、填詞、混音嘅一首歌曲，呢首歌亦已經係同年於各大音樂平台上架。能夠有自己嘅作品公諸於世，係不少音樂創作人嘅夢想，點解呢一件咁美好嘅事情，會變成我心中嘅一根刺?
2022年，我處於re-take year (讀緊hkdi數碼音樂HD)，當時因為Covid我依然要長時間留喺屋企，及後參與咗UP(一間新媒體出版社)嘅音樂人指導計劃，喺個計劃裡面我地會學習作曲、填詞同編曲，而且會有出版自己作品嘅機會。喺個計劃裡面認識咗教作曲鋼琴嘅Zion老師，同佢係whatapps上面嘅交流後，佢俾咗一首demo我去做編曲同填詞，呢首曲嘅感覺係偏輕快、伴隨住結他嘅掃動、加埋用上電子synth line 嘅旋律，成件事我好快就聯想到2000年代周杰倫曲風、帶一點blues味嗰種感覺。大家可以搵一下周杰倫嘅夜曲嚟聽，縈繞無夜曲那段明顯blue 的味道，但夜曲呢個例子能夠方便大家聯想demo時係如何。
收到Demo時候，我覺得整首歌係有好大嘅發揮空間，而且Zion知道我係玩Rap，佢亦都俾空間我去填一段Rap詞，所以成件事感覺很fit 我自己。但事實往往與願違，當時嘅我處於一個好抑屈嘅心情，呢一首R&B嘅歌曲落到我手中，我竟然毫無頭緒。當時受到最大嘅打擊係婆婆啱啱過咗身，然後我諗起過往呢幾年嘅人生，完全唔知做緊乜撚嘢。當時我連針卡都無，好多地方都去唔到，我什至睇唔到自己嘅前途係點，睇唔到香港會變成點，其實已經有想死嘅念頭，但仲未諗到勇氣去做呢個行動，總知，當時嘅情緒就好差啦。
UP除咗有音樂人指導計劃，老闆王仲傑亦有開班教填詞，喺22年5月嘅時候我就join 咗個填詞實戰班。係承受親人離去嘅愛別離苦嘅艱難時刻，我全心全意都將嗰股無力感拎咗去寫歌詞。實戰班一共有5首demo，當中有4首我都鍾意自己填嘅成品。亦都因為呢個原因，我將自己嘅心思都放在實戰班上面，而唔係Zion嘅demo，於是，呢首demo拖到6月先開始動工。
按住Zion嘅意思，佢想首歌係關於一對男女喺到鬧緊交，我就按佢嘅指示開始填詞編曲。睇返當時嘅日記，日日都係抑屈嘅狀態。拎住呢首歌，仲要夾硬寫一d鬧交嘅歌詞，真係攞苦嚟辛。不過應承人，人地願意俾個機會你，就算幾辛苦，都無理由話中退放棄唔寫。
「縈繞每段愛情
沉溺昨日過程
仍不放是我 彼此間總分不清
螢火照亮愛情
時光卻沒有停
曇花已落索 枯枝偏不肯清醒」
呢段係當時寫嘅hook，我用咗Zion命名嘅「縈繞」做呢首歌嘅歌名，用上愛情去寫男主同女主嘅關係，但整首歌都係用押韻堆疊，純粹填返哂d字入去就算。除咗表達嗌交嘅場景，成首歌想講乜？ 我呢個填詞人完全唔知。當時應該有諗住分手嘅女朋友嚟寫首歌，但實際上我都唔知自己寫緊乜。
由於首歌需要一d 結他嘅部份，而我又唔識彈結他，所以Zion就安排咗兩個助手俾我，就係Zoe同佢男朋友，which is 我個HighDip嘅「師弟妹」，不過我同佢哋本身係唔認識的。 我諗當時嘅我情緒真係唔太好，好多嘢都會發大嚟諗，或者諗得好負面。Zoe 好鍾意師兄前師兄後咁叫我，而我係唔鍾意佢咁叫我。喺我心裡面覺得，好似寸緊我廢咁，由於Zoe 係Zion嘅鋼琴學生，所以佢地識咗好耐，而我則係好局外人嘅feel。
「螞蟻都搬家 失足於低窐
遷徙到某處 到處有變化
落泊的烏鴉 可否找到家
不需看透 不需記掛
年月日 在過去 你不安 我清楚 （年月日 沒有你 我的心 你可知？）
或有天可 終於不需講
偏要詐不知」
仲記得呢一段歌詞係一路去動漫節排隊嘅時候寫，講時嘅心態係…屌，諗到歌詞未呀，快撚d寫完交差啦。於是，成首歌嘅歌詞都係無意思，寫緊嘅只係我當時好迷失嘅心情，結果，就係成首歌都唔知寫緊乜。
唔知係大家太有禮貌、定音樂人真係太假、又或者我係個Social Nerd啦，我哋喺個group 嘅交流始終唔係好深。由其是係我於呢一次嘅製作嘅角色感到好模糊。For 一d 唔熟音樂製作嘅朋友，一般製作歌曲分咗作填詞、作曲、編曲、混音、錄音幾個程序，對一D 主流嘅唱片公司，每一項都係分得好專嘅，而每個崗位運作都可以好獨立，有機會佢地做緊同一首歌但互相都未見過面。初頭我以為自己係屬於填詞同編曲嘅崗位，但之後先知原來我哋呢個project係無任何resource，之後嘅錄音同混音嘅工序其實要自己執行埋，本身producer （監製）嘅角色係負責引導成件事，聯絡各個單位合作，喺呢首歌上面我一直以為Zion 擔任呢個角色（實際上佢的確係做緊producer穿針引線嘅工作），但佢又喺個group 到問我想唔想做呢首歌嘅監製、定俾Zoe 做，我當下係答咗想同Zoe 做共同監製，因為我對自己去監製一首人哋嘅都係無乜信心。
成件事由4月Zion拎咗呢個idea出嚟，到5月收到demo，6月開始寫詞同編，6月中搵Zoe嘅男朋友編結他，7、8月中間一段非常緩慢嘅進度(我已想逃避首歌)，去到8月尾，Steven (UP嘅員工)幫我哋搵到2位主唱，首歌終於可以move on 去錄音嘅階段。
因為Zion 委任咗我同Zoe 做共同嘅producer嘅角色，咁我根據返之前學嘅經驗，整張Run down list 出嚟，而當Zion 係group到覆咗我一句” I appreciate your effort”，我感覺自己做咗個傻仔，佢地個個見到張紙都係笑緊我咁。其實喺做歌嘅世界入面，Producer 係最大粒嘅，就算你係當紅歌星都好，都要聽監製嘅指令，Zion呢一句明眼人都睇得出佢係最大粒嗰個，而我卻係到懶係野扮大粒野出要run down list出黎Guide住大家做野，我諗佢地一定笑緊我。其實Zion點解唔自己take 返producer 呢個角色?唔洗搞到好似成件事我係最著緊嗰個咁。可能你哋睇到呢一個位會覺得係我個人太敏感，但之後Zion喺錄音前一晚再私底下pm 我一句
“Hi Tony 可否Send個Logic檔比我
聽日我交比Zoe 同 Steven做監製
你可以係錄音方面比D意見//
錄完之後 我會做後期Mix//
Zoe都係跟我意思做野的
”
咁其實你都根本無信任過我，啱嘅，因為佢地幾個本身就認識，唯獨我係新人，咁倒不如我完成咗填詞同編曲嘅工作後就叫我收工，而唔好再叫我去負責埋錄音什至監製啦…
成件事由4月Zion拎咗呢個idea出嚟，到5月收到demo，6月開始寫詞同編，6月中搵Zoe嘅男朋友編結他，7、8月中間一段非常緩慢嘅進度(我已想逃避首歌)，去到8月尾，Steven (UP嘅員工)幫我哋搵到2位主唱，首歌終於可以move on 去錄音嘅階段。
因為Zion 委任咗我同Zoe 做共同嘅producer嘅角色，咁我根據返之前學嘅經驗，整張Run down list 出嚟，而當Zion 係group到覆咗我一句” I appreciate your effort”，我感覺自己做咗個傻仔，佢地個個見到張紙都係笑緊我咁。其實喺做歌嘅世界入面，Producer 係最大粒嘅，就算你係當紅歌星都好，都要聽監製嘅指令，Zion呢一句明眼人都睇得出佢係最大粒嗰個，而我卻係到懶係野扮大粒野出要run down list出黎Guide住大家做野，我諗佢地一定笑緊我。其實Zion點解唔自己take 返producer 呢個角色?唔洗搞到好似成件事我係最著緊嗰個咁。可能你哋睇到呢一個位會覺得係我個人太敏感，但之後Zion喺錄音前一晚再私底下pm 我一句
“Hi Tony 可否Send個Logic檔比我
聽日我交比Zoe 同 Steven做監製
你可以係錄音方面比D意見//
錄完之後 我會做後期Mix//
Zoe都係跟我意思做野的
”
咁其實你都根本無信任過我，啱嘅，因為佢地幾個本身就認識，唯獨我係新人，咁倒不如我完成咗填詞同編曲嘅工作後就叫我收工，而唔好再叫我去負責埋錄音什至監製啦…
結果，我當日都係硬住頭皮上，男子漢大丈夫真係唔好呢d小介懷就防礙咗件大事。當日Zoe下午已經同女主音錄咗音先，因為我7點鐘先落堂，去到嘅時候佢地都已經錄咗唔少take。之後我個角色都係同Zoe一齊幫手錄埋男主音嘅take。可能佢地本身互相認識，所以我去到都唔算話好尷尬，融入到個氣氛，仲一齊叫外賣。
到錄音完成後，Zion 又話將混音嘅工作俾返我做，而最後我一直都唔想做呢項工作，唔想再聽呢一首歌，我無講到出口，但我係唔鍾意自己呢一首嘅作品。我喺九月尾遞交第一個混音嘅版本，Zion又俾咗d 意見，之後我中埋Covid，就完全唔想理首歌了。係多次我已讀不回嘅情況下，Steven係咁催我交功課，最尾我掟咗一個其實我無點改嘅版本俾Zion，我諗佢已經feel到我想hea咗件事佢，最後佢自己接手返做混音同produce呢樣嘢。
之後隻歌隨住其他歌一同在專輯發布咗。最後，喺credit list入面，我係填詞同編曲，而Producer 係Zion 同 Zoe。呢首歌發布後，我亦都完全避開咗無聽呢首歌，直到一年後（2023年嘅萬聖節） 我先鼓起勇氣播嚟聽，件事總算係有個結尾。
喺呢一年（2022）特別係呢件事，我明白到自己係一個好唔適合為別人作曲／編曲／填詞／錄音等工作嘅人。當時自己嘅情緒差係最重大嘅原因，但我唔見得自己情緒ok嘅時候會做到呢方面嘅工作。林夕都有抑屈症，佢病發時嘅時候可以癲到一年出版百幾首歌。我以為自己可以以佢做參考對象，但原來咁諗係好錯。我自己嘅style 就係自己作曲填詞俾自己唱，而唔係填俾別人。一旦係同其他人合作，作品就係屬於大家，我一個柒，就大家一齊柒。但如果作品係寫俾我自己，無論別人鍾意與唔鍾意，都與我無關，因為首作品我自己鍾意就得。
而且，崗位嘅概念真係好重要，特別係同一d 你唔熟悉嘅人合作嘅時候。如果一隊真係friend 過打band 嘅死黨，我諗大家唔會介意邊個做邊一part，因為大家一齊玩，想件事好。雖則我哋呢首歌嘅製作都係義務性則，無一個持份者係收緊錢，但變相亦好多嘢含糊不清，造成大家嘅誤會。最後縈繞呢首歌嘅view rate 係成集專輯最低view, 得79(到2024Oct18為止,Youtube Music)。
自從縈繞之後，我就再無為人其他作曲、作詞、編曲，而係真真正正為自己而做音樂，搵其他人去幫手做我嘅音樂，我諗，呢個先係我嘅價值、我咁樣先會獲得最大嘅快樂。我諗呢一樣野同我性格太大關係，我個人真係唔鍾意幫人做嘢，而係人地幫我做嘢。
在寫好這篇文章後，我便退出所有縈繞相關的whatapps group，這根刺也正式從我心裡面拔除。
P.S. 如果Zion 老師有緣睇到我呢篇嘢，我想講今日睇返哂同你嘅對話，你唔收我＄教識咗我好多音樂知識，你音樂造藝好好，以前又唔收＄咁guide 住我哋做呢隻專輯，我感激你曾經教過我咁多音樂知識
到錄音完成後，Zion 又話將混音嘅工作俾返我做，而最後我一直都唔想做呢項工作，唔想再聽呢一首歌，我無講到出口，但我係唔鍾意自己呢一首嘅作品。我喺九月尾遞交第一個混音嘅版本，Zion又俾咗d 意見，之後我中埋Covid，就完全唔想理首歌了。係多次我已讀不回嘅情況下，Steven係咁催我交功課，最尾我掟咗一個其實我無點改嘅版本俾Zion，我諗佢已經feel到我想hea咗件事佢，最後佢自己接手返做混音同produce呢樣嘢。
之後隻歌隨住其他歌一同在專輯發布咗。最後，喺credit list入面，我係填詞同編曲，而Producer 係Zion 同 Zoe。呢首歌發布後，我亦都完全避開咗無聽呢首歌，直到一年後（2023年嘅萬聖節） 我先鼓起勇氣播嚟聽，件事總算係有個結尾。
喺呢一年（2022）特別係呢件事，我明白到自己係一個好唔適合為別人作曲／編曲／填詞／錄音等工作嘅人。當時自己嘅情緒差係最重大嘅原因，但我唔見得自己情緒ok嘅時候會做到呢方面嘅工作。林夕都有抑屈症，佢病發時嘅時候可以癲到一年出版百幾首歌。我以為自己可以以佢做參考對象，但原來咁諗係好錯。我自己嘅style 就係自己作曲填詞俾自己唱，而唔係填俾別人。一旦係同其他人合作，作品就係屬於大家，我一個柒，就大家一齊柒。但如果作品係寫俾我自己，無論別人鍾意與唔鍾意，都與我無關，因為首作品我自己鍾意就得。
而且，崗位嘅概念真係好重要，特別係同一d 你唔熟悉嘅人合作嘅時候。如果一隊真係friend 過打band 嘅死黨，我諗大家唔會介意邊個做邊一part，因為大家一齊玩，想件事好。雖則我哋呢首歌嘅製作都係義務性則，無一個持份者係收緊錢，但變相亦好多嘢含糊不清，造成大家嘅誤會。最後縈繞呢首歌嘅view rate 係成集專輯最低view, 得79(到2024Oct18為止,Youtube Music)。
自從縈繞之後，我就再無為人其他作曲、作詞、編曲，而係真真正正為自己而做音樂，搵其他人去幫手做我嘅音樂，我諗，呢個先係我嘅價值、我咁樣先會獲得最大嘅快樂。我諗呢一樣野同我性格太大關係，我個人真係唔鍾意幫人做嘢，而係人地幫我做嘢。
在寫好這篇文章後，我便退出所有縈繞相關的whatapps group，這根刺也正式從我心裡面拔除。
<<拔走心中那根刺>>
第一根剌－縈嬈
-完-
P.S. 如果Zion 老師有緣睇到我呢篇嘢，我想講今日睇返哂同你嘅對話，你唔收我＄教識咗我好多音樂知識，你音樂造藝好好，以前又唔收＄咁guide 住我哋做呢隻專輯，我感激你曾經教過我咁多音樂知識
不定期連載，第2章唔知會係幾時，大家有興就睇啦，無興就負評啦 
些些~
些些~2024-Oct-20
<<拔走心中那根刺>>
第2根刺 － 盤點10大類我曾經獲得過的工作機會 (上)
搵工呢件事的確係我心中嘅一條刺。好似我呢類人格咁，唔願意接受被拒絕嘅結果，好自然會滿身傷痕。一路成長，就係同自己講who fucking cares of you，被一拒絕1次、2次又如何，如果真係要有負面情緒，咁你應該係試到第100次都唔得，咁先係你問題，而唔好將一d 環境嘅因素去歸納成你嘅錯。
今次呢個系列會講十大類我曾經做過、或者考過慮過做嘅工。
第1類係政府工，政府工出名工時穩定、又有長糧，基本上追求穩定嘅人一定會考慮過什至好熱衷於做公務員。我阿姨成日叫我考政府工，但我心諗關你蛋治咩…… 我嘅取態同政府（工）啱啱相反，我要賺大錢、我唔想要朝9晚6嘅庸員生活，2022年4月個相士阿姐話我適合做紀律部隊，我真係得啖笑。
但係，喺SPEED教我地嘅Joyce Yeung做到總督察(輔警)(日薪2,288,時薪286)，我真心唔知道佢點樣一路喺cpce做全職lecturer，一路做輔警仲要做到總督察。當然啦，我只係對份人工有興趣，唔係對呢份工有興趣。
政府工，除非TonYSuM唔再係TonYSuM啦，否則做嘅機會係0。
第二類： 私營企業 (Hotel/Retail/banking/地產/餐飲) , mt
如果唔想撈政府工，咁最大batch就一定返私人公司。香港一個以商業作為經濟命脈嘅地方，確實你有手有腳係一定有工開嘅，如果你毫無要求。雖則話近年興起hybrid mode 或者work from home，但目前為止呢種工作模式都唔係主流，至少如果搵工見到相關字眼，第一下感覺會係更加謹慎，小心呢份工係咪有伏，而唔係當佢係一種benefit。所以實際上返工都係要physically 個人返到間公司工作，夜晚6點鐘嘅地鐵站依舊係咁多人。當然呢種朝9-晚6都係一般office 嘅工作時間，如果係返酒店、零售、餐飲，返工嘅時間可能會更早或更晚。
如果返工嘅時間係office hours，咁我見唔得同返政府工有咩好顯著嘅唔同。可能有d比較大型、係市場上有領導嘅地位嘅公司會有special offers例如係舒適嘅工作環境，我見過有條片有一間公司（好似係pr行）個工作空間勁大，仲有d 籃球機、桌球室、韆鞦喺間公司入面，不過我唔知香港邊到有呢d公司、亦都唔知點入呢d公司做嘢，如果睇緊呢篇文嘅你喺呢d公司做嘢，咁咪你叻囉。
如果返零售同餐飲，就預咗呢份工唔太需要學歷都做得到，而且人工仲要唔太高。而且要報更都好麻煩，如果被佢編更 有機會撞咗其他上堂嘅時間，自己報更又有機會報得太少會被炒／要同經理混熟先多更 等諸多問題。返份閪工，放工嘅時間都仲要煩報更嘅嘢，仲辛苦過返工。
而且要對人嘅工作，就高機率要睇你個look。呢一點係我「曾經」好大嘅一條刺，玻璃心嘅我覺得成日唔被請係因為我嘅樣嘅問題，容貌焦慮症加劇咗我嘅病情，loop住係一個 搵唔到工=>覺得自己個樣嘅問題=> 唔敢再搵工=> 自己係廢柴=> 無工開無錢洗 嘅壞循環。而確實個原因係我嘅樣問題嗎？ 我宜家會覺得有部份原因係，但更大嘅原因係我嘅容貌焦慮令到我成個人毫無自信，而且亦忽視咗香港嘅競爭好大呢個客觀因素。
所以，我曾經apply 過零售同餐飲業，但從來無做過呢兩行。而我相信以後都無再需要apply 呢兩行業。與其幫人哋打工，不如我自己幫自己打工。起碼我宜家被人reject 我嘅音樂，I am still proud of myself。即使我gpa 夠高可做apply 一d management trainee ，但我都無apply過，因為我嘅目標都係做個創作歌手。
第三類：教育/補習
又唔想撈政府又唔撈私人公司，咁其實我仲可以做乜？撇除表演藝術同創作，我最想做嘅係教育。2015年－18年間撈咗3年到校功課輔班導師，雖然好多記憶都已經好模糊，但我肯定嘅係我好鍾意同人交流嘅感覺。我唔係特別鍾意小朋友，我係鍾意同人傾計。如果無啦啦有個人同你傾計，你一定覺得條友係有企圖，但如果對方係小朋友就唔會，小朋友就係有呢種天真無邪。上年sem2 我什至無啦啦走去做義工又做返功輔班老師，而sem3 亦都take 咗一科service learning教小朋友英文。對我嚟講，教書呢件事都幾費力氣，人工又唔高，但就幾享受做呢件事。
做補習社係我年頭搵工嘅一個方向。但點解最後都係無搵補習社嚟做？我諗最重點原因係mu請咗我做ta，而我亦再無需要再糾纏喺讀書呢個位。我諗過點解有人會做唱歌老師、運動教練，而唔係歌手同運動員？當然有d人係會兩種身份都擔當過，但亦都有批人係因為自身條件唔夠好到做一個搵到飯食嘅歌手同運動員，所以要退落嚟做教人、指導人嗰個。
基於呢個諗法，我又諗到教小朋友、幫佢哋對功課，對我自己嘅人生有咩幫助？教我已經教過，無需要再做一d已經做過嘅嘢。既然我無諗住全職投身教育行業，咁其實兼職做補習都好雞肋，又唔係搵得多，咁我倒不如唔好做啦。而且我發現根本唔需要拘泥喺個職業上面，我做音樂，一樣傳遞緊訊息，一樣做緊教育。唔係話一定要做個老師先可以教人，呢種諗法太傻。
而且有個問題係，做補習社嘅時間一定係d小朋友放學，即係1530-1930果段時間先有工開，咁樣其實好難搵到錢。除非教專科，否則補習社嘅工只適合俾一d 大專生搵吓零用錢……
話說在舊年Sem2見到Teach for HK，一間做ngo教育的工作，有得用一年時間入中小學做一個全職嘅老師教基層學生、而且每個月有萬6蚊，我覺得成件事都幾正，喺將來我唔排除有機會join 呢個programme，但我希望唔好有機會join 到，因為如果我成為一個Rap Star，應該要做好多宣傳、表演、做音樂、上節目、拍MV嘅工作，無理由有仲可以join 到呢個全職嘅教學programme，所以我千奇千奇唔好有機會join 到呢個programme。
<<拔走心中那根刺>>
第2根刺 － 盤點10大類我曾經獲得過的工作機會 (上)
搵工呢件事的確係我心中嘅一條刺。好似我呢類人格咁，唔願意接受被拒絕嘅結果，好自然會滿身傷痕。一路成長，就係同自己講who fucking cares of you，被一拒絕1次、2次又如何，如果真係要有負面情緒，咁你應該係試到第100次都唔得，咁先係你問題，而唔好將一d 環境嘅因素去歸納成你嘅錯。
今次呢個系列會講十大類我曾經做過、或者考過慮過做嘅工。
第1類係政府工，政府工出名工時穩定、又有長糧，基本上追求穩定嘅人一定會考慮過什至好熱衷於做公務員。我阿姨成日叫我考政府工，但我心諗關你蛋治咩…… 我嘅取態同政府（工）啱啱相反，我要賺大錢、我唔想要朝9晚6嘅庸員生活，2022年4月個相士阿姐話我適合做紀律部隊，我真係得啖笑。
但係，喺SPEED教我地嘅Joyce Yeung做到總督察(輔警)(日薪2,288,時薪286)，我真心唔知道佢點樣一路喺cpce做全職lecturer，一路做輔警仲要做到總督察。當然啦，我只係對份人工有興趣，唔係對呢份工有興趣。
政府工，除非TonYSuM唔再係TonYSuM啦，否則做嘅機會係0。
第二類： 私營企業 (Hotel/Retail/banking/地產/餐飲) , mt
如果唔想撈政府工，咁最大batch就一定返私人公司。香港一個以商業作為經濟命脈嘅地方，確實你有手有腳係一定有工開嘅，如果你毫無要求。雖則話近年興起hybrid mode 或者work from home，但目前為止呢種工作模式都唔係主流，至少如果搵工見到相關字眼，第一下感覺會係更加謹慎，小心呢份工係咪有伏，而唔係當佢係一種benefit。所以實際上返工都係要physically 個人返到間公司工作，夜晚6點鐘嘅地鐵站依舊係咁多人。當然呢種朝9-晚6都係一般office 嘅工作時間，如果係返酒店、零售、餐飲，返工嘅時間可能會更早或更晚。
如果返工嘅時間係office hours，咁我見唔得同返政府工有咩好顯著嘅唔同。可能有d比較大型、係市場上有領導嘅地位嘅公司會有special offers例如係舒適嘅工作環境，我見過有條片有一間公司（好似係pr行）個工作空間勁大，仲有d 籃球機、桌球室、韆鞦喺間公司入面，不過我唔知香港邊到有呢d公司、亦都唔知點入呢d公司做嘢，如果睇緊呢篇文嘅你喺呢d公司做嘢，咁咪你叻囉。
如果返零售同餐飲，就預咗呢份工唔太需要學歷都做得到，而且人工仲要唔太高。而且要報更都好麻煩，如果被佢編更 有機會撞咗其他上堂嘅時間，自己報更又有機會報得太少會被炒／要同經理混熟先多更 等諸多問題。返份閪工，放工嘅時間都仲要煩報更嘅嘢，仲辛苦過返工。
而且要對人嘅工作，就高機率要睇你個look。呢一點係我「曾經」好大嘅一條刺，玻璃心嘅我覺得成日唔被請係因為我嘅樣嘅問題，容貌焦慮症加劇咗我嘅病情，loop住係一個 搵唔到工=>覺得自己個樣嘅問題=> 唔敢再搵工=> 自己係廢柴=> 無工開無錢洗 嘅壞循環。而確實個原因係我嘅樣問題嗎？ 我宜家會覺得有部份原因係，但更大嘅原因係我嘅容貌焦慮令到我成個人毫無自信，而且亦忽視咗香港嘅競爭好大呢個客觀因素。
所以，我曾經apply 過零售同餐飲業，但從來無做過呢兩行。而我相信以後都無再需要apply 呢兩行業。與其幫人哋打工，不如我自己幫自己打工。起碼我宜家被人reject 我嘅音樂，I am still proud of myself。即使我gpa 夠高可做apply 一d management trainee ，但我都無apply過，因為我嘅目標都係做個創作歌手。
第三類：教育/補習
又唔想撈政府又唔撈私人公司，咁其實我仲可以做乜？撇除表演藝術同創作，我最想做嘅係教育。2015年－18年間撈咗3年到校功課輔班導師，雖然好多記憶都已經好模糊，但我肯定嘅係我好鍾意同人交流嘅感覺。我唔係特別鍾意小朋友，我係鍾意同人傾計。如果無啦啦有個人同你傾計，你一定覺得條友係有企圖，但如果對方係小朋友就唔會，小朋友就係有呢種天真無邪。上年sem2 我什至無啦啦走去做義工又做返功輔班老師，而sem3 亦都take 咗一科service learning教小朋友英文。對我嚟講，教書呢件事都幾費力氣，人工又唔高，但就幾享受做呢件事。
做補習社係我年頭搵工嘅一個方向。但點解最後都係無搵補習社嚟做？我諗最重點原因係mu請咗我做ta，而我亦再無需要再糾纏喺讀書呢個位。我諗過點解有人會做唱歌老師、運動教練，而唔係歌手同運動員？當然有d人係會兩種身份都擔當過，但亦都有批人係因為自身條件唔夠好到做一個搵到飯食嘅歌手同運動員，所以要退落嚟做教人、指導人嗰個。
基於呢個諗法，我又諗到教小朋友、幫佢哋對功課，對我自己嘅人生有咩幫助？教我已經教過，無需要再做一d已經做過嘅嘢。既然我無諗住全職投身教育行業，咁其實兼職做補習都好雞肋，又唔係搵得多，咁我倒不如唔好做啦。而且我發現根本唔需要拘泥喺個職業上面，我做音樂，一樣傳遞緊訊息，一樣做緊教育。唔係話一定要做個老師先可以教人，呢種諗法太傻。
而且有個問題係，做補習社嘅時間一定係d小朋友放學，即係1530-1930果段時間先有工開，咁樣其實好難搵到錢。除非教專科，否則補習社嘅工只適合俾一d 大專生搵吓零用錢……
話說在舊年Sem2見到Teach for HK，一間做ngo教育的工作，有得用一年時間入中小學做一個全職嘅老師教基層學生、而且每個月有萬6蚊，我覺得成件事都幾正，喺將來我唔排除有機會join 呢個programme，但我希望唔好有機會join 到，因為如果我成為一個Rap Star，應該要做好多宣傳、表演、做音樂、上節目、拍MV嘅工作，無理由有仲可以join 到呢個全職嘅教學programme，所以我千奇千奇唔好有機會join 到呢個programme。
－待續－
2024-Oct-24 (Thurs)
<<拔走心中那根刺>>
第3根刺 － 盤點10大類我曾經獲得過的工作機會 (下)
今次直接d，一嚟就講重點，我覺得最啱我嘅工係Research Assistant。
思考一下邊一個工作環境嘅人係最自由奔放？我第一時間就係諗到大專院校，你鍾意返學就返學，你唔鍾意返學人哋都吹你唔脹，當然如果係講緊出糧做嘢自然係第2個故事，但起碼個環境唔會仲有咩男同事唔留得長頭髮、女同事唔著得迷你裙嘅規矩先…當然背後講是非就一定有架啦。而且個校園環境比較大，至少你可以郁動下，唔係感覺困於間office裡面，同間監獄無咩分別。而且周圍都係大專學生，年齡都係around20左右，可以防止自己個人思想老化。
實際上，我宜家已經做過3份research assistant 嘅工作，第1份係2023年喺cpce bhm做translation，本來都好地地，最後敗於自己嘅自律性，都係resign咗。第2份喺本年4月喺hku 做student research assistant，又係做翻譯，另外仲有一d 插曲，想了解多d 自己click 返入去我4月頭嘅ig post自己睇。宜家做緊果份就係mu nursing school，為咗保住自己keep住做緊ra 嘅工作，所以局住一路返學都要一路做，希望到出年可以由ta 升做ra 拎$120/時薪。
為方便大家理解，我宜家做緊嘅ta(technical assistant) 即係同 student research assistant 同grade，有副學位就做得，而ra個價 則要拎到學士學位之後先拎到，據我了解，ta 同ra 嘅工作內幾乎一樣，差就差在個價。而我老細成日都介紹我係ra，但我個價係ta 個價嚟…
宜家喺mu嘅工作有做一d recruitment，聯絡，執ppt 同run workshop嘅工作，係一份真正類近ra 嘅工作。做pt ra 好在可以take home做，唔洗下下返去學校，當然要run workshop嘅時候我個人需要喺現場出現，所以搞到局住走堂（無諗過星期六會有堂）。基本上，我覺得最大面對嘅敵人都係自己嘅心魔，要迫自己做嘢，因為一旦take home 做嘢個人就鍾意係咁拖拖拖…… 臨到deadline先做嘢。 宜家諗緊一個有效方法解決個問題，而most likely 都喺返返學校做嘢先解決到個問題，但pt叫做唔洗長期坐喺office 。
喺我下年拎到$120 時薪後，事情會變得更加明朗，起碼做一個ra 嘅職責拎返一個ra 嘅價而唔係ta 嘅價先…而且最重要當我有bachelor degree後，我嘅option 就多好多，因為之前未有degree 所以得mu理我，假若到出年我老細唔同我簽張新約，我再用幾個月時間搵另一份ra都可以，畢竟宜家讀埋psychology 個選擇就多好多，得language 嘅技能基本上同乞食無咩分別。事實係，3次請我都因為我讀translation，但並唔係一d language 嘅學系聘請我，如果想做linguistics 嘅研究嘅工的確非常困難……所以宜家讀埋psychology嘅選擇好o岩。
所以，Full Time RA 就係我嘅救生艇，倘若我音樂真係搞唔起，我就局住要做Full Time RA，咁意味住我已經放棄咗成為職業嘅創作歌手。咁係咪意味住我放棄做音樂？ 唔係，但佢唔再係我夢想嘅職業，佢只係一種興趣，一種飯後娛樂。我從此以後唔會再同人講我係創作歌手，我會同人講我係一個大學研究助理，興趣係寫歌。
以3年為限，我俾自己嘅時間由2024年4月 – 2027年 8月，即係29、30、31歲，寫歌、參加比賽(以3次為限，只要ViuTv 搞就會參加3次造星)，運動員有黃金年齡，做藝人歌手也有黃金年齡，基本上呢3年唔得就係唔得，機會要俾自己，但試過唔得也要接受，所謂事不過三，我打機都係玩3條命，衰咗3次，就只能怪自己能力不足。
點樣叫做成功？ 在我而言，一個30歲的男人應該係搵到月入萬5蚊嘅，所以我aim 係每個月音樂可以做到1萬蚊，其餘嘅靠份 RA 嘅工墊底。 3年內，如果要用創作歌手去做我嘅職業，我就必需平均要做到一萬蚊一個月，其餘六七千用pt RA墊底。掉返轉講，如果我做ra 升職到Research Associate，就差唔多2萬蚊，咁樣我音樂每個月賺＄0都 ok。但做到全職Associate仲做唔做到音樂，呢個我就抱住疑問啦。即係3年後會產生以下結果：
1. 最理想: 全職創作歌手($10000) + PT RA ($7000)
2. 次理想: 全職但係自由嘅RAsso ($20000) + 半職創作歌手 ($0)
3. 唔理想 : 全職,困身,仲要未升到職嘅RA ($15000) + 做音樂已成興趣 (負收入)
我心目中嘅Rap Star係要拍廣告、拍電視電影、上電台宣傳新歌、開演唱會、周圍有poster、有好多fans、而且有錢、有名氣、有女，無錯，我想做一個Rap Star，而唔單止係一個創作歌手，我想自己嘅程度係要慢慢由Gareth T，去到MC，去到姜b嘅level。只要一步一步行，我唔會覺得係痴人說夢。但畢竟要set個時間俾自己，所以我set 3年時間係一個合理嘅範圍。
但現實係殘酷，儘管個夢有幾美好，但仍有唔低嘅機會率呢個明星夢會半途扎醒。我估計發生第2個情況個機率係會最高，可能有60%，發生1嘅機率要符合天時地利人和，包括我要入到造星行到好後、觀眾要like我、我d歌曲要爆紅、我本人嘅身體情緒健康要好、屋企個情況要穩定，呢d 同時間發生嘅機率實在唔高，但我唔會否定有可能發生。因為有前人行過呢d 路，如果你話Mc Jin 、農夫試過爆紅、Novel Fergus爆紅，咁我覺得即係我係有一定機率會爆紅，只要所有時機都成熟。我Set 3年呢個時間，我認為係貼切嘅，因為biologically 人體機能到30歲一定係開始下滑，我嘅身體機能和意志只會隨時間磨蝕。唔係話呢3年唔得之後一定唔得，但機率只會愈來愈低，呢3年拼盡命去搏，可能有50% 會成功，3年後，可能只會跌到得返10%。所以建立呢個期限係有佢嘅必然性。
喺呢3年裡面，我大概會用20萬嚟做音樂（包括每首單曲嘅製作費、宣傳費、搵人畫畫費用、拍MV、做CD專輯、開迷你演唱會等），理想地應該會推出到十幾隻單曲、2張CD，基本上我都會包羅咗唔少我想講嘅內容，離不開都係我日常生活嘅所見所聞。其實我都一直對電子音樂（特別係future bass）有興趣，但如果要寫一個寫電子系列嘅歌呢就真係要花全職時間先做到，呢點宜家係做唔到的。29、30呢2年我都會aim at做一d 比較罐頭beat 嘅歌，最大化個我作品嘅數量，到儲咗一堆fans 有資源後先會慢慢去精雕一隻beat。
我會定義自己係storyteller 類型，如果你係聽農夫嘅，我諗你或多或少有興趣聽我嘅歌，因為我自己寫詞方式都被受佢地影響。宜家讀緊psychology嘅呢兩年間，會報造星，如果入到嘅話就可以提前實現我嘅Rap Star夢，我自己expect 頭2年未必會被選中，而當我再累積多2年嘅唱歌跳舞表演機會，第3年（psycho畢業）我會全力做歌同跳舞，基本上搏盡埋佢。當所有可以做嘅嘢都做盡時，得與唔得就係天意，與我無關了。
就係咁啦，hopefully 呢3年有20萬去做歌，而其他嘅費用可以靠份part time RA 捱過去。呢個就係我在過去嘅暑假搵到嘅答案。接下來呢3年就係驗證呢個答案嘅時候。
我確信我做得到，因為我係TonY SuM。
剩低嗰6份工其實唔係咁重要，不外乎翻譯/content writer/倉務等工作。最令我遲疑嘅係同屬表演嘅迪迪尼／海狗公園表演工作(e.g. 萬聖節哈囉喂)，但要有破釜沉舟嘅決心，我決定拋棄中間呢d 模稜兩可嘅諗法，總知一係做Rap Star，衰咗就做full time RA，就係咁簡單。
<<拔走心中那根刺>>
第3根刺 － 盤點10大類我曾經獲得過的工作機會 (下)
今次直接d，一嚟就講重點，我覺得最啱我嘅工係Research Assistant。
思考一下邊一個工作環境嘅人係最自由奔放？我第一時間就係諗到大專院校，你鍾意返學就返學，你唔鍾意返學人哋都吹你唔脹，當然如果係講緊出糧做嘢自然係第2個故事，但起碼個環境唔會仲有咩男同事唔留得長頭髮、女同事唔著得迷你裙嘅規矩先…當然背後講是非就一定有架啦。而且個校園環境比較大，至少你可以郁動下，唔係感覺困於間office裡面，同間監獄無咩分別。而且周圍都係大專學生，年齡都係around20左右，可以防止自己個人思想老化。
實際上，我宜家已經做過3份research assistant 嘅工作，第1份係2023年喺cpce bhm做translation，本來都好地地，最後敗於自己嘅自律性，都係resign咗。第2份喺本年4月喺hku 做student research assistant，又係做翻譯，另外仲有一d 插曲，想了解多d 自己click 返入去我4月頭嘅ig post自己睇。宜家做緊果份就係mu nursing school，為咗保住自己keep住做緊ra 嘅工作，所以局住一路返學都要一路做，希望到出年可以由ta 升做ra 拎$120/時薪。
為方便大家理解，我宜家做緊嘅ta(technical assistant) 即係同 student research assistant 同grade，有副學位就做得，而ra個價 則要拎到學士學位之後先拎到，據我了解，ta 同ra 嘅工作內幾乎一樣，差就差在個價。而我老細成日都介紹我係ra，但我個價係ta 個價嚟…
宜家喺mu嘅工作有做一d recruitment，聯絡，執ppt 同run workshop嘅工作，係一份真正類近ra 嘅工作。做pt ra 好在可以take home做，唔洗下下返去學校，當然要run workshop嘅時候我個人需要喺現場出現，所以搞到局住走堂（無諗過星期六會有堂）。基本上，我覺得最大面對嘅敵人都係自己嘅心魔，要迫自己做嘢，因為一旦take home 做嘢個人就鍾意係咁拖拖拖…… 臨到deadline先做嘢。 宜家諗緊一個有效方法解決個問題，而most likely 都喺返返學校做嘢先解決到個問題，但pt叫做唔洗長期坐喺office 。
喺我下年拎到$120 時薪後，事情會變得更加明朗，起碼做一個ra 嘅職責拎返一個ra 嘅價而唔係ta 嘅價先…而且最重要當我有bachelor degree後，我嘅option 就多好多，因為之前未有degree 所以得mu理我，假若到出年我老細唔同我簽張新約，我再用幾個月時間搵另一份ra都可以，畢竟宜家讀埋psychology 個選擇就多好多，得language 嘅技能基本上同乞食無咩分別。事實係，3次請我都因為我讀translation，但並唔係一d language 嘅學系聘請我，如果想做linguistics 嘅研究嘅工的確非常困難……所以宜家讀埋psychology嘅選擇好o岩。
所以，Full Time RA 就係我嘅救生艇，倘若我音樂真係搞唔起，我就局住要做Full Time RA，咁意味住我已經放棄咗成為職業嘅創作歌手。咁係咪意味住我放棄做音樂？ 唔係，但佢唔再係我夢想嘅職業，佢只係一種興趣，一種飯後娛樂。我從此以後唔會再同人講我係創作歌手，我會同人講我係一個大學研究助理，興趣係寫歌。
以3年為限，我俾自己嘅時間由2024年4月 – 2027年 8月，即係29、30、31歲，寫歌、參加比賽(以3次為限，只要ViuTv 搞就會參加3次造星)，運動員有黃金年齡，做藝人歌手也有黃金年齡，基本上呢3年唔得就係唔得，機會要俾自己，但試過唔得也要接受，所謂事不過三，我打機都係玩3條命，衰咗3次，就只能怪自己能力不足。
點樣叫做成功？ 在我而言，一個30歲的男人應該係搵到月入萬5蚊嘅，所以我aim 係每個月音樂可以做到1萬蚊，其餘嘅靠份 RA 嘅工墊底。 3年內，如果要用創作歌手去做我嘅職業，我就必需平均要做到一萬蚊一個月，其餘六七千用pt RA墊底。掉返轉講，如果我做ra 升職到Research Associate，就差唔多2萬蚊，咁樣我音樂每個月賺＄0都 ok。但做到全職Associate仲做唔做到音樂，呢個我就抱住疑問啦。即係3年後會產生以下結果：
1. 最理想: 全職創作歌手($10000) + PT RA ($7000)
2. 次理想: 全職但係自由嘅RAsso ($20000) + 半職創作歌手 ($0)
3. 唔理想 : 全職,困身,仲要未升到職嘅RA ($15000) + 做音樂已成興趣 (負收入)
我心目中嘅Rap Star係要拍廣告、拍電視電影、上電台宣傳新歌、開演唱會、周圍有poster、有好多fans、而且有錢、有名氣、有女，無錯，我想做一個Rap Star，而唔單止係一個創作歌手，我想自己嘅程度係要慢慢由Gareth T，去到MC，去到姜b嘅level。只要一步一步行，我唔會覺得係痴人說夢。但畢竟要set個時間俾自己，所以我set 3年時間係一個合理嘅範圍。
但現實係殘酷，儘管個夢有幾美好，但仍有唔低嘅機會率呢個明星夢會半途扎醒。我估計發生第2個情況個機率係會最高，可能有60%，發生1嘅機率要符合天時地利人和，包括我要入到造星行到好後、觀眾要like我、我d歌曲要爆紅、我本人嘅身體情緒健康要好、屋企個情況要穩定，呢d 同時間發生嘅機率實在唔高，但我唔會否定有可能發生。因為有前人行過呢d 路，如果你話Mc Jin 、農夫試過爆紅、Novel Fergus爆紅，咁我覺得即係我係有一定機率會爆紅，只要所有時機都成熟。我Set 3年呢個時間，我認為係貼切嘅，因為biologically 人體機能到30歲一定係開始下滑，我嘅身體機能和意志只會隨時間磨蝕。唔係話呢3年唔得之後一定唔得，但機率只會愈來愈低，呢3年拼盡命去搏，可能有50% 會成功，3年後，可能只會跌到得返10%。所以建立呢個期限係有佢嘅必然性。
喺呢3年裡面，我大概會用20萬嚟做音樂（包括每首單曲嘅製作費、宣傳費、搵人畫畫費用、拍MV、做CD專輯、開迷你演唱會等），理想地應該會推出到十幾隻單曲、2張CD，基本上我都會包羅咗唔少我想講嘅內容，離不開都係我日常生活嘅所見所聞。其實我都一直對電子音樂（特別係future bass）有興趣，但如果要寫一個寫電子系列嘅歌呢就真係要花全職時間先做到，呢點宜家係做唔到的。29、30呢2年我都會aim at做一d 比較罐頭beat 嘅歌，最大化個我作品嘅數量，到儲咗一堆fans 有資源後先會慢慢去精雕一隻beat。
我會定義自己係storyteller 類型，如果你係聽農夫嘅，我諗你或多或少有興趣聽我嘅歌，因為我自己寫詞方式都被受佢地影響。宜家讀緊psychology嘅呢兩年間，會報造星，如果入到嘅話就可以提前實現我嘅Rap Star夢，我自己expect 頭2年未必會被選中，而當我再累積多2年嘅唱歌跳舞表演機會，第3年（psycho畢業）我會全力做歌同跳舞，基本上搏盡埋佢。當所有可以做嘅嘢都做盡時，得與唔得就係天意，與我無關了。
就係咁啦，hopefully 呢3年有20萬去做歌，而其他嘅費用可以靠份part time RA 捱過去。呢個就係我在過去嘅暑假搵到嘅答案。接下來呢3年就係驗證呢個答案嘅時候。
我確信我做得到，因為我係TonY SuM。
-完-
剩低嗰6份工其實唔係咁重要，不外乎翻譯/content writer/倉務等工作。最令我遲疑嘅係同屬表演嘅迪迪尼／海狗公園表演工作(e.g. 萬聖節哈囉喂)，但要有破釜沉舟嘅決心，我決定拋棄中間呢d 模稜兩可嘅諗法，總知一係做Rap Star，衰咗就做full time RA，就係咁簡單。